لو انت كنت بدالي بهالموقف ايش هتكون ردة فعلك {نقاش}

[بنت فلسطين المجروحة]

المشاركة الأصلية كتبت بواسطة قسامي غزة اولا اخواني الكرام اعذروني اني رديت عليكي قبل الكل
انا بصراحة ردك يا اختي اتعارض معاكي مليوووون بالمية
لاني راح اوضحلك انوا هاد مو سبب
اول شي قطاع غزة والي فيه ماكلين هوا سواء كان موظف او غيروا
ويعني مشاني انا من غزة وظروفي صعبة اقعد احكي بهالكلام واخبص
حتي اني ممكن اوصل للكفر والعياذ بالله
وهاد شي ما بيصير اختي الكريمة
هينا عايشين بغزة وصراحة الوضع صعب علي الجميع
واقلك معلومة انوا سواق التاكسي هاد الي مو عاجبك
اني حياتوا افضل من الموظف ويمكن تستغربي من كلامي
انا هيني موظف والحمد لله علي كل شي
بس حياة سائق التاكسي هالايام افضل من الموظف
وعلي فرض نعتير انوا الراجل مش لاقي يوكل خيز حتي
ما حد بعطيلوا الحق انوا يحكي هيك ويخبص بهالحكي
الانسان دائماً يحمد الله علي كل حال
ولول انوا اعترض علي حكمة ربنا علي الفاضي مش هيصير اشي معاه
بل انوا هيكفر وينال غضب ربنا
انا طولت بردي عليكي بس لو شو ما صار
ما حد بحكي هيك وبخبص
واهلا بيكي نورتي الموضوع
بصراحة كنت ارد وانا معصب شوية اعذريني

أول اشي رووق احنا بنتناقش

ثانيا انا مو قصدي هيك

انا قصدي في ناس من ظروف العيشة الصعبة وقلة الوعي بزهقوا وبحكوا هيك

يعني هاي مش قناعته!

وظروفه طفرته

هالاشي طبيعي في الانسان


مثلا مش الدراسة مهمة

ممكن من كترة الامتحانات والهم والغم يكره الساعة اللي دخلها مش هيك

مثلا موظف من كتر ضغط الشغل وانه عاصابه يكره كل اشي حوليه

يعني عادي الواحد من عيشته الصعبة يزهق من طروفه ومن قلة وعيه يحكي هالحكي

فالدور بيجي عليك وعليي وعالكل

نصبره ونوعَيه

او انتا قلي بشو طلعت لما ضربته ؟! غيرت فكرته ؟! ولا بس فشيت غلك ؟!

واذا انتا حمساوي ولا تنفيذية ..بتخليه يكره حماس والمتدينين عقولة ريحانة :P



والسموحة

:)

[روان من زمان]

عارفه يا بنت فلسطين كلامك صحيح بس يا بنت فلسطين هاد حكي اشي ما بينحكي يعني هال نحكي استغفر الله الظيم واحد كفر وهو كبير وبيفهم نروح نحكي انو كان معصب معلش
حبيبتي الله اعطانا عقل نفكر فيه حتى تحت اصعب ظروف
اعذريني ع تدخلي اختي بنت فلسطين المجروحه

[دموع الغربة واشواق العودة]

هههههه استغفر الله استغفر الله عيش كتير بتشوف كتير ...في ياخي في وفي اكتر كمان .بيستاهل الكف ومش كف كمان بدو 100 كف والله حلال عليه المليون .. انا لوصار معي هيك موقف ممممم بس المشكلة اني بنت يعني مش حقدر اضربو ...معلش بتف بخلقتو وبتصل على بابا يجي يضربو ...او .هههه بصراحة مابعرف انا بنت وحالي حال البنات .مش عارفة ..اكيد هادا زلمة بيعرفش الله او اصلا بيعرفش بالدين ..او مش فاهم او مش عارف قيمة المسجد الاقصى عنا كنتو لازم اتفهموه
او على الاقل تعرفو شو قصدو ولو عارف وقاصد الكلام كنتو بلغتو جهة من الجهات المسؤولة لأنو الحكي هادا حرام واسمو تخبيص بكلام الله بس الي عملتوه فيه حلال ..بيستاهلها يعني هو لو رمى صرمايتوه الي ان شاء الله تتثطع على راسو على المسجد الاقصى رح ينهد ولا رح يصيرلو اشي ..هههه هادا غبي لا رح يريحنا ولا راح يرح حالو وهيو اكل قتلة مررررررتبة شكرا الك

[palestine79]

طيب انتو بلشتو فيه بكسات
بلكي الرجل عنده مرض نفسي او اي شي يتطلب انو انداريه
و لا هيك من الباب للطاقة بنفكر بقلوبنا و بنيم عقولنا

( وجهة نظر)

[بنت الجبل]

بصراحة موضوعك كتييييييييييير مهم وجد لو كنت مكانك كنت عملت نفس الشي وضربته وسمعته كم كلمة يخلو يخجل من حاله بس خسارة زمنا زمن العجايب وهالزلمة لو انه قدامي كنت موته والله
شكرا لالك اخي موفق.........

[فلسطينية ومفتخره]

انا رأيي انه الضرب ما رح يفيد لازم نقوله كلام يجرح مشاعره ويخليه يشعر بقيمة الاقصى .

يعني ممكن يكون مريض نفسي وقتها لما يطيب بنتفاهم معه

وممكن يكون عميل

وممكن يكون واحد غبي راكض ورا راحته مثل بعض شباب هالايام مش الكل هيني قلت

[قسامية حمـــاس]

والله يا اخي ممكن يكون ماخد جرعة زيادة ....
او ممكن يكون من الخونة تبعون هالايام وفاهم مين هما...
اللي المصاري بالنسبة الهم احسن من المسجد الاقصى

[قسامي غزة]

ان شاء الله راح ارد عليكمـ
بس الحين انا مسطل ونعسان
وبرجع ارد عليكم
نورتوا الموضوع

[السيد الفلسطيني]

ايش الواحد بدو يحكي غير حسبي الله و نعم الوكيل

مشكووووووووووووور أخي


مع التحية أبو سيفين

[فارس الوطن]

يا أخي ..هاد ما بفهم ..اعتبروه جاهل ..وهو فعلا جاهل

بس ليش بستعجلو بعمل الاشياء وينضرب ؟!

قال تعالى:" وإذا خاطبهم الجاهلون قالوا سلاما"

كل الود والاحترام ..