(لكــِ وحدكــِ أمـــِ) ~ الطالب المجتهد

[§عاشقة غزة§]

موضوع رائع وتنسبق اروع
مهما عملنا
ومهما قلنا
لن نوفي امهاتنا حقهم
بيكفي انه الجنة تحت اقدامهم
(وقضى ربك ان لا تعبدوا الا اياه وبالوالدين احسانا)

وهذه عبارات مني لأمي ..
طئي أماه وجهي بقدميك..وذريني اقبلهما بجناني..
عساني افوز ببشارة الهادي..تحت اقدام الامهات مدخل الجنان..

بوركتم ع المجهودات الرائعة
وجزيتم خيرا

[.:.!دموع الرحيل!.:.]

بآرك الله فيكم جميعآ ..

تسلمولي ..

ويا رب ربنا يديم امهاتنآ جميعا تآج على روسنآ ..

والي منآ فقد أمـه .. يا رب تكون ذحر إله بالآخرة :) ..

قسـامي & صوفيآ

ما شاء الله عنكم .. تسلموآ عالموضوع الحـلو ..

والأسئله الي رح تحرك المشآعر المميزة بكل انسان وما ممكن تكون

متمآثلة مع اي مشاعر تآنية :)

...

راجعه وبجاوب عالاسئله ان شاء الله :)

[.:.!دموع الرحيل!.:.]

-ماهومقدار حبك لاأمك؟

مآ وصف الحب محب !

هي كالبحر الذي لا ينتهي بالعطآء ..

فكيف يكون حبـي لهآ بالمقدآر ..

2_هل تشعر بفراغ الأم وان كان كذالك فماهو السبب ؟

بس لمـآ ما تكون مووجودة بالبيت ..


الله يخليلنا ياها يا رب ويبارك بعمرها

ويعيننا على برهآ

3_هل ندمت يوماً على مشكلة أفتعلتها مع والدتك وماذا كان سبب المشكلة؟

أكيد ما بيخلى الأمـر ..

بزعلها وبرجع بندم :(

وممكن ابكي من قهري من حالي :(

ما في سبب معين ..

بس أكتر مرة بحس اني لسا لليوم بدي اعتذر منها

مع انه سامحتني بس انا ما مسامحه حالي ..

لمـا راحت اشترتلنا شغله الي ولأختي

واجت فرحانه .. وبس اجت فرجتنا ياها

قلنالا انه ما عجبتنا .. وكان بدنا غير هيك

وقتها حسيتها نقهرت من قلبها

ولليوم ما قادرة انسى كيف هيك كسفناها

بدل ما نتشكرها :(

أوقات الواحد بيغلط بدون ما يقصد .. وقلة ادب كمان

يومها قضيت النهار كلو اعتذر منها ..

وهي رضيت بس انا ما سامحت لحالي ..

لأنه حسيت انه موقف ابدا ما حلو :( يارب تكون سامحتني ع كل شي

من قلبها مش بس هالموقف

4_هل كنت حنوناً مع امك ام لا؟ وأن كان لا فماسبب؟

والله مش كتير .. لا كنت وما زلت ..

مش متقصد .. بس لأنه ماما من النوع الي ما كتير بتعبر

حبها بيبقى بقلبها .. فأنـآ بطبيعة الحال هيك معها ..

بحس اني بكنلها حجم من المحبة لا محدود

بس هي ما بتعرف هالشي !

وانا ما بقدر اظهرو :(

بدايقني هالشي .. كتير

بس ما بعرف الطبع غلاب :(

5_هل كنت قاسياً بالتعامل مع والدتك يوماً؟

والله ممكن .. لأني عصبية وممكن اغلط وارجع أندم ..

أهم شي تكون مسآمحتني

6 _هل لديك الشجاعة الكافية لكي تحدثنا بمشاكلم المفتعلة مع أمك؟

الحمدلله مش هالمشاكل العظيمة !

يعني هيك مشكلة بوقتها وبتنتهي ..

بس خوفي تترك أثر قهر منها .. وشعور بالذنب مني ..

7_أترك رسالة بسيطة لاأمك تبين لها مقدار حبك

بعمرك يا ماما ما رح تعرفي قديش بحبك

وبخاف عليكي

وانا بعمري يمكن ما اقدر وصلك شو انتي بالنسبة الي

بس بتمنى يكون قلبك دليلك

على شو الي جواتي تجاهك

انتي حنونة وما في أطيب من قلبك

ويمكن انا ما بستاهلك


..

بكيتوني على فكرة

[الطالب المجتهد]

المشاركة الأصلية كتبت بواسطة قسامي ملتزم 1-ماهو مقدار حبك لاأمك؟

مقدار كبير جدا جدا

2_هل تشعر بفراغ الأم وان كان كذالك فماهو السبب ؟

لا .. لا اشعر بفراغ امي .. هي دايما بتشتغل بالبيت وبتقعد معنا شوي ..

3_هل ندمت يوماً على مشكلة أفتعلتها مع والدتك وماذا كان سبب المشكلة؟

نعم ..

4_هل كنت حنوناً مع امك ام لا؟ وأن كان لا فماسبب؟

طبعا انا حنون مع امي ..


5_هل كنت قاسياً بالتعامل مع والدتك يوماً؟

لا..

6 _هل لديك الشجاعة الكافية لكي تحدثنا بمشاكلم المفتعلة مع أمك؟

لا .. الحمد لله ما في مشاكل اسرية بيناتنا


7_أترك رسالة بسيطة لاأمك تبين لها مقدار حبك

امي انا احبكي جدا جدا جدا ..

انا جاوبت على الأسئلة

[شهيد]

موضوع مميز ونسق أكثر من مميز !

وكيف لا يكون وهو عن عنوآن التميز في هذه الحيآة

الآم :)

[شهيد]

موضوع مميز ونسق أكثر من مميز !

وكيف لا يكون وهو عن عنوآن التميز في هذه الحيآة

الآم :)

[nader ~]

بارك الله فيكم جميعاً على مروركم المميز وبنتمنى حد من الأدارة يضيف أسم العضوة دموع الرحيل جمب اسم الموضوع لاأنو هي اول ضيفة

[قسامي غزة]

الى كل من فقد أحد الأبوين لاتحزن فنحنُ هنا بيتك التاني لذلك يجب عليك أن تشاركنا مافيه قلبك من كلمات رنانة ولاتجعل للحزن يسيطر عليك

الحمد لله علي كل شي
اسال الله ان يرحم امي ويدخلها فسيح جناته
وأن يجعلها في اعلي الدرجات
مشكور اخي عالموضوع

[sofy]

حياكم الله جميعا أحبتي الكرام


لا حرمني وإياكم الأجر والثواب ..

لو سمحت بس تكتبوا إسم دمووع الرحيل .. عند العنوان .. لو سمحتوا يعني

ويسلمووو مقدما ..

[أم الوليد]

جهد رائع

وموضوعكو عالجرح الله يخليهم الكم ويديمهم عراسكم يااااااااارب

وبانتظار دموع الرحيل