[ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

[~][وحيدة القمر][~]

أنا جيت يا حورية

الله يعينك يعني

ههه ما تحملي هم .. الإجابات كلمة أو كلمتين مش أكتر

5 أسئلة على أصعدة مختلفة =)

يلا ابتدي

______

البيت ..

- كم رقم ترتيبك في الأسرة؟
- من هو الاقرب لك من أعضاء أسرتك؟
- اكله تحبها كثيرا..؟
- مشروب يستهويك دائما؟
- عندما تشاهد التلفاز : ماهو ابرز مايستدعي انتباهك وتحرص على متابعته؟

الحياة ..

- حكمة تؤمن بها كثيرا ؟
- احب الالوان الى نفسك ؟
- دولة تتمنى ان تسافر اليها ؟
- ماهي الوظيفة التي تتمناها لنفسك؟
- مكان يعجبك في بلدك .. وتتردد عليه دائما؟



المدرسة ..

- مدرس لازال في ذاكرتك .. ولماذا؟
- ماهي احب المراحل الدراسية الى نفسك؟
- ماهو ابرز عقاب مر عليك طوال فترة الدراسة وباي سنه؟
- سنة دراسية صعبة ونكد ؟
- موقف محرج حدث لك في المدرسة؟

المنتدى ..

- عضو عكسك تماماً .. لا تتفقان في التفكير ؟ (يمكنك عدم الإجابة) ..
- عضو تتمنى ان تراه شخصيا؟
- عضو لا تتمنى ان يغيب ابدا ؟
- عضو معطاء وقلبه يتسع الجميع ؟
- عضو قديم تفتقده ؟

وأخيراً .. شو رأيك بـ وحيدةُ القمر؟

________

ونورتي الضيافة حبيبتي :)

وهاي أحلى صحن بزورات قرمشيه مع الإجابات ^*



ومية أهلا بـ سووسووووو =)

[ღ حورية فلسطين ღ]

المشاركة الأصلية كتبت بواسطة ~][وحيدةُ القمر][~

أنا جيت يا حورية

الله يعينك يعني

ههه ما تحملي هم .. الإجابات كلمة أو كلمتين مش أكتر

5 أسئلة على أصعدة مختلفة =)

يلا ابتدي

مستحيل

شوية رحمة يا ناس

يلا رح ابلش الله بعيني
______

البيت ..

- كم رقم ترتيبك في الأسرة؟

7

- من هو الاقرب لك من أعضاء أسرتك؟

ماما وبابا اقرب شي إلي

- اكله تحبها كثيرا..؟

ولوووو يا ايوش مابدها سؤال اكيييييييييييد الملوخية

- مشروب يستهويك دائما؟

آآآيس موكا

- عندما تشاهد التلفاز : ماهو ابرز مايستدعي انتباهك وتحرص على متابعته؟

طيور الجنة

الحياة ..

- حكمة تؤمن بها كثيرا ؟

الخيرة فيما اختاره الله

- احب الالوان الى نفسك ؟

الزهري والأبيض

- دولة تتمنى ان تسافر اليها ؟

فلسطين والإمارات وتركيا

- ماهي الوظيفة التي تتمناها لنفسك؟

مصممة فوتوشوب :)

- مكان يعجبك في بلدك .. وتتردد عليه دائما؟

الراشد مول


المدرسة ..

- مدرس لازال في ذاكرتك .. ولماذا؟

معلمة العربي في الثانوي لأني كنت احبها كتير

- ماهي احب المراحل الدراسية الى نفسك؟

التوجيهي

- ماهو ابرز عقاب مر عليك طوال فترة الدراسة وباي سنه؟

امممممم كان في الصف الرابع بس مارح احكي شو العقاب مابحب اتذكرو

- سنة دراسية صعبة ونكد ؟

اول ثانوي كانت ازنخ واصعب وانكد سنة لأني تركت صحباتي ونقلت لمدرسة تانية ومش عارفة كيف نجحت بهالسنة اصلا

- موقف محرج حدث لك في المدرسة؟

اممممم كتير مواقف في منها كنا طالعين على فصولنا وكان بهداك اليوم في تفتيش عالبنات المخالفات واللي حاطين مكياج
وانا كنت شقية بس ماكنت اخالف والمكياج اصلا مابحبو وماكنت احط بالمدرسة
وطبعا انا طالعة وواثقة من حالي اني مش مخالفة فجأة بلاقيهم اتجمعو علي الإداريات
ال ليش حاطة بلشر <<احمر خدود

انا هيك صار منظري > بحكيلهم ولكم مين حاطط بلشر نيلة تغتكم
وقدام كل البنات وكل المعلمات ضلو مصرين الا انتي حاطة وبدك تروحي تغسلي وجهك هلأ وهلأ وجابولي مناديل وانا واقفة ومتنحة حتى الحكي مش راضي يطلع معي
آخر شي اجو باقي المعلمات وكلهم صحبة معي وحدة فيهم حكتلهم كلمة للإدرايات فشلتهم
حكتلهم ولكم هاي هية هيك خدودها حمر طبيعيين هما هيك الفلسطينيات ولا بتفكروهم زينا وجههم باهت ههههههههههههههههههههههههههههههههههه طبعا المعلمة هاي سعودية يا الله شو فرطت ضحك وقتها

وهدوك صارو يتطلعو فيي مش مستوعبين انو خدودي طبيعيات ههههههههههههههههههههه

المنتدى ..

- عضو عكسك تماماً .. لا تتفقان في التفكير ؟ (يمكنك عدم الإجابة) ..

امممممم ممكن فرفوشة

- عضو تتمنى ان تراه شخصيا؟

اووووووووووه عدي واغلطي
الكل والله

- عضو لا تتمنى ان يغيب ابدا ؟

كل اللي بحبهم واللي غايبين بدي يرجعو

- عضو معطاء وقلبه يتسع الجميع ؟

انا

- عضو قديم تفتقده ؟

اسمراني & عسولة الأقصى وكتير كتير

وأخيراً .. شو رأيك بـ وحيدةُ القمر؟

ما بحبها
بصراحة بصراحة انتي اول ما جيتي عالمنتدى انا كنت غايبة بهديك الفترة وجيت لقيتك قالبة الدنبيا كل ما افوت لمكان الاقي اسمك قدامي حكيت شو هالعضوة اللي مهتمين فيها كتير هاي من وين جاي
وصرت اراقبك من بعيد لبعيد حسيتك حبوبة بس كمان ما استوعبتك الا لما حكيت معاكي وعرفت اديش انتي متواضعة وطيوبة وحبوبة وبتفوتي عالقلب يعني مو شايفة حالك
وعن جد يوم عن يوم بس اعرفك اكتر بحبك اكتر بحسك فيكي جرعة هبل متلنا هههههههههه
يسعدك يارب

________

ونورتي الضيافة حبيبتي :)

وهاي أحلى صحن بزورات قرمشيه مع الإجابات ^*



ومية أهلا بـ سووسووووو =)

ياعينييييييييييييييييييي

اي شو هالزووووووء هاد والله انتي مافي متلك كمان بتخليني اتسلى وانا اجاوب

مو زي اللي بطعموني فلفل وانا بجاوب

بجد اسئلة خفيفة وظريفة وروعة تسلميلي على هالأسئلة الحلوة حبيبتي

بس صحيح طحوشة ليش لما استضافوكي ما ذكرتي اسمي

يلا عاذرتك بما انو لساتنا بأول الطريق بنتعرف على بعض

[ღ حورية فلسطين ღ]

المشاركة الأصلية كتبت بواسطة دمعة أسى ليش انتي برامة ؟

شو اخبار صفقتنا و العرض الخاص اللي عملتلك اياه امبارح . ملاحزة المدة محدودة للعرض

يعني يلا بتلحقي يا اما بتروح عليكي :)

نفسي اشوفك عاقلة يوم تتوقعي ممكن يجي هاليوم و لا رح تضلك زي ما انتي ؟

عضو غايب حاسة انه ترك فراغ كبير بالمنتدى ؟

نفسك ترجعي ع الإشراف ؟

هيك من الله انعم علي بنعمة البرم

صفقة مين ؟؟ خلص بطلنا الله الغني يما حقي وصلني انا ههههههههههههه

كيفني معك وانا ندلة

حبيبتي لو كنتي قارئة كلامي كنتي عرفتي اني عاقلة بس لما اشوفك بنهبل

اطمني رح يجي هاليوم بس اروح على بيت العدل خليني هلأ اعيش حياتي بالهبل

عضو غايب حاسة انه ترك فراغ كبير بالمنتدى ؟

بتقلبي المواجع انتي

غزاوية & ليمار & ملك & بو هبة & فتى الأنبار & ريحانة القلب & الوردة الحانية & عيون الوجد & نسمة بلادي & ليال &وهيا جور الدبة &الرمش الحساس ووردة الأقصى والحان الحرية وشلتنا القديمة كلها

نفسك ترجعي ع الإشراف ؟

عادي حاليا لا لأني كتير مشغولة بشكل مو طبيعي بس لما احس حالي فاضية مزبوط وممكن اعطي الإشراف حقو رح اطلب إني ارجع لأني عارفة مكاني محفوظ

بس بتعرفي نفسي افوت على قسم المشرفين افتقدتو وافتقدت هبلي فيه


تسلميلي نيلة خانوم عالأسئلة الززيزة الظريفة


عن جد بكيف عليكي بالذات لما تقاهريني بتصيري طحشة


نورتي يا زعرة وبإنتظار طلتك مرة اخرى

[أســـآمـة]

.

.

مُـجـرمـة يـا أمـل :s

بـتـقـدمـي فـلـفـل لـلضـيـف :@

مـعـلـش يـا حـوريـة أمـل صـايـرة شـريـرة هـاليـوميـن ، ،

و هـي كُبـايـة و مـاسـورة مـيّـه مـفلـترة بتـلزمـك أكـيـد :p



سـرقـت سـؤال طـرحتـو الـعضـو بسـملـة فـي موضـوع إستـضافـة أمـل

الـسؤال مُـناسب لـتـخصصـك الـبرمـي و يقـول ^^

المشاركة الأصلية كتبت بواسطة بسملة

{ ..

يواجه الإنسان بشر كثر في حياته ..
منهم ما تلتفت اليه بمجرد مروره .. لكنه يبقى لمجرد لحظة مروره ..
ومنهم من تتمنى ولو انك لم تراه لثانية .. ومنهم من لم تراه بل شاء القدر ليجمع بينكم لتعرفه وهو بعيد ..
طيفه قد علق بعقلك ووجدانك فتتمنى لو انك تراه أمامك ولو للحظة ..
ترى لما نتعلق بطيف أولئك .. مع أننا كلنا يقين على عدم قدرتنا لرؤيتهم يوما .. بل هو من المستحيلات ..!

تراها هي المحبة في الله التي لا تكون لمصلحة أو هدف ..!
لماذا نتعلق بطيفهم .. ونبقى طوال الوقت بانتظارهم ..
بانتظار أي شيء منهم ليخفف عنا .. وغالبا يكون انتظارنا بدون جدوى ..
نسعد بذكرهم .. نسعد لتواجدهم بساحة خاطرتنا ..
نسعد بوجودهم بالحياة .. حتى وان لم نلقاهم ..
فمثل هذه القلوب الطاهرة .. الصادقة .. القلوب النقية كنقاء الماء .. تكون مصدر سعادة .. مصدر للأمل .. لمستقبل جديد ..
لكن سؤال يحير الخاطر .. تراهم يذكرونا كما نذكرهم ..!!
لساني يذكرهم دوما بأعذب الدعاء الذي أسأل الله أن يتقبله مني ..
فسلامي بمقدار احترامي ..
..
مسـآحة أخوة كتبتها مسبقاً، لتكن عنوان باقات وردٍ محملة بعبير كلماتٍ توجهينها لـ
{أبو مُجاهد، أسأمة، شهيد، يآسين، عزيز النفس، محمود، إياد، أسد 22، قسامي غزة، أمجد، رعد، حفيظ الليبي، القلب الطيّب، السيف عدي}
{ دموع الرحيل، فتاة مشرقة، دمعة إسى، Islam، اسرآء الفلسطينية، مآهيناز، نور، بنت فلسطين المجروحة، زينة، Sofy، Mram، Palestine Flower ، sadness eyes ، همسة العشاق، جـآرة الوادي، عاشقة غزة، وحيدة القمر، بسملة}

[ღ حورية فلسطين ღ]

المشاركة الأصلية كتبت بواسطة أســـآمـة .

.

مُـجـرمـة يـا أمـل :s

بـتـقـدمـي فـلـفـل لـلضـيـف :@

مـعـلـش يـا حـوريـة أمـل صـايـرة شـريـرة هـاليـوميـن ، ،

و هـي كُبـايـة و مـاسـورة مـيّـه مـفلـترة بتـلزمـك أكـيـد :p



سـرقـت سـؤال طـرحتـو الـعضـو بسـملـة فـي موضـوع إستـضافـة أمـل

الـسؤال مُـناسب لـتـخصصـك الـبرمـي و يقـول ^^

يعني على اساس كتير مغلب حالك

ماشي يا اسامة بجيك الدور بس رح تكون عقولتك أخف شوي من امل بما انها المي مفلترة

[RaNa <3]

لـه لـه يا مســكينة كيــف يتخـليهـن يعمـلو فيـكي هيــك ؟!؟!

لالالا هــذول عـاملين مــؤامـرة ضدك شكــلهن !!

يا حبــبيتي خديلـك حـبة هـ الآيـس كـريم وروقيــ أعصــابكـ خلـيكي ريلاكـس >>> شـايفة كيـف بحبك



بــسسسس هـا حجيــة ديـري بــالك إلــي رجــعة مـرتبة ومعــاي كـوووومة أســئلة من اللـي بحبـها قلبــك

يلا ســلملم

[ღ حورية فلسطين ღ]

المشاركة الأصلية كتبت بواسطة RaNa <3

لـه لـه يا مســكينة كيــف يتخـليهـن يعمـلو فيـكي هيــك ؟!؟!

لالالا هــذول عـاملين مــؤامـرة ضدك شكــلهن !!

يا حبــبيتي خديلـك حـبة هـ الآيـس كـريم وروقيــ أعصــابكـ خلـيكي ريلاكـس >>> شـايفة كيـف بحبك



بــسسسس هـا حجيــة ديـري بــالك إلــي رجــعة مـرتبة ومعــاي كـوووومة أســئلة من اللـي بحبـها قلبــك

يلا ســلملم

شايفة بالله شايفة كيف انا مظلومة معهم

يا حبيبتي والله انتي الوحيدة اللي حاسة فيني وكمان اسكريم من باسكن روبنز غير شكل فديت قلبك


الله يسترني من اسئللتك بس ولا يهمك انا قدها وقدود


لا تخافي علي رنوش بستناكي انا حبيبتي

[ღ حورية فلسطين ღ]

الذين يشاهدون محتوى الموضوع الآن : 4 ( الأعضاء 3 والزوار 1) ‏ღ حورية فلسطين ღ, ‏haya-jor+, ‏sadness eyes

الله حيو الصبايا منورات السهرة والله

تاكلو شبس ؟؟

[~ثــلــج~]

[ღ حورية فلسطين ღ]

المشاركة الأصلية كتبت بواسطة ~ثــلــج~

اهلا وسهلا نورت خيو

وين الاسئلة