♪..مــــــآيــــك المــنــتــدى مـــع ~ شـهيـــد غ ـزة ~..♪

[ღ حورية فلسطين ღ]

يسرنآ اليوم في مايك المنتدى ان نستضيف ضيف جديد
ضيفنا اللذي تألق في سطور منتدآنا بعالم لا حدا له
مميز في ردوده ومواضيعه
متميز في حضوره
مبدع في سيآسته
شخصيه قويه تفرض الإحترام ..
صريح لأبعد حدود ..



بناء على اختيار وردة الأقصى ((نونتي )) ^_^

تم اختيار



عزيز النفس

[Maram .. ~]

نايس..

بانتظـآر عزيز النفس :)

[الاماني الفلسطنية]

^.^

[عزيز النفس]

اول شئ ..

بسم الله الرحمن الرحيم ..

السلام عليكم

نبدأ بالتعريف ..

الاسم : علي ,

مواليد 1988/6/30 يعني بكرة عيد ميلادي :)

انا السابع بالعيله

طبعا احب كرة القدم وكنت العب الكره شبه يوميا

بس للاسف من تقريبا سنه مالعبت بسبب كثرة الاشغال وقلة الفضاوة

طبيعتي بحبش الكلام الكثير ماشي على مبدأ خير الكلام ماقل ودل – يعني لولا طبيعه هذه الموضوع كان اجملتلكم كل الي بدي احكيه بخمس اسطر

بس يالله اول مرة بدي اعملها وبدي اكتب كلاام كتيييييير كتيييييير

وانا صريح فووق ماتتصورا انه في حدا صريح < طبعا هذا رأيي من عرفني وعاشرني وبالفعل انا كذلك

وبكره المجامله كره العمى وبكره الي بجاملوا وبطيقش اشوفهم

وبحب النقد الهادف البناء

مكان الميلاد بالكويت ..

حليا بفلسطين خان يونس

ادرس حاسوب / برمجه الفصل الي فات كان الفصل الثاني من السنه الثالثه ..

اممم بحب الملوخيه وبس والفاصوليا شوي يعني < لازم نجيب سيرة البطن فش فايدة .

وبحبش كل انواع المحاشي ولا الملفوف ولا ورق العنب < امي بتقلي انته اغرب واحد بالكره الارضيه كلها

وبحبش الباميه كمان ولا الباذنجان بكل انواعه

المهم نرجع للميلاد انولدت طبعا بالكويت ..

ووعمري سنتين طلعنا من الكويت ورحنا ع العراق

بصراحه العراق عشت فيها احلى ايامي ..

يعني ايام الطفولة وايام الابتدائي والاعدادي والثانوي احلى ايام ولا يمكن انها ترجع :(

طبعا نشوب الحرب في العراق كان سبب عودتنا لفلسطين

لنا عودة بإذن الكريم

[عزيز النفس]

كنت اليوم الصبح بقرأ اشعار

لقيت هـ المقطع


لاتحسب ان كل كلمة بتسمعها وكاد
ولا تصدق هرج شاعر وتخدعك الظنون
دايم اعرف كل شاعر يهيم بكل واد
وان هم دايم يقولون ما لا يفعلون
حتى انا اللي قلت اعشقك وما اطيق البعاد
يمكن اطلع ماعشقتك .. ولا هم يحزنون


حلو صح ..!

[عزيز النفس]

بعد الحرب بالعراق اصبح الوضع متأزم جدا .. بالنسبه للفلسطينيين

يعني مثل مانتو شايفين كل لما نروح ببلد بنخربها رحنا ع الكويت قامت حرب الخليج
وصدام اتطاوش مع رئيس الكويت

رحنا ع العراق امريكا بحالها اتطاوشت مع صدام

الموووهم اجينا لبلدنا – كنا بنحلم و مبسوطين اننا بدنا نيجي لفلسطين " ارض الاسراء يعني " < تبددت احلامنا لما اجينا فلسطين


كنا بتصور فلسطين وشعبها شعب نازل من السماء ..

للاسف , تمنيت لاحقا انني لم ادخلها

مشكلتي صراحتي الزايدة ... ويعني بعرفش اسكت بالمرة اذا بشوف حاجه مش عاجباني < قلت مشكلتي لانها للاسف بهالزمن مشكله كبيرة الصراحه

يعني لازم تكون بتمدح وبتجامل وبتثني ليل نهار علشان الناس تحبك < قمة الفشل

المهم وين كنا اه لما اجينا لفلسطين

طبعا كان الاستقبال حار جدا – طبعا لاتنسوا سياسه المدح والتهليل وحلاوة اللسان المفرطه –

خلص بكفي كلام عن الماضي .!


لي عودة لنتحدث عن المنتدى

[عزيز النفس]

بآك

الموهم ندخل بالمنتدى ,,

تاريخ التسجيل 03-20-2008

طبعا عرفت المنتدى عن طريق القلب الطيب سجلت فيه شاركت فترة وبعدين تركته لاني بصراحه ماكان داخل راسي

بس بعدين دخل راسي :)

المهم رجعت للمنتدى فترة الي هي هذه وفي فترة قبلها تركت النت والماسنجر وكل عالم النت ,

بس طلعتلي شغله كلها انترنت وكمبيوتر وانا بدرس حاسوب يعني صعب اني اتركه

بس تركت كتير منتديات وحاليا انا بصدد الابتعاد عن كل المنتديات ..

المهم خلينا نحط اسئله الموضوع نجاوب عليها

شو الاشياء اللي مابتحبها بالمنتدى

اممم

بس اهم شئ انكم ماتزعلوا انا قلتلكم طبيعتي الصراحه

انا الي شايفه انه في هذا المنتدى في مجامله مش طبيعية وع الفاضي والمليان مش عارف كتير بنتناقش انا وشباب صحابي بخصوص قصه المجامله بقلولي لازم بالمنتديات ومش عارف شو انا بصراحه عمريش جااملت

وبخصوص الادارة ..

الادارة لازم تكون واقفه وقفه حياديه بالمنتدى وتبعد عن التنظيمات ..

وتعامل الاعضاء بالتساوي يعني عضو بكون حبيب الادارة بنزل موضوع تغير اسمه بتغير بنفس اليوم

وعضو مسكين اخر – بغض النظر عن انتمائه – بيقعد سنه منزل موضوع تغير اسم , وكل الاعضاء الي بالمنتدى والمشرفين والزوار واعضاء المنتدى الي جنبنا شافوا الموضوع 63 رد و369 مشاهده والادارة لليوم ماحطت رد – معقول كل هذا انشغال ومش شايفين الموضوع أم استهتار ام استخفاف ..! – ما اعتقدش
يمكن يكون هذا العضو بخالف الادارة فكريا او تنظيميا بس لازم الادارة يكونوا من الكاظمين الغيظ

حتى الاعضاء حاسين بهذا الشئ وهذا دليل رد احد الاعضاء

لبولها طلبها عاااااد

الزعيم واسامة غيروا اسماؤهم كزا مرة

أعتقـد أنـو موضـوعك بيـآخود وقت أكثر من سنـه يعنـي

وبعديـن كيف رضـآهـ،ـم عليكـِ ؟

امممم

هنهي بخصوص هذا الموضوع مع انه اله تكمله بس بكفي .!



يجيب صور عن بلده ويشرحلنا عن عاداتهم وتقاليدهم //

عارفين البلد اكتر مني بدهاش حكي .. فلسطين هذه

بحب يسمع لمين ؟؟؟ //

بحب اسمع لمحمد العمري " عاشق الانغام"

[عزيز النفس]

لنا عودة إذا بدكم ..

[عزيز النفس]

ملاحظه: الردود تعبر عن رأيي الشخصي //

يعني مش موضوع مناقشه

[عزيز النفس]

رجعنا الكم ..

السلام عليكم اليوم عيد ميلادي يااسلام ..


بصراحه مش عارف شو احكي ..

بس انا عندي فكرة لتطوير هذا الموضوع ..

يعني ليش ماتصيري ياحوريه لما تستضيفي حدا تتيحيله المجال ليحكي شوي

وبدين تبدي تسأليه اسأله يعني زي كأنه لقاء ع التلفزيون وانتي المذيعه

لاني بصراحه خلصت وماعندي شئ احكي إذا بدك تسألي اي اسأله انا جاهز او اي عضو بدو يسأل

مش عارف إذا قوانين الموضوع بتسمح ولا لاء ؟!

ودمتم سالمين .!