هـل مـلابـس الـفـتـاة تـحـدد أخـلاقـهـا...؟!

[بنت بيت المقدس]

مش بالضروري دايماً اه ..

بس لما بنت تطلع بقصير وضيق وللي لابسته مش جاي 1/3 متر قماش ..

ما بدل ع اخلاقها العالية لانه الكل بعرف عواقب هاد المنظر والخروج بهيك مظهر ومدى فساده .. وهي بحد

زاتها بتعرف عواقب هاد الشي ولولا ذلك ما طلعت هيك ..!

*( واحنا لازم نميز بين الاخلاق والطيبة .. يعني ممكن تكون من

اطيب ما يمكن بس بالاخلاق ولا حبة ( متمسحة )*

ومش معناها انه كمان البنت اللي لابسة لبس شرعي ما شاء الله عن اخلاقها وسلوكها

ومش عارفة شو لانه كمان اللباس الاسلامي للاسف هالايام صار من العادات والتقاليد

واحيانا الاجبار او الضغط على البنت فما بكون عن قناعة او من وجهة نظر اسلامية ..

فهي بالنهاية لبساها هيكل اسلامي خارجي فقط

وبالنهاية في من كل قاعدة شواذ .. وما بتنعد اللباس مقياس اساسي للأخلاق لكن مؤشر لشي ( برأيي )


واسفة ع الاطالة بس لانه من باب النقاش اخدت راحتي :)


طرح الموضوع كتير حلو

.. بوركت اخي الطيب وبورك قلمك ودام شامخاً بيننا بعز


تقبل أرق التحايا

[خالدالورد]

المشاركة الأصلية كتبت بواسطة بنت بيت المقدس

مش بالضروري دايماً اه ..

بس لما بنت تطلع بقصير وضيق وللي لابسته مش جاي 1/3 متر قماش ..

ما بدل ع اخلاقها العالية لانه الكل بعرف عواقب هاد المنظر والخروج بهيك مظهر ومدى فساده .. وهي بحد

زاتها بتعرف عواقب هاد الشي ولولا ذلك ما طلعت هيك ..!

*( واحنا لازم نميز بين الاخلاق والطيبة .. يعني ممكن تكون من

اطيب ما يمكن بس بالاخلاق ولا حبة ( متمسحة )*

ومش معناها انه كمان البنت اللي لابسة لبس شرعي ما شاء الله عن اخلاقها وسلوكها

ومش عارفة شو لانه كمان اللباس الاسلامي للاسف هالايام صار من العادات والتقاليد

واحيانا الاجبار او الضغط على البنت فما بكون عن قناعة او من وجهة نظر اسلامية ..

فهي بالنهاية لبساها هيكل اسلامي خارجي فقط

وبالنهاية في من كل قاعدة شواذ .. وما بتنعد اللباس مقياس اساسي للأخلاق لكن مؤشر لشي ( برأيي )


واسفة ع الاطالة بس لانه من باب النقاش اخدت راحتي :)


طرح الموضوع كتير حلو

.. بوركت اخي الطيب وبورك قلمك ودام شامخاً بيننا بعز


تقبل أرق التحايا

شكرا على المرور والتعليق

[εïз ملآكـ εïз]

السلآم عليكم و الرحمهـ

انا طبــعأأ و اكيد و بدون شكــ ما بظن البنت الي بتتحجب معناتو مؤدبة ياما شفت بنــآت هون مناظرهم بتطمن البنت متغطية و كل شي بس سمعتها اعوز بالله ! ما ضل شب ما عرفهــآ

بس برضو نفس الحكي بنطبق ع البنات الي مو متحجبات متلا و الي بلبسوا عادي ما بيعني انهم قليلات ادب و بدون اخلآق

انا بعرف كتير بنات مو متحجبات بس عليهم اخلآق عــأألية جدا الي ناقصهم بس يتحجوا و بكونوا تمــأأم و الكمــآل لله

و في منهم لآ تســـأل مافي شي غلط ما جــربوه و منــآظرهم بتخزي صــرآحة

بس بضل منظر البنت المتحجبة بطمن الوأأحد و مــآ بتسترجي النـــأأس تحكي عنهـــآ الا لتشوف زلة

هــآد رايي و اظن البنت لوحدهــآ بتعرف شو مصلحتهــأأ و بضل التستر افضل خـــيآر لالها

سوري ع الاطـــآآلة ^_^

تقبل مروري

و في انتظــأأر جديدك

[مؤيد]

أي اللي بيسمع بقول انو كل المش متحجبات أخلاقهم عالية ...

أول شي هالكلام غلط وكتير كمان ...

نسبة المحجبات ذوات الأخلاق المتدنية هم قلة مش اغلبية ، عشان هيك ما بنفع نكبر الأمور .....

أما نسبة الغير متحجبات ذوات الأخلاق الجيدة فهم قلة ، ونسبة المش مناح فيهم كبيرة .....

الأصل انو المحجبة انسانة ملتزمة وذات اخلاق ...

والأصل في المش محجبة انو اخلاقها نص كم .....

ولما أقصد حجاب بقصد الحجاب الي فعلا حجاب ، مش وحدة لابسة حجاب مع جينز ضيق وبلوزة بودي قصيرة ....

واللبس مرآة كل انسان .... هيك علم النفس أخبرنا ... وكل لون وكل شغلة الواحد بيلبسها بتكون بتعبر عنه وعن شخصيته وتوجهاته واخلاقياته ....

مستحيل متلا بنت محترمة وعندها دين تروح تلبس لبس بيخزي ....

شكراً على الموضوع .....

[عسولة الأقصى]

اممممم ,,

طبعا ملابس الفتاة الها علاقة بشخصيتها لكن مش باخلاقها ,,

يعني ممكن يكون الها دور بعنصر الحياء ,,

أما الاخلاق ,, ما الها دور بالموضوع ,,

و لبس الفتاة بيعتمد على طبيعة البيئة و عاداتها ,,

يعنتي متلا احنا هون بالخليج ,, اللباس العام للبنات في البلد هو العباية ,,

و العباية أستر شي ممكن تلبسو البنت ,,

لكن تعال شوف اللي بيطلع من البنات ,,

فهون مش كل بنت لبست عباية يعني اخلاقها منيحة ,,

تاني شي ,, احنا عايشين في مجتمعات ,, الرأي العام بيحكم فيها على طبيعة اللبس ,,

فالفتاة لا تخير بلباسها ,, و انما يحكم عليها به من قبل بيئتها ,,

فلو خيرت الفتاة ,, وقتها ممكن يكون لباسها دليل على اخلاقها ,,

لانو وقتها رح يعكس شخصيتها و معتقداتها ,,

طرح مميز ,,

تقبل مروري ,,

تحياتي ,,

[princess soso]

اكيد لا .. انا كمان مابحكم عالناس من لبسهم يعني هلا بكون ماشية بشوف بنت لابسة لبس ابدا ماحلو وديق وهيك بحكي معها بلاقيها بجد كاملة بالاخلاق ومحترمة .. وكم مرة شايفة بنات لابسين ملابس محترمة وعباية وعالاخير وحياة الله بروح بحكي معهم بقول حرام هالاشكال هيك لابسين .. لا احترم ولا اخلاق .. عالعموم مافينا نحكم عالشخص من لبسو ابدا .. وبس ويسلموا عالموضوع كتير

[نسمة بلادي]

باختصار

أي وحدة بتلبس قصير ولبس بخزي أو حتى محجبة بتلبس أيضا

ضيق ومعجبة بحالها ومش مناسب أصلا لوحدة

متحجبة الهدف الاساسي عندها انها تلفت النظر

ولحتى الكل يطلع عليها وهاد طبعا الشريعة الاسلامية

حرمت أي شي بلفت للنظر لانه بمس بالاخلاق وساعيتها

البنت اللي بتلبس هيك لبس أكيد رح تتعرض لمضايقات ومس

بأخلاقها وبدون شك هي اللي سمحت لنفسها ولأخلاقها

توصل لهالمواصيل فلذلك برأيي اللبس بأثر ع تحديد الاخلاق ^^

الله يعطيك العافية أخيـ

[الدكتور امير]

شوف يا صاحبي

انا معك بس مو دايما لانو في بنات بتكون عادي لبسها و محترم بس هي شي تاني و العكس صحيح

[Maram .. ~]

مممممممممممم..

ما فينا نحكم عن البنت من لبسها بس..

يعني لو شفت بنت لبسها قصير و فاضح لح تقول إنو اهلها مو بربينها..

بس برجع أحكي انو ما بسير دايما نحكم عن البنت من لبسها..

أنا هاد رأيي..

شكرا كتير ع الطرح..

:)

[Abu Shadi]

طيب انتو ليه اطورو الموضوع هيك

وتحاولو تصنعو المعجزات وملاحظ انو في بعض الحزازية بين الردود

يعني حاسس كل واحد مصر على رأيو وبدو يضرب التاني

طبعا بمزح ما صار هيك

طيب والله يا جماعة خدو الناس عن تجارب

وانا بصفتي طالب جامعة وخاصة بالازهر ولعلمكم الازهر والاسلامية من ناحية الطلاب بفرقوش لكن من ناحية النظام داخل الجامعة بفرقو

المهم نرجع للموضوع كطالب اعرفت كثير بنات واتخالطت فيهم لابعد الحدود

والصراحة اني كنت انقهر من بعض الشغلات

موجودة في البنات المتحجبات وغلط نقول متحجبات لانهن بس مظهر يعني نقول الي لابسات الجلاليب

يعني كثير لاحظت على بنات من جامعة الازهر ومن الجامعة الاسلامية بكونو لابسين جلاليب وفي نفس الوقت بكونن عرفات مليون شب

وطبعا مش بس على قدر هيك يعني بتبقى الوحدة كمان واثقة من حالها انها بتضحك على المليون هدول وبتلعب فيهم

وبتبقا مبسوطة لكن عقلها الصغير ما وضحلها العكس والي حاصل هو العكس

طبعا لو بدنا نيجي نحكي على الاخلاق راح نقول انو الاخلاق سببها الترباية مو البس وغير الترباية الصحبة برضو الها عامل مهم

يعني البنت لمن تكون متربية منيح وعمرها اتعرفت على حدا وتصدف بالجامعة تمشي مع بنت خبرة اكيد 100% حتعلمها فنون الصياعه

وحتكون اول تجربة الها خوف وتاني وحدة احساس غريب وثالث وحدة انبساط ورابع وحدة حتبدا تشتغل عادة عندها يعني اي واحد يقلها نطلع تطلع

وهاي بالنسبة للبنات الي لابسين جلاليب

طبعا عندكم من ناحية البنت الي بتبقا لابسة جينز وقميص او بودي مش لبساني لابسه بلوزة يعني لبسها ما بدخلها بالاخلاق

يعني كثير مش قليل لاحظت من بنات بلبسو هاللبس بحكو مع شباب لكن لو في لحظة غلط معهم ببهدلوه

وانا والله بحترم المسيحية الي موجدين بغزة لانو بصراحة متحافظين يعني عندكم جمعية الشبان المسيحية كل احد او خميس بكون في الهم جمعة

فمرة شب مسيحي قال روح معي زيارة وهو مو قصدو اني اشوف الدين المسيحي او اشوف تصرفاتهم قصدو انها كنادي وطشة لانو فيها عدة العاب زي التنس والطائرة والقدم والبلياردو وكثير اشياء

فوافقت اني اروح بصراحة اول ما دخلت تعجبت من الي شفتو لبس البنات كان بفلق الحجر وبخلي الدنيا تلف وتدور مو بس البنأدم

وانا طبيعة بطقع لمن شوف هالمناظر فقعدت اعاكس واتغالس علي البنات إتفاجأت انو الشب بقلي انتا بتعاكس بنات مسلمات مو مسيحيات ما صدقت في البداية لكن اتعرفت عليهن لقيت انو كل البنات الي لابسات هالبس كلهن مسلمات

والبنات الي لبسات ولكن بالنسبة للمسيحية لبس محتشم بنطلون جينز وقميض فضفاض يعني مو حزق او بلبسو قميص طويل

وان لبسو تنورة ما بتكون حزق وقصيرة طويلة يعني بصراحة وقتها استحقرت نفسي لمن قلي هدول مسلمات حسيت وقتها انو كل الاسلام هيك والمسيحية عكس هيك ومع التجارب كمان الشب المسيحي هذا في اول فصل النا بالجامعة

كان علينا حفظ قران وكانت علينا مقرر جزء عم وسورة الواقعة والدكتور اعطانا مهلة اسبوع انكون حافظينهم الحمد لله حفظتهم

وعند التسميع رغم انو المسيحي معفي من الحفظ الا انو اجا يوم التسميع حافظ السورتين وسمعهم

وغيرو من الشباب المسلمين لا يفقهو شي بس لصمات وقعدو بالمحاضرة

يعني كل هالكلام بختصرو بكلمتين

الملابس لا دعوى لها بالاخلاق فليس كل من لبس العمة اصبح شيخ وليس كل من مشط شعره اصبحت اخلاقه رذيئه

والكلام بنطبق على الرجل والمرأة


تحيتي وتقديري الك اخي خالد

تقبل مروري