نقاش بين الشباب والبنات

[alaa_sabbah]

اها برضو في شباب بيضلهم يلفو و ما بيشترو دخل ليش

[السفيرة]

لمين بتحكو اسراركم بالزبط يعني لرفيقك او اخوك او لكل صحابك

[alaa_sabbah]

السر بالزبط بيضل سر ما بينحكى لحدا
لانو ما حدا لحدا يا حبيبي على راي يلي ما بتتسماش
المهم حط اصحابك بالغربال ما بيطلع واحد منهم
مع الزمن السر مش مضمون
عشان هيك خليه جوا يستر ولا برا يغدر
يا سفيرة نرجع للموضوع الرئيسي شو الصفات المنيحة بفارس الاحلام

[سيدرا الاموره]

ليش انا براي في ناس قد الثقه وبتقدر تامنلهم السر
يعني ادا خليت خربت بعدين بحتاج الواحد شخص يحكيلو رو يشاركو همومه صحيح حكيك
عن خط صحابك بالغربال وما بيطلع واحد لو دولابك مره مال بس هاد
ادا كانو فعلن اصحاب مش رفقه مصلحه
بغد المصلخه بروحو الدنيا تجارب والي ما بغلط ما بتعلم
يعني انا بختبر الشخص الي بدي امنلو السر ميه مره ابل ما امنلو وادا لقيتو بستاهل الثقه وزمط من التجربه معناتو انو
فعلن صديق لانو الصديق ما بين الا وقت الشده

[ابو جروح]

اهم اشي خلي ثقتك بالناس اكبيره بنفس الوقت ما تكون عمياء ومستحيل يعني انك تأمن سرك لاي شخص بدون لا تعرفه وتكون صاحبه بجد مو مصلحه زي ما احكت اختي سيدرا الاموره

[ابو جروح]

بس انا عندي سؤال للبنات ابليييييز بدي جواب منكم
ليش ما تعرفو تكتمو السر وليش كمان بضلو اجيبوا سيرت الغايب يعني بتستغيبوه عنجد شغله انا حيران منها وبدي رد يكون منكم
يلا اشوف شطارتكن

[نرمين]

انا برايي انه احنا البنات ما نضع مكياج كتير ولا نضعه قلليلا

يعني صحيح انه كل اشي على الطبيعة احلى بس لاننسى قول حبيبنا

محمد ( صلى الله علية وسلم) خير الأمورأوسطها

وبعدين ان الله جميل يحب الجمال

الموضوع كتير حلو ويعطيكم العافية

دمتم بخير وسعادة

[alaa_sabbah]

رد على الاخت نرمين
ان الله جميل يحب الجمال
ما اختلفنا بس مو البنت تحط مكياج و تعرض حالها للرايح و الجاي
يعني تتمكيج في بيتها و تلبس جينز و بودي و محلزقو ملزق في بيتها عند زوجها
بعدين شو دخل خير الامور اوسطها بالمكياج و العرض و اللبس
هاد خير الامور اوسطها و انتي في امتحان الجامع او المدرسة
لما يجيكي سؤال اختر الاجابة الصحيحة و انت مش عارفة الاجابة بتختاري الاجابة الوسطى هيك شيء
يعني يلي افهمتو منك انو خير الامور اوسطها في تطبيق الشرع و هاد الشيء حراااااااااام
معناتو كمان لا تتحجبي بشكل كامل ولا تفرعي كليا ، البسي حجاب بحيث تكون الغرة طالعة لبرة

[Banbon]

ابو جروح .....انا بدي اجاوبك...... مو كل البنات متل بعض ......في بنات ما بينحكالهم شي و في بنات بتامن عليهم الاسرار...... ....و بدك الصراحه انا اسراري مع تنتين من صحباتي ..و حده فلسطينيه والتانيه اماراتيه والتنتين ما بيعرفو بعض ... يعني مواصفاتهم بتجنن ..علشان ما بتفقو يقلبو علي و يحكو اسراري ...ههههه انا ذكيه صح.؟؟؟؟
اما بالنسبه لنم و الغيبه و نقل الحكي .....هادي حتى الشباب بتصير معاهم مو بس البنات و بالنسبه الي بس حد ييجي يجيب سيرة حد تاني ...على طول بقلب الموضوع ...لانه لو صارت مشكله ما حدا بينضر غيري....و انا عارفه النتائج.....

[Banbon]

alaa......حلوه هادي ((( البسي حجاب بحيث تكون الغرة طالعة لبرة ))) ههههههه والله ضحكتني