♪..مــــــآيــــك المــنــتــدى مـــع ~ شـهيـــد غ ـزة ~..♪

[ღ حورية فلسطين ღ]

طحشة

كبري خطك شوي الله وكيلك انحولت

[الحان الحرية]

ولي حرحورة لما نينو تقرأ ردك راح اشيلو و اشيل ردي :p

هاي نينو مش اي حدا :p

[أنين]

يي علينا .,

والله الموضوع مش مستاهل يعني ., لا خيار وفقوس ولا بطيخ مبسمر

خلص يعني احنا اكبر من هيك .,

الردود بتنحذف وخلص .,

هلأ انشغلت كم يوم يسير هيك يا باطل عليكم

خلض بنات روقونااا

وهيوش حبيبتي عشان خاطري خلص ., ولو هيوش انتي بتعرفي معزتك عندي ولا نسيتي الهوت دوغ

وحوريه مشاني خلص روقي ^^

ولايهمك يومين وبخلص من المايك

[أنين]

أحم أحم

خلص

انا بدي احكي هلأ ., كله يروح يعد محله

هيا شايفه كيف انا نحس هاد وانا بودع بالمنتدى هيك يسير

ندوش ولايهمك بحاول اتوسطلك

واه صحيح كبرت الخط حرحر

رجاء ماحدا يرد

خلي المايك يمر ع خير

[أنين]

هدووء

ع سيره الهدوء ., أكتر شي بحبه بهـ الدنيا

الهدوء

بحب لما أعد بشي مكان يكون هادي مافي ازعاج

بتنرفز كتير من الازعاج والصوت العاالي ., وقتها بضربوا فيوزاتي

هلأ بدي اتركم لانو من مبارحه مو نايمه ., وحاسه كمان شوي راح اغفى عـ الكيبورد

يلا تصبحوا ع خير ^^ وبتمنى ماحدا يكون ماخد ع خاطره

[أنين]

العيد هـ السنه حايكون غير علي

أول عيد بمر وأمي مابتكون موجوده ., مع انو هي جايه بالليل

بس كلمه كل عام وأنتي بخير وبوسه ع جبينها الصبح بتسوى الدنيا كلها والله

أمي ., هي حياتي كلها والله ., مابتخيل يمر وقت واكون بعيده عنها

مع انو انا بطبعي مابعبر عن شعوري كتير ., يعني حبي من بعيد لـ بعيد

بس حبها بقلبي قد الكون كله

مابحب أتأخذ قرار إلا وهي موافقه عليه ., ومابفكر بيوم من الأيام أعمل شي بترفضه

وكتير أشياء بحياتي تعلمتها منها ., وبتمنى أكون متلها

هي قدوتي بكل شي بهـ الدنيا ., بـ الكفاح بـ الأصرار بـ الحب والاخلاص ., بكل شي

الله لا يحرمني منها ., وأضل تاج ع راسي لـ آخر يوم بحياتي

آشتقتلها مع انو ماصاربها يوم مسافره

بس والله البيت مابسوى بدون ست الحبايب

[أنين]

هلأ وأنا بلفلف بالمنتدى ., من باب لـ باب دخلت ع المواضيع القديمه

صراحه شعور غريب يعني ., زكرى حلوه كآآنت مع الاعضاء

وبنفس الوقت الواحد بشوف كيف أنو الي اليوم معك ،، بكرا يمكن مايكون معك .. عشان هيك ياريت نتعمل كيف نستمتع بكل لحظه بحياتنا

نرجع للقديم ^^

بتزكر أول ماسجلت بالمنتدى كنت ما اشاراك إلا بالحوار أو العام ., ابصر ليش يعني

وكتير اعضاء محفوره اسمائهم بذاكره المنتدى .,

فلسطينيه 100% ، سيدرا الاموره ، أبو جروح ، بنبون ، أيمن ، نسرينا ، بيسان ، السفيره ، وليف الدمعه ، وتبقى دمعتي غامضه ، حكيم فلسطين ، اسير حب فلسطين ، فارس فلسطين ، نور اليقين ، اسيره النجوم ، زمرانو ، مرهف الاحساس ، سنا القمر ، مكله الرومانسيه ، أبن الجليل ، هلون ، فينيسا ، جيفارا نابلس ، حنان 16 ، القلب النابض ، جريح فلسطين ، احلى رورو ، لنوش ، بوهبه ، العيون السود ، صاحبه القلم الحزين ، ابو سليم ، شهد الحياه ، ورده حماه ، حوريه الحريه ، رأفت ، هيا ، فلسطينيه ، أبو شادي ، المعتصم بالله ، الدكتور أمير ، sallmars ، bnt_palestine ، بسمه فرح ، سيد الظلام ، رولا فداء ،عاشقه فيروز ، عاشق البندقيه ، جريحه فلسطين ، كسول ، مؤيد ، ومحمود الحاضر الغائب

وكتير كمان .,,

من 3 سنين كتير مروا اعضاء بهـ المنتدى ., في منهم الي راح والي ضل ..

والكل كان يترك بصمته .,

وطبعا لكل فتره اعضاء ., وفتره عن فتره بتختلف كتير .,

وكل فتره إلها ميزتها الخاصه

واكيد الكل خير وبركه ., ^^

بس هيك سنه الحياه مافي شي بضل متل ماهو

[أنين]

راح أحكيلكم عن أكتر مكان بحب أروحه

الي هو البحر ., بعشق البحر كتير ., بالليل طبعاً ..

مع كاسة الكرك ولا أحلى

نيجي للحكي المجازي ههههههه

بالنسبه ئلي البحر مو رمل وامواج وصخر ..

البحر وفيي وغدار بنفس الوقت

وفيي لأنو بيسمعك .. بيسمع تنهيدك وحزنك وفرحك ., بسمع شكواك

وغدار لأنو مابينعرفله أمآآن

مافي أحلى من صوت البحر ., ومابشوف أحلى من بحر الدوحه



هاااد هو

:

تو بي كونكتيد

[أنين]

الذين يشاهدون محتوى الموضوع الآن : 3 ( الأعضاء 2 والزوار 1)
‏أنين, ‏.!. وردة الأقصى .!.+

منوره ., بس خايفه النحس بنتقل للموضوع ., خدي بالك

بما أنو ندوش هون احكيلكم قصه النحس

قبل القصه .,

بحياتي الواكعيه ., كتير محظوظه .. يعني نادرا ما افشل بـ شي أو ما أوصل للي بدي اياه

أما بالنت هههههههههه

يا حبيبي ., نحس × نحس

وبلشن كريات الدم النحسيه تجري بدمي من ورا ندوش ههههههههههه

هي الاساس بس هلأ اتقاعدت هههههههههههه

المهم .,

هاد لما كنت احكي مع المحروسه ندوش ., يفصل النت عندي

وهو يكون صلاه النبي عليه ., مافي شي

بس هيك يفصل بدون سبب ., بعدين تخطينا هـ المرحله

ووصلنا لمراحل متقدمه وصار نحسها ينحسني ههههههههههههههههه

وين ما اكون وهي تكون النحس يجي

يعني لو مافصل النت وانا بحكي معها ., يعلئ الكمبيوتر كله

ولما نكون بمحادثه وهي معنا يعلئ المسن ., أما وهي مش معنا كل شي تمام ههههههههه

حتى مسجليتها بموبايلي منحوسه ههههههه

بعدين نقلتلي النحس ., وصرت وين ما أمشي بالنت يكون النحس معي

واخر ماتوصل إله النحس ., كمبيوتري عطاكم عمره بعد ماكان زي الفله

وقبل مايموت ., ماكانت تفتح صفحه الويب ., وخرف ع بكير المسكين

خلاصه الحكي كله منها هي الي نحستني

ندوش بـحـوبك ع قولة هـ الوحده

[أنين]

هي العيد أجى .. غريب هـ العيد

أول مره بحس هيك .. فرحه العيد موجوده .. بس لـ ئلي

مش فرحه بناس ولا فرحه بأجواء

فرحه بمشاعر مختلطه بشوق كبير وفرح بوجود اخواني وحزن لـ لأنو أمي مش معي ..

بس من شوي اتصلت فيها ..

ولساتني مانمت .. الساعه 3 الفجر رحت عند اختي الكبيره وحكتلها

يلا نرتب وندوكر ههههههه

شنو مافي حدا يجينا ونروح عنده فا ماحدا منا كان ع باله انو يعمل شي

قمت رتبت انا وياها وع الساعه 5 رحنا شحطنا اخوي الكبير ع صلاه العيد وعطيناه صحون لحتى يجيب حمص وفلافل

بعدين رحنا طلعنا بالحوش ( حديقه البيت ) وساعه واحنا نحكي .. ساعه نضحك .. وساعه ننتنكد ..

بعدين قمنا طلعنا ع السطح لانو المصلى جنب بيتنا وصورنا

وهلأ هي فوق راسي بتحكلي اشغللها فيروز ..

هيك العيد عنا .! بينا وبين بعض مش أكتر

وكمان شوي بدي اصحي اختي الصغيره .. وبس

هيك العيد ^^

هلأ بدي انزل ازبط كعكات العيد

يلا تو بي كونكتيد

وكل عام وأنتوا بألف ألف خير