وين راح مؤيد يوم الجمعة

[مؤيد]

المشاركة الأصلية كتبت بواسطة قسامي غزة ههههههههههههه
صحتين يا عم
انا يا حج بكرا السبت ان شاء الله معزوم علي هيك اكله
بس مش دجاج
احنا كباب
بس في الليل مش في النهار
ويلا الي بدو يتفضل ييجي وحياه الله

على قلبك قسامي
يا عمي كلو الدجاج والكباب شي كتير بشهي وزاكي
أنا بدي أجي ، حضر حالك
زهقتنا زيت وزعتر انته ههه

عقبال ما تجي الخليل وآخذك مشوار على هاي المنطقة

المشاركة الأصلية كتبت بواسطة ابن فلسطين نيالك يا ريطني عندك كان خليطك طشوف الجبل مقلوب هههههههههههههههههههههه

ههههه
أهلا ابن فلسطين ، خلص ولا يهمك
انته التاني معزوم بس يفتحو الضفة مع غزة
بتشرف الخليل

[Abu Shadi]

المشاركة الأصلية كتبت بواسطة مؤيد
على قلبك قسامي
يا عمي كلو الدجاج والكباب شي كتير بشهي وزاكي
أنا بدي أجي ، حضر حالك
زهقتنا زيت وزعتر انته ههه

عقبال ما تجي الخليل وآخذك مشوار على هاي المنطقة


ههههه
أهلا ابن فلسطين ، خلص ولا يهمك
انته التاني معزوم بس يفتحو الضفة مع غزة
بتشرف الخليل

معزوووووووووووووووووووم ولك شو معزوم اول ما يفطحو الطريق راح طلاقيني فوق راصك
عشان اطخك بالخشبه ههههههههههههههه وين الشاي لليوم ما جبطو

[مؤيد]

المشاركة الأصلية كتبت بواسطة نرمين عن جد يسلمووووووو ايديك خيوووووو مؤيد

بصراحة شعللت النار اللي الها زمان خامدة بقلبي

انا نفسي اطلع متل هيك اماكن ومش بس من البيت للكلية ومن الكلية للبيت

اه ااااااااااااااااااااااااااااه والاف الهات ارددها - نصيبي هيك شو بدي اعمل الحمدلله على كل اشي

وياريت كل ما تطلع متل هيك اماكن تصور النا هالأماكن ازا ممكن - على الأقل مش طاليين نشوفها على الطبيعة ( الحقيقة ) خلينا نشوفها بالصور ودمت في حفظ المولى ورعايته

أنا شايف حرايق بقلبك ، ههههههه ، مش بس نار ،،،، فش اطفائيات اليوم مسكرين ^_^
الكلية منيحة فيها شجر ، لأ مش غلط تطلعي متل هيك رحلات مع صاحباتك ...
ودائما ً بنحكي الحمد لله
صحيح ممكن تشوفيني مبسوط اليوم ، بس بكون أمس وبكرة احباط وسمة بدن ، ما تفكري كل عيشتنا كل يوم بالخليل هيك لأ ... هذا بجوز يومين ثلات أربعة بالسنة بس ..
خلص أكيد كل ما أطلع رحلات بالخليل بصورلكم وبفلسطين كمان إزا قدرت أطلع ..
والله يبارك فيك نرمين ويجزيك الخير كله
تشرفت بك

المشاركة الأصلية كتبت بواسطة ابن فلسطين
معزوووووووووووووووووووم ولك شو معزوم اول ما يفطحو الطريق راح طلاقيني فوق راصك
عشان اطخك بالخشبه ههههههههههههههه وين الشاي لليوم ما جبطو

هههههههههههههه
بس ما تكون بتسحب 10 جاجات عالقعدة
بتخسرنا هيك ، هههههه
الشاي ؟ .. خلص انسى سرقوه تبعون الجمرك ، ههههه

[أحلى مايا]

يييييييييييااااااااي عنجد الخلييل شي روعة وال مبسوطة
عللى حالي بروح على خضار المبزرة والله ارض فلسطين بتسوى ميت مبزرة
ويسلمو الك كتيييييييير على هالصور الروعة

[نسرينا الفلسطينيه]

نيالك والله

مناظر بتجنن موووت

وطلعة مرتبة ع الاخر

صحتين ع قلوبكم يا ربي

ويعطيك العافيه يا حج مؤيد

[شمس العروبة]

و اللة يا بختك يا مؤيد

مكيف نفسك على الاخر

مناظر حلوة

والاهم دجاج مشوى

صحتين

ويسلمووا الصور رووعة

[مؤيد]

المشاركة الأصلية كتبت بواسطة أحلى مايا يييييييييييااااااااي عنجد الخلييل شي روعة وال مبسوطة
عللى حالي بروح على خضار المبزرة والله ارض فلسطين بتسوى ميت مبزرة
ويسلمو الك كتيييييييير على هالصور الروعة

لأ على فكرة برضو رام الله فيها اماكن كتير حلوة ، أنا هيك بسمع
بس هاي منطقة في الخليل مش جواها بس حوليها
الله يسلمك يا رب وتسلمي كمان عالمشاركة والرد الحلو
تحياتي الك أحلى مايا

المشاركة الأصلية كتبت بواسطة نسرينا الفلسطينيه نيالك والله

مناظر بتجنن موووت

وطلعة مرتبة ع الاخر

صحتين ع قلوبكم يا ربي

ويعطيك العافيه يا حج مؤيد

عقبال عندك نسرينا ، ليش لأ ، انشاء الله عن قريب بصحلك هيك مشاوير ومشاوي
مناظر حلوة فعلا ً ، بس راح تكون أحلى بس يجي فصل الربيع .. لسا احنا بفصل الشتاء
وتسلمي كتير كتير يا رب
يزيدك عافية نسرينا أهلا ً فيك

المشاركة الأصلية كتبت بواسطة شمس العروبة و اللة يا بختك يا مؤيد

مكيف نفسك على الاخر

مناظر حلوة

والاهم دجاج مشوى

صحتين

ويسلمووا الصور رووعة

ههههههه
من حقي أفرح شوية ، بكفي الوضع الي عايشينه احتلال وحصار ، لكن الحمد لله على كل حال
دجاج مشوي بجنن كتير وبالطبيعة أزكى من لما نشويه بالبيت
صحتين على قلبك
ويسلمك ربي يا شمس العروبة ..
منورة

[قمر الخليل]

هههااااااااااي

اول شي ماحدا مكيوووووووود غيرك فاهم

هادا الجمال والطبيعة عناااااااااااااا بدووووووووووووووووووووووورا هههااااااااي

مش عندكم يا تئيل الدم اوك

تانيا :: مناظر مش غريبة على احلى بلد الخلييييييييييييييل وروعة روووووووووووووعة روعة بجد نفسي اروحها بالربيع لانو كلهاااااااااا خضرااااااااااا ولا نتفة من التراب بتشوف

( نيالك يادب)

تالتا:: والله العظيم لافرجيك كيف الطلعات والشطحات والشوي :: يا مكيود انت يا دب بتطلع تاكل وتشوي وتهش وتنش اه؟؟ يا حسرة عليي انا الي نفسي احط رجلي بالخليل هلأ

ما الي الا الله اشكلو انا على الي بقلبي

طير واحد حقود هلأ رح اضلني منكدة متل كل مرة طول اليل واعيط كمان :(

[قمر الخليل]

خلص المرة الجاي عازمكم كلكم على الجاج المشوي مع بهارات شي طيب
اللحمة ما تذركريني ،،، خلص هيك الظروف صارت

طيييييييييييييير يا نصاب والله انك نصاب :::: مش عارفينو عحقيقتو هالمحتال

مؤيد انا بحقد عليك كتير كتير

لانك بالخليييييييييييل
ووالله وهيني حلفت لاصورلك مناظر بالصيف ولا احلى منها ومن اراضينا كمان وكروم عنبنا اشوف عاد

طير ما ادببك فعلا

[حنووو اليبناوية]

والله قلبي محروق واروح عفلسطين صارلي 9 سنيييين ما رحت الله يطول بعمري وادعس عتراب يبنا
حلوين مؤيد:)