[.. أحلى ريتاج.. ] و ذكـرى الطفولة .. ~

[Maram .. ~]

يلآ يآ نور :)

[Anonymous Gril]

طب احكولي مش آجي انصدم ،،

ثواني وأرد

[Anonymous Gril]

[ الأسئلة ]

السلام عليكم ،،

معلش هلأ شفت الموضوع ،،

شوو كآنت لعبتك المفضلـه و أنت صغير ؟

و أن صغيرة ،،

بيت بيوت ،،

:: الشرح ،،

كنت مع خواتي ،، نبني بيوت بالفرشات = اللي بنّام عليها ،،
اوكِ وكنا عوائل و كل وحدة ببيتها وخضرة و بيبيهات
ومش عارف شو .. وهالهبل .. البنات بعرفوها ،،

::

نشيد كنت تحبه أيام الطفولـه ؟

حعترف الكم بشغلة ،، وأنا صغيرة ما كنتش أعرف أناشيد كتير
كنت أسمع أغني كتير و كنت فايعة لحد ما ربنا هدانا في صف سابع
و صرنا نسمع أناشيد و أوّلهم كانت أنشودة لحزب الله من ألبوم الوعد الصلدق في هيهات منا الذل هيهات يا محتل هاد اللي بعرفهـ ،،
فضحتنا ياسين ،،

شخصيه كرتونيـه كنت تحبهآ ؟

في كتير بس أكثر شيء ،،
كنت أحب .. جودي آبوت ،، في رسوم صاحب الظل الطويل ..

بتشبهني هبلة نفسي ،،

كيف كنت أيام طفولتك شقي و لا مؤدب ؟

عمرك شفت طفل مؤدب ..

لا كنت شقي وكتير كمان .. مش أنا دلوعة العيلة كنت ولا زلت ،،

و بصراحة يعني ما كنت أهمد بالبيت بالمرة ،،

بس ع كبر صرت هادية هدوء ولا أروع بس وقت ما نكون شلة مجانين

بنات لحالنا بفيع بس مو كتير ،،

ما هي المواقف اللي عرضت فيها أهلك للإحراج ؟

يـآسين يا يـآسن ،، فضحتنا ،،

في موقفين وحذكرهم بس و الله تبت من يومها ..

واحد مرّة واحنا بالقرية العالمية اللي بدبي ..

رحنا ع القرية الفلسطينية ،، والا انا اسرقلك مدايلتين و بالعلامة وحدة ذهبية و الثانية بنفسجية ،،
و بعدها بابا لقطني و اعتذر للراجل و رحنا فيها بالبيت حرقة محترمة ع ايدي ،،

و الثاني ..
هو تاع الباص الاسرائيلي بتعرفوهـ بس ححكيه تاني ،،

هو واحنا راجعين من القدس انا اهرب من ابوي واروح اركبلكم باص اسرائيلي يعني فضيحة بين الأهل
ابوي يسحبني بعد ما نوّحت في الباص .. ويضربني ع راسي ضربة محترمة وبعدها اخواتي يحموني و بابا راضاني بآيس كريم فرآولة وهديت ،،.

هل كانت شخصيتك قوية أم مغلوب عليها ؟

لا قوية قوية ونص كمان ،، بس كنت اتمسكن تاتمكن من تاتا ام ابوي الله يرحمها ،،

موقف حصل في طفولتك كان له دور في تغيير مجرى حياتك ؟

ممممم

مش فاكرة والله ،،

أكبر عيديـه جمعتها كم ؟ و من مين ؟

أكبر عيدية 100 درهم من بابا ..

يوم كنتِ صغيره شوو كآنت تسريحتك المفضلـه ؟

كيف احكيها هاي ههههـ!!

كنت أحب تجديلة السنبلة ،،

من كـآن يدلعك أكثر البابا أو الماما ؟

بابا بابا ،،

اســم دلعك بالطفولـه لحد الآن ينادونك فيـه ؟ و ما هو ؟

ننّوسة

بطفولتك كنت تبكي إذا ماجلست بالاول بالطابور أو الفصل ؟

لا لأنه انا دايماً الاول بفضل النظارات الطبية الله يخليها ،،

وكمان شغلة .. ماما بالمدرسة واسطة

هل عندك لعبـه موجوده من صغرك إلى الآن واذا كنت محتفظ فيها ؟ وماهي ؟

لا ..

شوو اكـثـر حلا كنـت تحـبهاا ؟

شوكلاتة hobby ..

شوو اسم اول مـدرسـه أو مدرس درسك ؟

المعلمة / رائدة رياشي الله يحفظها كل المواد الا انجليزي و الانجليزي المعلمة/ عزّة الله يحميها ..

موقف بطفولتك ما تنساه ؟ وليـه ؟

تاع الباص الاسرائيلي ،، مهو مصوّر فيديو وبنعرض قدام الكل فضييييييحة ،،

أجمل رحلـه طلعت فيها بطفولتك ؟

رحلة ع حديقة صقر ،، لانه كان عندي صاحبات .

مكان معلق في ذاكرتك من طفولتك ؟ ولماذا ؟

بيت ستي ام ابوي الله يرحمها الي موجود بالضفة ..

مين أقرب صديق في طفولتك وهل كانت بنت ولا ولد ؟

فش ولاد .. هههه

ساجي ابن عمي بناديه جاجي ههههه

خزام ولينا صاحباتي ..

وبس ..




،،

[Anonymous Gril]

اهـآ حابة استضيف .. شهيد ،،

نشوف فضايحكم ،، ^^

[بنت فلسطين المجروحة]

منورة يا عاشقة الشجاعية :d

بننتظر شهيدنا !

[أمل]

ملاك & الفتاة المجهولة يعطيكم العافية

...

و بانتظارك يما

[Dr.Yaso]

ههههههههههههههههه احلا شي الباص الاسرائيلي

والله كاينة الله يخليكي لأهلك ^^

ويخليلك بابا الي مدلعك :D

[وردة المحبه]

كنت عارفه يا نور انو طفولتك مش عاديه باص اسرائلي ههههه الله يعنيك ولاشو فضايح القريه هادا كنت معجبه وعفكره لعبتي المفضله نفس لعبتك بس على اعظم وعلى افخر ههههههههه الحمد الله هلاء نور كبرت وصارت هاديه ههههههههههه

[Dr.Yaso]

بانتزار مستر محمود زخّوووووه



اصدي مستر شهيد لنشوف طفولتو

[Maram .. ~]

و أن صغيرة ،،

بيت بيوت ،،

:: الشرح ،،

كنت مع خواتي ،، نبني بيوت بالفرشات = اللي بنّام عليها ،،
اوكِ وكنا عوائل و كل وحدة ببيتها وخضرة و بيبيهات
ومش عارف شو .. وهالهبل .. البنات بعرفوها ،،

:shababsmile226: ::

أكيد بنعرفهـآ ههههه

طفولة حلوة ^^

يعطيكي الف عآفية

بانتزآر مسيو شهيد ~