علمي طفلك المسؤلية ......

[نسمة دفا]

هــاد الموضوع مختص بالاطفال الصغار ,

هلأ كل أب وأم بحبو يكون ابنهم واعي للمسؤليه وعندو صبر ,

وممكن ننمي فيه كل هادي الصفات واكتر بطريقة كتير حلوة وبسيطة ,


بنجيب له بذرة و ئوار زريعة فيه تراب ,


بنحكيلو شو رئيك نزرع مع بعض هادي البذرة , عشان نستناها لما تكبر وتسير وردة حلوة (إزا كانت بذرة وردة ) وتفرجيها للكل ويحكو عنك شاطر ,


بعد ما تزرعو البذرة بتحطو الئصيص او الئوار بمكان بتوصلو الشمس وبيئدر الطفل يراقبو ,

هلأ رح نعلم الطفل تعلم المسؤولية ونحكيلو :

كل يوم لازم تسقي النبتة وبنفرجيه وعاء مناسب انو يسقيها فيه ,
وبنحكيلو بتسقيعها مرة وحدة كل يوم ,
أزا نسيت تسقيها بتسير تعيط وممكن تموت , انت بتحب انا انسى اعملك اكل , طبعا هو حيكي لأ , احكيلو يبئى لازم تسقي النبتة كل يوم عشان تعرف تاكل ,
وبتحكيلو لا تسقيها اكتر من مرة , عشان ما تغرء وتموت , انت بتحب حدا يحطك بالمي ويغرئك ويخليك ما تئدر تتنفس ,

هيك الطفل بيتعلم المسؤولية انو لازم كل يوم يسقي النبتة ,

تانيا بتعلمو الصـبر

رح يسير يجي يسأل بعد اول اكم يوم :

ماما لسى ما طلعت الوردة , ماما متى بدها تطلع الوردة , ماما شكلها ما بدها تطلع الوردة

انتي بتحكيلو انو هادي الوردة هلأ لساتها زغيرة كتير وبدها تاكل وتشرب حتى تقوى وتكبر وانتى تشوفها حلوة ,
زيك انت هلأ انت زغير , بس لما تاكل وتشرب بتسير تكبر شوي شوي حتى تسير كبير زي بابا ,

هلأ الشجرة اللي بنشوفها بدأت بذرة زغيرة زي اللي زرعتها , وبعدين شايف كيف صارت شجرة كبيرة وحلوة ,

اللي بدو اشي حلو بدو يستنا وما يزعل ,

يعني ازا انت كنت حابب اعملك كيكة وضليت تصرخ بدي كيكة بدي كيكة بدي كيكة
انا ما رح ائدر اعملها مزبوط من صوتك ولأنك بتصرخ ورح يوجعني راسي
ومارح تطلع الكيكة زاكية ولا رح ازينها بالكريما

اما لو ئلتلي بدك كيكة وئعدت عائل تلعب من غير صوت انا بعملك كيكة حلوة وبزينها بالكريما وبتطلع كتير زاكية ,

( يعني سيرو قيسو الموضوع على اي موضوع الطفل مزعج فيه )

ورح تعلمو الطفل الحنان لما يسير يتفقد الزريعة وينتبه انو ما حدا يخربها او يلعب فيها ,


وهيك بتكونو علمتو اولادكم صفات كتير مهمة بالحياه ,

وزي ما حكيت كل ما الولد يجي يسأل عن شي معين , قيسوه بالجواب على تصرف بتصرفو بالواقع

مع الوئت الطفل تصرفاتو بتتغير ,


وإن شاء الله تعجبكم الفكرة , وتجربوها ,
__________________



تعبٌ كلها الحياة .. فما أعجبُ إلا من راغبٍ في ازديادِ
إنَّ حزناً في ساعة الموت .. أضعاف سرورٍ في ساعة الميلادِ

[دموع الحنين]

فكرة

بس لأصير ام بالاول هههههه

موضوعك مفيد نسومة

ما ننحرم

[نسمة دفا]

انشالله تسير ام ونفرح فيكي يا عسلللللللل ما ننحرم من مرورك اللي دايما منور مواضيعي تسلميلي

[شمعة الاحزان]

يسلمووووووووووووووو

[نسمة دفا]

تسلمي منورة

[nader ~]

بارك الله فيكم على ماقدمتم موضوع في قمة الروعة نتمنى لكم
مزيداً من التقدم

[نسمة دفا]

يسلمو على المرور اخي