\\دورة أشغال يدوية لمن تحب من الصبايا تشترك\\

[روزي]

كيفكم صبايا من فترة اقترحت على ألأخت دموع الرحيل فكرة الأشغال اليدوية وهي وافقت وشجعتني واليوم تفاجأت انها عاملة الموضوع ومنزلة الله يجزاها الف خير والها الف شكر
واليوم اجيت اطرح بعض النقاط والأمور الي راح تسهل علينا التفاعل مع
المشروع وتكون بسيطة وتكون المشاركة اكبر



أولا: راح نحط اسم للفكرة إلي راح نفذها الأسبوع هاد وانتوا وشطارتكم .

ُثانيا : نحط اسم الخامات والأشياء الي راح نحتاجها لهاد الأكسسوار .

ثالثا: بنشرح فكرة وطريقة عمل الأكسسوار .

رابعا: الي بتخلص عمل الفكرة وحابة تفرجينا شو عملت وكيف عملت الفكرة تصور القطعة الي عملتها. وتفرجينا اياها.

خامسا :ماراح يكون مشروعنا مقتصر فقط على الأكسسوارات النسائية ممكن نتوسع ونعمل اكسسوارات منزلية بكافة انواعها .

سادسا: راح يكون معنا وحدة من الصبايا تعلمنا اشي من تراثنا الفلسطيني وهو الخياطة الفلاحي هيك انا بعرف اسمها اما اذا في الها اسم اخر بتمنى تحكولنا.

سابعا : ممكن نساعد اي بنت عندها قطعة اكسسوار كتير عاجبها ومش حابة تتخلى عنها كيف تحافظ عليها او تعيدها لحالتها الأولى قبل ماتخرب او نحولها لشكل تاني.

بتمنى اني قدرت اوصل فكرتي واشرحها على أكمل وجه
ونستفيد منها وقت فراغنا وفي حياتنا وشكرا الكم الف شكر

:sh59:

وهاد شكر كتير كبير للأخت دموع الرحيل هي الي شجعتني
واعطتني دفعة لأنزل موضوعي ونستفيد منوا جميعا
بجد الف شكر الك اخت دموع الرحيل وماننحرم منك يارب
أنا متأسفة جداً إني طولت عليكم

[روزي]

[bملاحظة :راح تكون الأشغال بأشياء بسيطة من المتوفر في البيت أو اي شيء بسيط بكون بين ادينا ومش عارفين شو راح نسوي فيها ومن هنا اجت الفكرة][/b]

[.:.!دموع الرحيل!.:.]

روعه يا عسل

ان شاء الله بننبسط

أكيد مشتركة معكم ان شاء الله

بالانتظـار

[إسراء الفلسطينية]

كتــــير حلو والله ،،

بركي ان شاء الله لحقت أشترك معكن بس أرجع من السفر !

يعطيكي الف عافية حبيبتي روزي

[روزي]

السلام عليكم ورحمة الله وبركاته
راح نبدأ الأسبوع هاد بعمل الأساور من المطاط والخرز

أولا: الخامات راح نحتاج : خرز بكل أحجامو وأشكالوا وألوانو على حسب رغبتك وشو متوفر عندك[CENTER]


ثانيا: راح نحتاج مطاط
ثالثا: راح نتاج مقص صغير

الطريقة[/CENTER

]

بتاخدي مقاس ايديك طبعا مع الأخذ بالحسبان ترك مسافة علشان لما نخلص من تدخيل الخرز وتنسيقوا نربطوا على ايدينا بشكل محكم علشان بعد فترة مايفك المطاطة من غير مابتشعري ويخرب كل شغلك
وطبعا بلأخير بتقصي بالمقص
وفيكي تكرري هاي الحركة على قد مابدك
وان شاء الله تكون الفكرة عجبتكوا وتنفذوها وإذا عندكم تعليقات اشي او أفكار جديدة إحنا مستعدين بتقبلها وإن شاء الله كمان بنزل صور للأساور الي راح نعملها وشكرا الكم صبايا

[روزي]

الله يعفيكي اختي إسراء وترجعي بالسلامة ان شاء الله
وتشتركي معنا واهلا وسهلا فيكي

[.:.!دموع الرحيل!.:.]

ممممممم

نـايس .. بشوف ان شاء الله اذا عنـدي هيك إشيـا ..

إذا ما عـندي .. رح اشتري هيك اشيـا

خليـنـا نبدع ..

ههههههه

يسلمو يا بطة

[بسكوتة]

أنا عندي وعملت أساور وسناسيل من قبل

بس رح أعمل شغلات جديده وأنزلهم

فكره روعة :)

يسلمو إيديكي روزي

[الاماني الفلسطنية]

ممممممم .. حلو كتيررر ...


ان شاء الله بدور اكيد رح الائي ..


انا عندي شي حلو للاشغال اليدوية للاساور بالاخص ..


انو هيك بتحطو فيه الخيطان الملونة وترتر ملون وبتعملو فيه اساور حلوة ..


كنت متشغلة فيه الصيفية الفاتت واعملت كم من وحدة ^.^


بس صرت ازهئ منو .. بطل الي طولت بالك :9


يسلمووو جوري يا ئمر

[HaDoOoL]

واااااو..
والله شي كتيييييير حلو.
وان شااء الله رح اشوف ازا عندي هالاغراض وابدى اعمل..
وان شااء الله نزبط..
يسلمووا حبيبتي.
والله يعطيكي الف عافيه..