قفشات ....غير بريئة

[almuhandes]

لجنة المتابعة العربية في سرت تؤيد وقف المفاوضات

والله كلام حلو وجميل لو ما بتبعة مليون استثناء

لكنها قررت منح واشنطن فرصة أخرى لإقناع حكومة بنيامين نتنياهو بإحياء هذه المفاوضات وفق معطيات جديدة.
وراكم وراكم بدنا مفاوضات يعني مفاوضات

السلطة تثمّن خطاب الرئيس الأميركي باراك أوباما في الجمعية العامة للأمم المتحدة الشهر الماضي، لكنها تستغرب ما سُرّب عن رغبة إدارته في تقديم ضمانات إلى إسرائيل مقابل تجميد الاستيطان شهرين إضافيين.


يا عمري عليهم عم يستغربوا
ولي على بخته اوباما العبس استغرب
يا حرام النتن انخدشت مستوطناتة

المصيبة انه مش لوقف الاستيطان بتراكضوا
لتجميده اصله الثلاجات شغالة على ابو ودنه
والتجميد أحسن من التنجيد والجديد
وكل أرض مسروقة واحنا بقمة


:
العرب في قمة العربجية يلي انعقدت زمان
تغيب منهم 7 روس كبار
اليوم في سرت كلهم أجوا يركضوا وفي منهم ناس لسه مش زارين قمصانهم حتى ما يتأخروا
طبعا يعمي الحب أعمى الله يعميهم
القمة الأولى كانت بدها تحكي عن هم عربي
التانية بدها تحكي عن سفاقة عربية فلسطينية بأمر من سيدهم وسيد ابوهم اوباما
وسيد اوباما نتنياهو
يعني للهمالة وقلة الحيا ادعيهم
لنخوة زلم أنسى
أهلين عبس
أهلين عربوا

[عاشقة فلسطين..]

رااااااائعـــ

[almuhandes]

على خلفية اغتيال النتشة والكرمي في الخليل


قائد عسكري صهيوني : "بفعل التنسيق الأمني نصل للمطلوب وهو نائم في سريره"

فينا ألف بطل وبطل
فلسطين ولود ودود
لن ترهبونا باغتيالاتكم
نعم نلتم من أجساد الأبطال لكن ما نلتم من ارواحهم وعزائمنا ....كلنا مشاريع شهادة


في تصريح للعبس رئيس السَلَطة المحمضة

فتح ودعت البندقية وآمنت بطريق السلام والكفاح السلمي

يا ريت وقفت على هيك....

العبس الإكسبير ديت أبو لغاليغ
ودع البندقية ...........

زغردي ياما ..ولولا أنك كبيرة في العمر ورجليك بوجعوك كان رقصتك فرح على الوحدة ونص
ياما عباس ودع بندقية الشرف اللي ما كانله شرف حملها ولاهي توسخت بايديه والحمد لله
ياميمتي عباس اليوم أعلنها طلقت البندقية
الله لا يجبره كاين متجوزها عرفي
واحنا مش داريين
غاندي الجديد بس بفرق بسيط قلبه على غيرنا ومع غيرنا ولغيرنا

امي الحجة زمان كالتلي ياما يا سمير لا تأمن لأبو شيب أزرق ولا لخنزير

مش عارف ياما شو رايك

أمنله ولا..................

خليها لبعدين

[almuhandes]

صادقت الحكومة الإسرائيلية أمس الأحد على مشروع القانون الذي يدخل تعديلات على قانون الجنسية.


يعني بالعبري الفصيح عفوا بالعربي الفصيح إخراج 20% من سكان ما يسمى إسرائيل إلى خارج حدود المواطنة القذرة التي فرضت عليهم ظلما وعدوانا


طبعا أحنا ما بنسكت ولو

غسان( باشا ) الخطيب على طول الخط صرح وقال

القانون المذكور يمس عرب أراضي 48، وبالفلسطينيين الواقعين عامة تحت الاحتلال وخصوصا أبناء القدس، مضيفا أن السلطة الفلسطينية ستدرس تداعيات هذا القانون وتتخذ الإجراءات المناسبة بشأنه.

يا حبيب قلبي يا خطيب يا مفوه يا نجيب
لا فض فوك وعدمك أبوك يا عندليب
شو بايدك يا ماما لتعمله وانتو ليل نهار عم تلمعوا جزمهم وتحروسهم وتجتمعوا فيهم
يا عمري انت يا حنون ... أنا ولا ستي يلي تنازل عن حقوق اللاجئين
مش هاي كانت البداية ولا أنا غلطان...؟
يا ماما المكتوب بنقرا من عنوانه
وانتو أسوأ عنوان
توتو توتو خلصت الحتوتو
نخرف ولا انام
لأ انام.......

[almuhandes]

رام الله / سما / اعلن رئيس دائرة شؤون المفاوضات في منظمة التحرير صائب عريقات ان رئيس السلطة الفلسطينية محمود عباس وضع بين أيدي العرب في قمة سرت اكثر من 5 خيارات نافيًا ان تكون استقالة عباس او حل السلطة الفلسطينية من بينها.


لو كبر الراس على قد الفهم ما حد سبقك .... بس منين يا حسرة .. بح





يا ابو راس كبير ولك فهمني كيف بدهم يغيروه.......؟!!
أو يغيروك وأمثالك فهمني
ولك فلقتني
ما انتو مش مقصرين وقايمين بالواجب وأكثر
لما تنتهي مهمتكم بفكروا...... بس هلا لأ لسه دوركم في المسرحية ما انتهى

شاهت الوجوه,شاهت الوجوه,شاهت الوجوه
(وجوه يومئذٍ عليها غبرة ترهقها قطرة)

عنا لما الوحدة تخلف ولد بوزعوا ملبس
قال يعني أجا أبو زيد حامي الحمى
حتى يتوزع الملبس لازم يصبروا لحد ما يكبر ويشوفوا فعايله
مش يمكن يكون كذبة نيسان
وما بيستاهل ........ ملا ذانه
يخرب بيتهم عهر وقلة حيا عيني عينك
طيب تخبوا
ولكو تخبوا
مش مشان ما نعرف شو بتعملوا مشان ما تفلقونا بشوفتكم
(اللهم احشرهم مع من أحبوا واحشر من أحبهم معهم يا قوي يا متين)

[almuhandes]

الحدث

محاصرة 33 عامل تشيلي في أحد المناجم تحت الأرض لمدة وصلت الى 70 يوما

الرئيس التشيلي
الآف من البشر
الصحافة
الكل يرابط على ابواب المنجم
بعدما تم اختراع كبسولة للوصول اليهم ونجدتهم

عملية الإنقاذ قد تستغرق 48 ساعة



نيال الشعب بهيك رئيس


الحدث

غزة محاصرة ( والله كثير عددهم ) اكثر من 33 والله يا جماعة الخير ما بكذب عليكو روحو عدوهم

بلا ماء ,دواء,كهرباء
بلا خبز
بلا اكسجين
غير الطس على روسهم ليل نهار قنابل ومكائد


الرئيس ,شلته,الشعب العربي إلا من رحم ربي بالزعما طبعا , العالم
حضر كبسولة ليخنق فيها غزة وأهلها
اكثر من اربع سنوات ولسه ما كفاهم....!!!

يعني لو ابو العبابيس لاقدر الله زلمه
وما شارك بحط الكبسولة على صدورهم
مش كان لا قدر الله اله شوية احترام عنا

اليوم انخنقت لما سمعت الخبر
فتحت على وجعي غزة في المسجل
جاي على بالي اعيط
والله طلعت روحي

سمعت الموال
والدموع فرت من عيني

غزة بغبار الموت بتحضن ولدها
قطع واشلاء بتلملم ولدها
والأمر من هيك يا عالم ولدها
حصار الخي وسكوت العرب

الك الله يا غزة العزة
ربي لا يبارك في كل واحد حاصرك وضربك وجوعك

[shereey]

أخي المهندس يعطيك العافيه

جهد مبارك ومتعوب عليه

دمت بود

[almuhandes]

المشاركة الأصلية كتبت بواسطة shereey أخي المهندس يعطيك العافيه

جهد مبارك ومتعوب عليه

دمت بود

بوركتِ شيري

للأمانة هذه القفشات لا تكلفني الكثير من العناء لقطافها

لأنها أكثر من ذرات الأكسجين الذي نستنشق

كل ما يلزمك للقفشة أن تنظر حولك وتدع القلم يكتب سخطه على ما يدور

أرأيت شيري كم هي سهلة ..!!

وغير مكلفة

كل ما هنالك أنها ترفع الضغط وتؤلم الصدر

وتأخذك في غياهب الحزن ردحا طويلا

شكرا فقد أسعدني هذا المرور

كوني بخير

[almuhandes]

الرئيس السوري بشار الأسد بعث برسالة لمحمود عباس يحثه فيها على العودة لخيار المقاومة


عباس رفض ما جاء في رسالة الأسد وبين أن خيار السلام طريقنا





:

ياعمي يا بشار يا عمي بشار

يا عين عمك

بدنا وصية تكون منيحة

الها طعمة وما الها ريحة

وصية ما الها مثيل لا ترضوا عنها بديل

مرسوم عليها كلاشن وماركتها رصاص وجهاد

:

يا حبيبي

الريس العبس من هواة السَلطة

لهيك وين مافي خيار رح يركض وراه

بعدين ماله الخيار مهو ابن حلال وسعره في العلالي

يالا يا خيااااااااااااااااااااااااااااااااا ااااااااااار

[عاشقة فلسطين..]

جزيت خيرآ على مجهودك الرائع