هل هو نظام فاسد ام نظام افساد .. اقرأ .. وسترى العجب العجاب .. نحن نتكلم على فرنسا شوف سوريا

[عبد الصمد الراوي]

[عبد الصمد الراوي]

والله زهقنا من الحكي
ومن كل هادي الشغلات الغلط اللي عم بتسير
مشكور فتى الانبار منور برجعتك ^^

الله يبارك فيكي اربين كيلز

مشكوورة اختي الفاضلة والنور نورك يا حجة

اشكرك على الترحيب

[.:.!دموع الرحيل!.:.]

بس يا أخي فتى الأنبـار ..

انت بتحكي قصص .. هي عادي موجودة بكل بلد ..

ومهمـا صار .. بتضل بلاد سوريا هي أكتر البلاد الي الكثير من اهلها

عندهم انتماء فظيع للدين .. وهي معروفة أنها ارض الأوليـاء .. والعلمـاء ..

ما بنقدر ننكر مدى أصالة الشعب السوري ..

وإذا فيهم حدا شوه سمعتهم .. من الظلم .. انه نحط كل الشعب بكفة وحده

ساعتها على هاالموال رح تصير كل الشعوب مش منيحه .. ؟!

يعني قصة ( الدعارة ) الحقيقة ما حبيتا منك ..

هاي موجودة بكل بلـد ..

مش بس هونيك .. بالعكس .. عندن ميزان الإلتزام الديني طابش .. أكتر من اي بلد تانيه ..

وبنت الشـام أبدا ما حكت انها مع عقوبة اعدام الاخوان ..

هي بتقول انه النظام عندهم أعدم قرايبينها وهمي أصلا بعثيين ..

يعني الإعدام مش بس للإخوان ..

وما قالت انه الاخوان الي أعدموهم ..

أخي معظم الشعب السوري .. بيكره النظام عندهم ..

وضده ..

بس ما بيقدروا يحكوا .. !

أخي غلط وأكبر غلط .. أنه نلبس كل الشعب ..

ونحملهم وزر أغلاط المسؤولين .. او فئة من الشعب ..

لا بد من الفصل ..

وكرامة وشهامة الشعب السوري .. ما حدا بيقدر يغبّر عليها ..

وهمي شعب لو تنفتح الهم الأبواب ..

لرأينا منهم الكثير من العطاء ..

لكن حسبنـا الله باللي كاتمين على نفسهم ..

الله يكون بالعون

[بنت الشام ..]

بالنسبة للاجئين والعراقيين في سوريا ... يمكن هاد مو موضوعنا ... بس بعتئد انو سوريا احتضنتكون وكانت معكون احسن من كل البلاد ...

ولو كنتو ملاقين مكان احسن من سوريا بعتئد كنتو رحتولو .. وسوريا اثبتت هالشي من خلال احتضانا للشعب الفلسطيني واللبنانيين بالحرب الاخيرة

يعني هالشي مو غريب على سوريا تحتضن العراقيين وازا حصل واخوك اتضرر من شي حدا فمو كل اصابعك متل بعض

..................

شغلة تانية (((( دعارة ))))) ... !!!

الله يسامحك ..

في قصة حكالي ياها بابا بتئول ..

في اتنين راحو على مصر لمن رجعو الناس سألو الاول .. شو رأيك بمصر قال :: هي بلد فاسق .. كلو رقصات وغناء والعازو بالله

سألو التاني شو رأيك بصر :: قال مصر بلد تقوى وعبادة فيا مشايخة وعلماء ..

احتارو الناس وراحو عند القاضي يسألوه شو الاصح .. قال كل واحد بيروح للمكان الي بيشبهو ...

يعني الي حكا انو مصر بلد للرقاصات ما حكا هيك غير لانو راح لهونيك .. ولي حكا انو مصر بلد تقوى ماراح على مصر غير ليتعلم من علمون

انا ما قصدي هينك بشي .. بس ما بستحمل حدا يحكي عن بنات بلدي (( دعارة )) .. بنات بلدي مافي بتربايتون

................

وبالنسبة للاخوان المسلمين ... انا ماني مع اعدامون لان حرام في ناس محترمين من الاخوان وتضررو النظام بنفسو بيعترف ..

ولي قتل جدي وابو زوج خالتي هنن الاخوان مو النظام ..!!

قتلوه لانون كانو بحاربو حزب البعث ... باسم انو بدون يسو دولة اسلامية

الشعب السوري في البداية ايدون .... بالاخص مدينة حماه وفيك تفتح وتقرا عن احداث تشرين ..

اخي العزيز ..

امي حموية من الناس الي عاشو الحرب والحرب الاهلية كان اكبر ثقلا بحماه ....

في البداية كانو وقت يدق على باب المواطن الحموي واحد من الاخوان هربان من الشرطة ..

كانو يدخلوه ويلبسوه ويقولو هاد من عنا من عيلتنا ... الشعب الحموي كتير احتضنون بالبداية ...

بعد هيك اكتشفو الحقيقة ... انو هدول بدون الحكم وبس صارو يقتلو السني والشيعي والدرزي والعلوي وحتى المسيحي ....

انا جدي مسؤول عن المساجد والمباني الدينية ..؟؟ ليش يقتلوه ..؟

وقت السوريين قشون ... لانون اتغلغلو في الشعب و ما بأ ينعرف الكويس والمو كويس ...

و صارو يقتلو اي واحد ينتمي للاخوان ... او انهم يطردوهن برا سوريا ....

لكن بالوقت الحالي هالشي راح ... يعني الاخوان بدخلو سوريا وعادي مو متل اول

يمكن انا ماني مع الاخوان لان جدي استشهد .. وكتير من اقربائنا ... ولان اهلي اتضررو من وراهون

بس هاد مو يعني انو ما بدي حكم اسلامي بسوريا ... هاد والله مناي ....

بس حكم اسلامي من قلب ورب ...

[بنت الشام ..]

انــــــا بــدي يـــــــــكون عنــا حكـــم اســـلامي ....

بس مـــــــو بالاســــــــم متــــل الســعوديــــة ...

هدول مســـلميـــن ومــا شــاريــن الاســلام بقشــــرة بصـــلة

بيـــكفـــي انـــو حافــظ قطــع عهــد على حــالو انــو ما يــصافح يهودي بعمــرو

ومــات بعــد ما اوفــى بعهــدو ... هــاد عنــدي يــاه احســن من ميــة ملــك اسلامي

بيعــطي النفـط لاميــركا ... وقت غزة ئــاعدة بلا نــور

[.:.!دموع الرحيل!.:.]

ولي قتل جدي وابو زوج خالتي هنن الاخوان مو النظام ..!!

يه معناها انا كنت فاهمه غلط !

لا بهاي رح يختلف الحكي شوي ..

عمرو ما كان نهج الإخوان بيهدف لمناصب وكراسي يا بنت الشـام ..

وأياما كان في كتير هجوم عليهم ..

وطبيعي يدافعو عن حالهم .. وإحتمال يكون كان صاير بعد الاخفاقات .. يعني ما بحكي ع جدك شي

لكن بما انك بتقولي انه كاين بعثي .. هاي لحالها كانت تهمه ..

لما انه اليوم بسوريا بمجرد ما الواحد يكون اخوان مسلمين .. يعني هاي تهمة !

المهم .. مش مشكلتنا .. هلأ ..

هاي قصص كبيرة كتير ..

وفسـاد وتجبر النظام السوري ما حدا بينكره ..

غير أنه يا بنت الشام .. صدقيني حافظ مش أحسن من الحكام الباقيين بشي

ما صافح اليهود .. لكن أغلاطه عظيمه .. وهي اليوم بشـار راكض ورا الأمريكي .. !

ما عندهم عقيدة ولا ثوابت

النظام كلو من يومو فاسد ..

وعمرها العلمانية ما جابت خير ..

ولا حتى حزب البعث ..

بس شو نحكي ..

الله ينصر الإسلام والمسلمين المخلصين .. ( ومنهم الإخوان المسلمين ) :p

..

معناها هيك كلامي من الاول صحيح .. انه كانوا يقتلوا الاخوان بس لمجرد انهم إسلاميين !

لأنه بعدين فكرتك بتقولي انه قتلوا البعثيين عشان هيك شككتيني ..

بس هلأ ارجعت اتأكدت انه قتلهم للأخوان بس لمجرد انتمائهم للإسلام الصحيح !

الله يكون بالعون يا رب

وينصر أهل الحق في كل مكان

[عبد الصمد الراوي]

اخواتي لا تخلطوا الاوراق عليه لو راجعتوا ردي كنت افتهمتو عليه


انا قلت كل سوري شريف على راسي من فوق والله العظيم احبهم واعزهم

اما الكلمة التي لا اريد ان اعيدها


فإني لم اقصد العموم لكنها انتشرت اكثر من السابق بسبب الفقر التجويع من قبل النظام البائد


والله ما اعرف اخذ اقتباس من ردودكم لاني احاول اختصر قدر المستطاع والرد على ردودكم يحتاج وقت طويل


بالنسبة للاجئين العراقين خلونا نحكي الصراحة مو بس سوريا احتضنتهم

وانا سبق و قلت ان سوريا تتقاضي 160 مليون دولار بسبب اللاجئين العراقيين من الامم المتحدة يعني ماصار العراقيين عبء ثقيل على سوريا

والله دموع وبنت الشام اني ما اشكك بإصالة وعروبة السورين الشرفاء وهم كثر بس

وبالنسبة للاخوان المسلمين ... انا ماني مع اعدامون لان حرام في ناس محترمين من الاخوان وتضررو النظام بنفسو بيعترف ..

ولي قتل جدي وابو زوج خالتي هنن الاخوان مو النظام ..!!

قتلوه لانون كانو بحاربو حزب البعث ... باسم انو بدون يسو دولة اسلامية

الشعب السوري في البداية ايدون .... بالاخص مدينة حماه وفيك تفتح وتقرا عن احداث تشرين ..

قلتلك دموع انها تخص الاخوان

اول حاجة يجب التفريق بين الاخوان والسلفية التكفيرية


ثاني حاجة منهج الاخان لن يقتل ولم يقتل ولن يتبنى في فكره القتل

فاجعو حسابتكم


الشغلة الثانية

الاخوان لا يريدون اقامة الدولة الاسلامية في الوقت هذا والدليل انهم عارضو دولة العراق الاسلامية ( الايرانية )

ولو يريدون اقامة دولة اسلامية لاقاموها في غزة

لكن الاخوان لا يؤمنون بدولة في وجود محتل ولا يؤمنون بها الا بعد الوحدة

انا ما قصدي هينك بشي .. بس ما بستحمل حدا يحكي عن بنات بلدي (( دعارة )) .. بنات بلدي مافي بتربايتون

رديت وراح ارد مرة ثانية

انا لم اعمم بل قلت انتشرت اكثر من السابق بسبب الضيم الي ضامه النظام السوري

فلا تقولوني ملا اقول

انا لم اقول كل بنات سوريا

خليكم دقيقين

انو هدول بدون الحكم وبس صارو يقتلو السني والشيعي والدرزي والعلوي وحتى المسيحي ....

انا جدي مسؤول عن المساجد والمباني الدينية ..؟؟ ليش يقتلوه ..؟

كلامك منافي للواقع اختي فلا تظلمو احد ولا تتهمو احد


لو كان الاخوان قتلة لكان النظام تحت ايديهم

لكن بالوقت الحالي هالشي راح ... يعني الاخوان بدخلو سوريا وعادي مو متل اول

يمكن انا ماني مع الاخوان لان جدي استشهد .. وكتير من اقربائنا ... ولان اهلي اتضررو من وراهون

بس هاد مو يعني انو ما بدي حكم اسلامي بسوريا ... هاد والله مناي ....

بس حكم اسلامي من قلب ورب

غريب

واحد عنا نعرفوا يعني صاحبنا راح لسوريا

المخابرات السورية بدت تحقق معو عن الاخوان

وهو اول مرة يروح لسوريا فأنضري الى اي بعد المخابرات السورية تكبت الاخوان

وشغلة يفوتو على راحتهم مو صحيحة



اعذروني اذا ما جاوبت على كل الاسئلة بس لاني اذا ارد على كل كلمة يعني ينراد مئات الصفحات


اختي في الله بنت الشام

اصيلة انتي واعرف هاي حرقة كل واحد على وطنو وهاي حرقت عربي على امتو ان يحكمنا اراذلنا


وكمان اقول ان حافظ اسد ما صافح اليهود هذا حكي جرايد وما ينفع معنا لانو الواقع يحكي ان عميل وخرب سوريا بنظامو الدكتاتوري


اخر شغلة

تعدد الاراء لا يفسد للود قضية


ارجو ان تكونو خلعتم الفكرة السابقة عني

فأنا قبل ان اكون عراقي انا عربي وقبل ان اكون عربي فأنا مسلم وما يميز المسلمين الغيرة على اخوانه المسلمين


حالة يرثى لها العرب

[بنت الشام ..]

ممممممم

والله مابعرف شو بحكيلك يا نانا ..

بس انا الفكرة الي اخدتا عن الاخوان انهم مو كويسين

اجو مو مشان الاسلام ... وهي الفكرة الي عند اغلب السوريين بعتقد ... هاي الفكرة الي في بالي ...

حتى انو مرة بابا كان عم يتناقش مع مجموعة من الرجال من جنسيات مختلفة بعلم انو هون بالسعودية في كل الجنسيات

اكتشف انو الكل اخد نفس فكرتك نانا ... بس ولا يهمك انا راح بدور على النت وبسأل هون وهون لحتى شوف شو هي الحقيقة

المهم هي قصة قديمة ولى عهدا من زمان ...

والنظام السوري متل ما قلتي نظام فاسد ...

هي نقظة صحيحة ... فساد × فساد وانا بعترف ..

لكن اخونا عم يصور سوريا بصور خاطئة و بيحكي كلام طالع نازل ..!!

وانا ما بقول انو حافظ كان قدوة مثلى ... ولا عم دافع عنو

الو اخطاء كتيرة صحيح .... لكن مو لدرحة انو اخونا يطلع بشغلات مو صحيحة

ما كل الحكام العرب هيك .... وانا بكرهون كلون ...

كلون لمن بتهدد منصبون بصيرو يفظعو

و هوي كان عم يأسس حكم جديد وكل حكم قبل ما يطلع بصير في حروب و هالشغلات بكل العالم مو بس عنا

و في شغلة هلأ قلتيا عن بشار نانا ...

انا بتمنى انو يبطل يلعب بدنبو ويعمل مباحثات سلام مع اسرائيل مع انو هالشي بحسو مستبعد شوي لان اسرائيل ما بتعرف سلام ...

بصدد علاقتنا مع روسيا و ايران ...

المهم بالنهاية نحن دخلنا بشغلات كتيرة ... مع انو الموضع كان عن الحجاب والفتوة وشو بعرفني ..

لكن الحمد لله مافي هالشي .. والشعب السوري لايمكن يسكت عن هالشي ازا كان بالفعل صحيح ..

و الحمد لله الشعب السوري شعب طيب .... وانا بفتخر اني سورية ... من حلب ...

والله يصلح الحال ...

[عبد الصمد الراوي]

الذين يشاهدون محتوى الموضوع الآن : 5 ( الأعضاء 3 والزوار 2)
‏:: فتى الانبار ::, ‏.:.!دموع الرحيل!.:., ‏بنت الشام ..


منورين بنت الشام سامحينا بس هاي الحقيقة

[عبد الصمد الراوي]

اختي قلتلك وراح اقولها

بس ما بدكم تفتهموا


هو حقد اعمى على الاخوان

وكل شغلة مو زينة تلطشوها بالاخوان والاخوان منها براء


فلو عرفتم منهجنا لما تهجمتم علينا هكذا

ارجو ان تسمعي من الطرفين وحكمي عقلك وانتي تشوفي النور


الله ربنا و محمد نبينا والقرآن كتابنا والاسلام ديننا والاخوان منهجنا والبنا مرشدنا والياسين معلمنا والبدري والقرضاوي شيخنا وائمة الاخوان ائئمتنا