حتى ابليس طفشناه

[الفراشة الفلسطينية]

حتي ابليس مهاجر
--------------------------------------------------------------------------------

على باب سفارة كندا.. لمحت ابليس و ف ايده استماره..

بقول له على فين.. قاللي بص .. يا هجره يا اعاره..

يا عم زهقت.. كفرت .. الاقيش معاك سيجاره..

انا انتهيت خلاص .. لا نافع وسواس ولا خناس

ولا ليا عيش وسط الناس..

دي عالم مجرمين.. عندكوا فائض ف الفساد..

في كل البلاد..

ومش محتاجين شياطين .. مليش عيش ف دي البلاد..

....

بقالي سنين عاطل .

و انتوا بتعرفوا تقلبوا الحق باطل..

و تسلكوا القاتل .. و تمشوا ف جنازة المقتول..

ومفيش مشاكل..

يا عم ده انا بقيت أوسوس بالمقلوب..

و أقول للحرامي .. كفايه بقى .. توووووب..

انت ايه . لوحدك هاتعمل كل الذنوب..

و أنا ابليس أشتغل واعظ .. ولا كمساري ف اتوبيس..

يا عم ده انا زمان

كنت استنى حد ينسى يسمي وهو بياكل لقمته..

دلوقتي كل اكلكم ملوث .. و بصراحه الواحد خايف على صحته..

ده مفيش ضمير اساساً عشان اموته..

و كل واحد بمزاجه .. خربانه ذمته..

يا عم ده كل حاجه اتسرقت..

وكده الاجيال الجديده م الحراميه اتظلمت..

يا راجل ده من كتر ما لطشت معايا..

خرجت ف مظاهره مع الناس اللي بتقول كفايه..

و برضه ......... مفيش فايده

--
منقول






















ان شاء الله تعجبكم

[M!RACLE]

:36_1_19[1:36_1_19[1:36_1_19[1:36_1_19[1:36_1_19[1
موتيني ضحك..

[عاشق فلسطين المجنون]

انا متت زمان ضحك بيغمى عليه انا هأنفجر من الضحك:ang27::ang92:

[الفراشة الفلسطينية]

منورين يا حلوين


بس ردت فعلي كانت البكي مو الضحك


لأنو الفتن زادت و كل ما زادت الفتن تأخرنا بالنصر ( تناسب عكسي )


العالم صار شيطان و لازم نغير هادا العالم حتى لو كنا قلال


و لازم نؤمر بالمعروف و ننهى عن المنكر











تحياتي يا حلوين