[الوطن\ وجواز السفر] حوار

[Doc yous Khaled]

من رأيي ، هيا بتساعد ، بس حتى لو انت كنت وحابب تنسى اصلك ، ما حتقدر

انا معي جنسية غريبه ، والحمد لله نعمة منه وفضل هاي ، وما حد بغلني بالسفر ، لاي دولة بالعالم

بس هنا مفيده ، اما اليوم مثلا كنت بستخرج سيارة ليا في دولة مصر ، وانا جايبها من الخارج على جواز سفري الغربي
وكانت الامور ماشية واني غربي ومحترميني ، وبساعدوني

صدفت حدثت مشكلة في الاوراق ، فبقولولي انت شو اصلك ، حكيتلهم فلسطيني ،
كاني رميت الماء على النار ، هبوا كلهم ، ولغوا تعب اسبوع كامل ودفعت كتير فلوس ، وحكه حنرجعهم إلك وما حنقبل ندخلها كده ، عصبت ، وانت عمله وانا عشان فلسطيني وكلام كده ، قالولي كلكم نصابين (( على وشك اضربه )) بس شو بدنا نعمل ، الفكرة الي صنعها الفلسطيين في مصر كانت سيئة ،

انا من رأيي اغلب الفلسطينيه إلي استقبلهم الرئيس السابق ( الجحش السابق ) ملعون مو مبارك ، كانه من اختنا حركة فتح الشقيقه ،

عموما ، مهما ضاقت الظروف ، لن اتنازل عن فلسطين ، حتى لو كنت الوحيد ، وفي ارضي سجين

يكفينا يوم القيامة يقول ربنا هؤلاء عبادي ، ومن جاهدوا في سبيلي في وقت اشتدت فيها الازمات ،
يكفيني هذا الشرف من اكناف بيت المقدس

[§عاشقة غزة§]

ما رأيكم بتغيير الجنسية؟
ممكن الواحد يغير جنسيته
لانه الانتماء للوطن ليس بالجنسية


هل هي ضرورية أم من باب الترف؟
غالبا بتكون ضرورة
هل تنم عن إنكارك للوطن أم هي حرية شخصية ؟
مثل ما ذكرت فوق الانتماء للوطن شي
وتغيير الجنسيية تكون لظروف او اوضاع
يكون مضطر الواحد يغيرها

هل ستغير جنسيتك لو أُتيحت الفرصة لذلك؟
ممكن اصلا في بلدنا عندنا الاحتفاظ ب 3 جنسيات في نفس الوت
مش ضروري تتخلى عن جنسيتك


شكرا لطرح الموضوع

[إسراء الفلسطينية]

ما رأيكم بتغيير الجنسية؟

يعني الواحد لو كان معو جواز سفر ..

وبينسمحلو انو يسافر وين ما بدو

وعندو الحرية يسافر لوين ما بدو وايمتى ما بدو بدون عذاب ،

فما كان في داعي لانو الواحد ياخد جنسية تانية اصلا !

هل هي ضرورية أم من باب الترف؟

بما اني لاجئة فلسطينية .. ما بصحلي اسافر الا ع اكم بلد بنعدو ع الاصابع

( ومن بعد مية اجراء ) فأكيد بشوفها ضرورية :)

هل تنم عن إنكارك للوطن أم هي حرية شخصية ؟

أكيد لا !

انا معي جنسية دنماركية .. معناها اني تخليت عن وطني ؟

حب الوطن ما الو ببسبور حاملينو كرمال نوصل للبلد يلي بدنا ياها :)

هل ستغير جنسيتك لو أُتيحت الفرصة لذلك؟

طول عمري عايشة بالدنمارك ..

والجنسية الدنماركية صحتلي .. فأكيد ما برفضها

بما انها بتسهّل عليّ ، وبتفتحلي ابواب كتير كانت مسكرة بوجهي قبل

فليش لحتى أرفضها ؟ :)

.

.

مشكورة ع الموضوع حبيبتي :)

[.. ريتّـــا ..]

أنا بشوف إنو الوطن مش بالحدود
الوطن مش فلسطين والأردن والعراق
الوطن بيتي وإمي وأبويا وإخواتي وأصدقائي
الوطن جوة بقلبي .. بعاداتي وتقاليدي .. بتعاملي مع الآخرين
وطنيّتي ما بتحكمها أي سياسة

الوطن اللي بتحكو عنّو تشرّدنا منّو ويا دوب اللي بنعرفه عنه بضع صور من الذاكرة
وقرايبنا اللي بنحكي معهم بالتليفون كل فترة
وأصدقاءنا النتّيين .. الوطنيين زيّنا

كوننا فلسطينيين ما عنا أساساً جنسية
بأوروبا بتقول فلسطيني بقولك وين هاي
بتكتب بأوراقك الشخصية أنا فلسطينية بيمسحوها وبكتبو بلا جنسية
فبتضطر تكتب جنسيتك اللي حاملها من البلد اللي عايش فيها
عشان ما تجذب الأنظار إلك ولا يشوفوك عنصري

ومع كل هاد
أنا بفتخر لما بقولولي إنتي من وين بقولهم فلسطين
وبنفس الوقت
لما كنت صغيرة وأجت معلّمتي تقولي فرجينا بلدك ع الخريطة
وقعدت أدور ع فلسطين بخريطة العالم لقيتهم كاتبين اسرائيل
قلت للمعلمة الخريطة هاي مش صح .. وين فلسطين؟
قالت قصدك اسرائيل .. قلتلها لأ فلسطين
قالتلي أقعدي مكانك :)


لهيك وطني بقلبي مش شي بلمسه
وطني ما فيّا أمتلكه ، لكن الأكيد إنه بيملك إحساسي وإنتمائي
أنا فلسطينية بدمّي .. مش بجوازي




شكراً كتير أريج
موضوعك بيفتح جروح لم تُلملم بعد

[القلب النابض]

حلو انتمائك اخي :)

بس هاي خلطة وقايمة وما بحترمو حد وشفت شو صار معك

المشكلة مش فينا فيهم

الله يعدل الحوال وبنرجع دولة مستقة يارب :)

[القلب النابض]

يسعدووو امون :)

[عاشقة أرض جنين]

لقد كثر في هذه الأيام التحدث عن القومية العربية التي تعتبر دعوة عنصرية، ولكن دين الإسلام يحرم هذا التمييز العنصري،

فالنبي صلى الله عليه وسلم غضب غضباً شديداً على أبي ذر عندما قال لبلال: يا بن السوداء.

وقال له النبي صلى الله عليه وسلم (إنك امرؤٌ فيك جاهلية) وهذا يدل على عظمة هذا الدين وإلى عدله وسماحته.

مو حابة أتدخل بالكلام عن فتح وحماس بس حابة أقول خافوا الله وطول م العنصرية موجودة عمرها فلسطين ما رح تتحرر

اذا احنا ما كنا ايد وحدة رح نبقى طول عمرنا اسمنا لآآآآآآآآآآآآآآآآآآآآآآآجئين ونااااااااااااااااااااااااازحين

بتمنى تقتنعوا بالكلام وتغيروا نفسياتكم ويكون تطلعكم كله نحو تحرير فلسطين مو الكلام الفاضي هاد

[.. ريتّـــا ..]

المشاركة الأصلية كتبت بواسطة عاشقة أرض جنين لقد كثر في هذه الأيام التحدث عن القومية العربية التي تعتبر دعوة عنصرية، ولكن دين الإسلام يحرم هذا التمييز العنصري،

فالنبي صلى الله عليه وسلم غضب غضباً شديداً على أبي ذر عندما قال لبلال: يا بن السوداء.

وقال له النبي صلى الله عليه وسلم (إنك امرؤٌ فيك جاهلية) وهذا يدل على عظمة هذا الدين وإلى عدله وسماحته.

مو حابة أتدخل بالكلام عن فتح وحماس بس حابة أقول خافوا الله وطول م العنصرية موجودة عمرها فلسطين ما رح تتحرر

اذا احنا ما كنا ايد وحدة رح نبقى طول عمرنا اسمنا لآآآآآآآآآآآآآآآآآآآآآآآجئين ونااااااااااااااااااااااااازحين

بتمنى تقتنعوا بالكلام وتغيروا نفسياتكم ويكون تطلعكم كله نحو تحرير فلسطين مو الكلام الفاضي هاد

مش حلوة نقلبها فتح وحماس

[إسراء الفلسطينية]

ومع كل هاد
أنا بفتخر لما بقولولي إنتي من وين بقولهم فلسطين
وبنفس الوقت
لما كنت صغيرة وأجت معلّمتي تقولي فرجينا بلدك ع الخريطة
وقعدت أدور ع فلسطين بخريطة العالم لقيتهم كاتبين اسرائيل
قلت للمعلمة الخريطة هاي مش صح .. وين فلسطين؟
قالت قصدك اسرائيل .. قلتلها لأ فلسطين
قالتلي أقعدي مكانك :)

نفس الموقف تماماً صــآر معي !

::

كلامك درر ريتـّآ

[ابن الخليل]

أنا لا أعترف بالوطن و لا الوطنية إنتمائي للإسلام فقط و كل بلاد المسلمين بلادي