مكالمة غريبة !!

[PaLeSt!Ne SouL]

السلام عليكم و رحمة الله و بركاته:

من عادتي أني لا ارد على أرقام غريبة و لكن بعض صديقاتي أحيانا يتصلن من جوال والدها أم امها عندما لايكون معها رصيد
فأصبحت أرد على الأرقام الغريبة إذا تكرر إتصالها

بالأمس اتصل رقم غريب 3 مرات قبل أن أرد
قلت : السلام عليكم
قال : و عليكم السلام
صمت طويل (انتظرت ان يقول من هو )قال:ألوووووووووو
قلت السلام عليكم
قال : يأختي انت بعتيلي رسالة
قلت ليس معي رصيد لأبعث رسالة
قال:الرسلة من موقع حسابي و فيها
" السلام عليكم
أنا آسفة لأني ما قدرت أكلمك
أنا محتاجة تدعيلي(قراها بصيغة المذكر)
ثم فصلت الخط
.......

خلال أقل من دقيقتين اتصل 3مرات
ثم رددت عليه
قلت السلام عليكم
أنا آسفة الرسالة و صلت لك بالخطأ قد أرسلتها لصديقة
مع السلامة
قال لحظة :أنا كنت أكلمك مش عيب تفصلي الخط
قلت آسفة
قال لأ عنجد عيب
قلت الصوت مش واضح (أريد إنهاء المكالمة)
قال يا أختي يعني كيف بتبعتي رسالة بالخطأ؟؟
قلت يظهر اني تخربط برقم وأنا آسفة على الخطأ

قاطعني

قال ياختي إنت عارفة شباب اليوم أغلبهم طايشين و أنت صبية يعني تاكدي من الرقم قبل ما تبعتي
قلت شكرا عالنصيحة مع السلامةقال : بعد هالمكالمة و ما بدك تعرفيني على حالك!!!

و بعد هالمكالمة اللي أنا نادمة عليها مكالمات لم يرد عليها 20 مكالمة
هذا غير الوقت الي اغلقت الجوال و عملته وضع طيران

شو رايكم؟؟
شو الحل مع هيك أشكال؟؟؟

[روح الصباح]

عنجد شو هاد لزقة انا لو مكانها رديت عليه مرة وتنين وتلاتة بس مو اكتر

بعدين بعصب . . . ممكن قلو وبعدين معك لك ماعم تفهم خلص بعتى

بلغلط ومشى الحال . . وبس يعصبني ويستفزني اكتر . . ممكن قلو انت واحد قليل زوء

لانو عنجد قهرني لزقة لزقة . . .


شو الحل مع هيك أشكال؟؟

أنو الحل عادي جدا ممكن يا ماترد ع الرقم نفسو او اذا اجاها رقم غريب ما ترد عليه

انا لما حدا بدقلي ع جوالي رقم مابعرفوا مابرد لو يضل يرن لبكرا . . .

او ممكن تغير رقمها كلو . . . بس

بس انو الواحد لازم يشوف الرقم قبل مايبعت متل ما قال هو

بس احيانا الواحد بيبعت بالغلط منقوم مندبق فيه . . .

[PaLeSt!Ne SouL]

المشاركة الأصلية كتبت بواسطة روح الصباح


شو الحل مع هيك أشكال؟؟

أنو الحل عادي جدا ممكن يا ماترد ع الرقم نفسو او اذا اجاها رقم غريب ما ترد عليه

أنا عنجد كتير متضايقة من هذا الشئ و المصيبة أنو ما رديت بعد هذه المكالمة لكن الإتصالات لسه مستمرة

و في رقم جديد كمان!!!

[روح الصباح]

المشاركة الأصلية كتبت بواسطة دمعة أسى
أنا عنجد كتير متضايقة من هذا الشئ و المصيبة أنو ما رديت بعد هذه المكالمة لكن الإتصالات لسه مستمرة

و في رقم جديد كمان!!!

متل ماقلت ممكن يكون اتصل من رقم تاني مشان ماتعرفيه . . .

طيب غيري رقمك يعني رقم التفون كلوا

انا عندي حل تاني

بس قليلي شو بيصير معك

[PaLeSt!Ne SouL]

اتصل مرات كتير و طلبت من أخي الكبير يرد وما رد

حطيت الجوال عنده و ظله يرن لما زهق رد عليه

و قال الشب : آسف الرقم غلط فكرتك ابو محمد

لو كنت من اللي بخبوا عن أهلهم و بخاف كان استغل هذا لبشئ و ظلوا يتصل لكن الحمد لله ما رن

[الاماني الفلسطنية]

دمعه اسى .. ما تعطي الموضوع اكبر من حجمو ,,


ومو محتاجة تغيري رقمك وتتصلي من رقم تاني وهاي الئصص ...


كل ما يتصل اعطي الموبايل لأخوكي وخليه يرد عليه ..


وسدئيني ما رح يرجع يتصل ,,


ع ضمانتي ^.*


ديري بالك يا عسل وانتي بتنئلي ارقام ^^

[Yαś]

دمعه اسى .. ما تعطي الموضوع اكبر من حجمو ,,


ومو محتاجة تغيري رقمك وتتصلي من رقم تاني وهاي الئصص ...


كل ما يتصل اعطي الموبايل لأخوكي وخليه يرد عليه ..


وسدئيني ما رح يرجع يتصل ,,

زي مـا قـالت أختي أمـاني

..

أختي دمـعة أسـى ..

لا تـاخذي ببـالك .. عشـان واحد مـا بـسوى و لا فرنـك

و الله يحفظك .. إن شـاء الله


تحيتـي لكِ

[جاآرة الوادي’’]

بتصير هاي الشغلاات كتيير

واذا بدك في كل مرة تغيري رقم جوالك ,, ما رح تخلصي ,,

انسي الموضوع ,,, وكل ما حاول هو او امثالوا انهم يتصلوا فيكي اعطيه لاخوكي الكبير ,,, وشوفي كيف مو ممكن يرجع ...بعين الله


سلاااام*

[شهيد]

بديك حل عملي ان شاء الله يريحك من هيك اشكال شو نوع جوالك ؟!

أنا كتير بجننوني من كتر ما بيرنوا علي لكن ببرنامج بخلي الجوال يحلق لهم من غير ما اعرف مطلقا

[تحـ البشر ـدوهـ]

ههههه

الله يهديه

بسيطة خيتوا كتير بتصير

مفروض ما خليتيله اي فرصة حتى لاي كلمة

:

انا لو مكان اخوكي .. كان طلت قرارهـ

وعلقتهـ في البزنس سنتر ( مكان تسوف في الصين .. هع ) .. وخليته عبرة

لمن يعتبر ولا يعتبر كمان

:

لكن بسيطة خيتو .. بتهون

ويمكن اخوكي حب ينهيها من غير مشاكل

:

تقبلي مروري ورأيي

في امان الله