% كم مرة انكتب لك عمر ثاني ؟؟!! %

[روان فلسطين]

صباحووو / مسائووو



شو اخباااركم؟؟

ان شاء الله تمااام يااارب



الاااانسان يعيش بحيااته اياام وليااالي يذوووق فيهاا الحلوو والمر

وفي غمضه عين
يشوف المووت من حووله وحوااليه محااصره من كل نااحيه

ولكن بقدره الله سبحاانه وتعااالى ينكتب له عمر جديد

وأكيدالبعض منكم جرب هالموقف

خلونا نسمع بعض من موااااقفكم

ونشوف رحمه الله بعباده
ونحس كم ان الانساااااان مخلوق ضعيف امااااام ربه
~اختكم روان فلسطين ~

[الطالب المجتهد]

والله صارت معاي هاي الشغلة يعني انا هسه عمري 12 سنة شفت مرة واحد وانا ماشي

كبير شو بحكيلي تعال عمو انا ما خفت امسكت حجر صوان بأيدي ورحت عندو حكالي امشي اتمشى انا وياك قلتلوه ما

بدي حكالي لا تعال ما تزعلني قلتلوه بدك تزعل ازعل المهم كان معاه موس بدو يشموطني وله اخوي الكبير

جاي فرحت انا ماسك الحجر وضارب الزلمة الي ناداني واخذت منو الموس وكبيتوه بالزبالة

وشفت الموت بعني

[Twin]

ما عديتهم بصراحه ..

مره قرأت بكتاب .. مو متذكره اسموو .. انو ملك الموت يأتي للانسان كل يوم ..

ولكن يمهله ..


اخر مره حسيت حالي انكتبلي عمر .. بالحرب الاخيره ع غزة ..


اصلا كل اهل غزة العايشين انكتبلهم عمر جديد


كنت ماره مع فراشه من امام مركز قصفوه اليهود بعد دقيقتين بالزبط من مرورنا ..


كنا عندوو ولكن كنا باعدين امتار عنووو ..


يعطيك العافيه .. وتقبلي مروري رورو (-:

[شمس العروبة]

اى حصل معى موقف وانا صغيرة

بسبب شقاوتى كنت العب فى الكهربا وكان فية الظاهر سلك مكشوف ولمستة

كنت عامله زى حبة الفيشار اللى بتتنطط ههههههههههههه

لكن الله سلم وانكتبلى عمر جديد

لسة فى العمر بقية

يسلمووا على الموضوع

احترامى

[آية بنت فلسطين]

انا انا
يوم الخميس
مبارح يعني
كنا عم نعمل تجربة بالكيميا بالمختبر البايخ
يا الله شو كرهتو هالمختبر

كنت عم بغلي ميي و نترات البوتاسيوم
المهم
دورق الميي ما كنت مثبتة منيح
قام سحل ووقع على وانكسر
كانت الميي عم تغلي
بس اول ما اجت عليي حطيت ميي باردة
ومشي الحال

مو المهم اني ما انحرقت المهم ما اخدت صفر لاني كسرت الدورق


روان يا قلبي
تسلميلي انتي ومواضيعك الحلوة

[فلسطينيه والراس مرفوع]

موضوع حلووووووو رورتـــي

انا كتييير انكتبلي عمر جـديد ..

مرة واحنا بالنــآصرة .. وقعت عن تلات طوااابق وكان عمري بس 4 سنين

الكل استغرب اني ضليت عايشة .. كانت حالتي اكتيييير صعبة ..

يعني لولا المستشفى اللي اتعالجت فيه يهووودي ولا كان فعلا متت

فكرو اني بدي امووت بس الله كتبلي عمر جديد

مرة تانية ..

بفترة اجتياح المخيــم ..

كنت بدي آكل اللي فيه النصيب من رصاصهم العشوائي بس اللي رحمني ولولا شوي كان رحت فيها

مرة تالتة ..

اصحيت من النوم ولا هيي عقربة واقفة على اجري

بس ما قرصتني ما بعرف ليش

يعني شوي كان بردو متت هههههههههه

مرة رابعة ..

بالملاهي p:

كنا بالسفبنة وحسيت انو خلص رح موت رعبة ههههههههههههه

جبانة هع

شايفة كم مرة يا رورتي :icon11:

[haboosh]

ولا مرة......

[أمير رفح]

في أول الانتفاضة كنت اقف على الحدود الفلسطينية المصرية قبل انسحاب الجيش الاسرائيلي من محور فلادلفي ..

طلعت راسي من السياج اتفرج ... وبعد ما طلعت راسي بثواني ضربت رصاصة جبني .. يومها تصاوبت شظية في راسي

بس الحمد لله ... الله سلم

[فراشة]

متل توين ... كنا سوا ^^

[بنيمارو]

اممم
برأيي ما بيجوز نحكي نكتبلك عمر جديد !!
لانو الاسان ما بينكتبلو غير عمر واحد
بنحكي كم مرة حسيت حالك قريب من الموت كتير ؟
رأي !!
.
.
عموما مرة كنت بدي اغرق بالبحر . . وتعبت كتير وشوي وبدي استسلم . . وصرت اتشاهد .
بس المشكلة انهم بيحكو الانسان لما يكون قريب من الموت بيمر شريط حياتو كلو ادامو . . ما مر شي ادامي !!
بس الحمد لله كان معي صحابي طلعوني بالف عافية !
كنت شارب نص مي البحر
وتعبان كتيييييييير وما فتت بيومها ولا مرة بعد هيك
ربنا ستر !!

.
.
ما ننحرم روان ^^