.[ البدء بالتحضير لإنطلاقة مشروع موبايلي في سبيل دعوتي ].

[.:.!دموع الرحيل!.:.]

اللهـ يبـــارك بكـل من انضم لمشـروع

.." موبايـلي في سبيل دعوتـي "..

نسأل الله أن يتقبل منـّا ومنكم .. ويجعلـه عملا نافعـاً .. نافذاً في صلاح الأمـّة بإذن الله ..

الحمـدلله انضم عدد لا بأس بـه للمشـروع .. والخلاصة إلـى الآن ..

أول مجموعـه ستستلم الرسائل عدد الأشخـاص فيهـا .. 570 شخـص بإذن الله ..

//

أولاً قبل ما نحكي عن موضوع أول رسـاله رح نرسلهـا ،، حابّه بلغكم أنـه الأخ ( أحمد - خير أمّة )

اقترح انه يتعدى المشروع كونه مجرد رسائل موبايل .. ونزيد فرص نشـر النصيحة والخير

وذلك عبر جعلهـا حملات ،، تبدأ بموضوع بالمنتدى بنتـنـاقش فيه وبنتسفيد منـه

كموضوع وحملة كاملة ..

- بعدين تلخيصه بطريقة نقدر نعمل مجموعـه توزعه كـ " بروشورات " على الأمـاكن الي بتقدر توصله إلهـا ..

- تالتـاً إستخلاص النصيحه والعبرة من الموضوع بجمله صغيرة .. تلخص المطلوب من الحملة ..

وهي الي رح تكون المسج الي رح نرسلهـا كلنـا .. إن شاء الله ..

- رابعـا ً نشـر الموضوع الأصـلي أو التلخيص عبر الإيميل ..

///

أول مسج رح نرسلهـا رح تكون بعد شي 10 أيـام .. أو 15 يوم .. حسـب ما نخلص الشغل المطلوب ..

بداية نحن بحـاجة لعدة أمور قبل ما ينزل الموضوع الي رح تبدأ الحملة فيه شغلهـا ..

والي نحن محتاجين إله قبل هو التـالي ..::

* محتاجين لـ " لوجو " عشـان نرفقه بكل موضوع .. أو إيميل أو برشور يحمل إسم الحملة

الي رح تحمل إسم :: إحـيـاء أمّـة ::

- يا ريت المصممين بالمنتدى يعملوا إلنـا تصاميم بتحمل هالشعـار ،، عشـان يتم إختيار التصميم الأنسب ..

* محتاجين لتجميع عدد الأشخـاص الي رح يتكفلوا بنسخ تلخيص المواضيع ع شكل بروشورات

يوزعوهـا بالأمـاكن الي بيتواجدو فيهـا .. ( بالجامعه - بالشغل - بالمنقطة الي ساكنين فيهـا )

* (( عنـوان أو موضوع أول حملة رح تكون عن المسلسلات والأغـاني )) .. إن شاء الله ..

لذلك بدنـا تساعدونـا بعنوان أو شعـار لهـاي الحملـة ( الأغاني والمسلسلات ).. الي عنده اقتراح عن شو ممكن نستخدم

شعـار .. يكتبه هون وبنتناقش فيـه ..

طبعا ً هذا الشعـار .. غير شعار الحمله الأسآسي .. ( إحيـاء أمّة )

//

بانتـظـار اقتراحاتكم ,, وتفاعلكم .. ومتابعتكم للمشروع ..

الله يفتح عليـنـا وعليكم ..

بأمـان الله

[محمود]

.. { حجز مقعد } ..

[السيف عدي]

تسلمي خيتو ع المشروع كتير رائع ،،

ولشعار المسلسلات والاغاني: بقترح ( الحياة .. ثواني فلا تقضها في اللهو والاغاني .. )

يعطيكي العافيه وللمشاركين في المشروع ،،

[ابنة الشتات]

بما انو المشروع اسمو احياء امة
فشعاره يكون

(( رب همة .. أحيت أمة ))

والشعار الي اقترحو اخي السف عدي للحلقة الاولى كتير حلو

بصراحة كنت فضل انو يكونو مشروعيع منفصلين ^_^
بس مدام فيها الشغلة خير لا بأس :)


شو نبلش نحط اشيا بتخص الحلقة الاولى ؟

[.:.!دموع الرحيل!.:.]

تسلموا يا رب .. الله يفتح عليكم ..

حلو الشعـار أخ السيف عدي ..

ان شاء الله بنتناقش .. بس نشوف باقي الاقتراحات ..

يالا شدوا الهمـّة

[طائر الاقصى]

مشروع رائع وشعار حلقة ابداع بشكر العضو السيف عدي على الابداع في شعار الحلقة والشكر الاول للأخت دموع الرحيل على طرح المشروع ، وارجوا ان توضحوا كيفية الاشتراك بهذا المشروع لزيادة رقم المشاركين عن 570 . والله يعطيكم العافية .

[جرحٌ بملامح انسان]

آيــم هيـــر ..

^,^

[.:.!دموع الرحيل!.:.]

هلا بالكل

المشاركة الأصلية كتبت بواسطة طائر الاقصى

مشروع رائع وشعار حلقة ابداع بشكر العضو السيف عدي على الابداع في شعار الحلقة والشكر الاول للأخت دموع الرحيل على طرح المشروع ، وارجوا ان توضحوا كيفية الاشتراك بهذا المشروع لزيادة رقم المشاركين عن 570 . والله يعطيكم العافية .

أخي طائر الأقصى .. اتفضل هـون ..


http://shabab.ps/vb/showthread.php?t=72236

ورح تقدر تـتـابع معنـا وتفهم كل شي

^^

نورتوا ^^

[ABU-NOUR]

امممممممممممممــ

.| حـــجز كرســـي |.


الي عودة بس أشوف شو عندي ..

[ايــاد]

بنتظاركمــ ...