اسئله بتموت باللهجه السوريه دخلو وشوفوا

[دانية الشام]

اسئلة بتموت ( باللهجة السورية )



*متسطح بتختك ونايم ومطفي الضو ومتغطي بالبطانية بيجي واحد من أهلك بيفتح الباب ويقول :

شو نايم ؟؟*

*لأ !! عم ارقص.. بس الوضع بيوحي إني نايم*

**



*معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه

إجيتوا ؟؟؟*

*لا والله لساتنا عالطريق، في عجئة بشارع بغداد*

**



*لابس أحلى أواعيك ومتعطّر وشايل مفاتيح السيارة وجزدانك ورايح لبرات البيت،

بيجي*

* حدا من أهلك بيسألك، شو رايحلك شي مشوار !!؟؟*

*لا والله طالع عالأسطوح صلّح صحن الديجتال*

**

*حامل سماعة التلفون وعم تبلش تدق بالأرقام، بيجيك عنصر مفاجئ من أهلك وعلى

وجهه علائم الإستغراب والدهشة: بدك تحكي بالتلفون؟*

*لأ شو إحكي !!! بس كنت عم جرب *

صوت طنة الأرقام **



*حاطت راسك ونازل بهالكتب والدراسة، بيجي أبوك أو امك...: عم تدرس؟*

*لا والله ...!! عم غير زيت للسيارة*

**

*مذيعة بيوم العيد عم تلف بالشوارع وتلطي ع كم مواطن وتسأل وبنفس الوقت هي

بتجاوب: شو بتساوي اول يوم العيد ؟ أكيد بتروح بتزور الأهل والقرايب *

*لا والله بالعادة بفكر العب شدة وماروح لعندهم *



**



*بتطلع بميكرو وبتحط هيك وبتطلع (خمسة)وبتعطيها للي ئدامك، وبكل برودة

بيئلك: واحد ؟*

*لأ 60 واحد ؟ ورجعلي الباقي **



*أشّر بأصبعته الكريمة لتكسي، وفعلاً وقفلو العينتين، بيسأله: فاضي؟*

*لأ ... عندي 10 طلبيات، بس وقفت حيونة*

**



*بدك تنزل من الميكرو: عاليمين زكاتك.... بتتلقى الرد: نازل ؟؟*

*لا والله بس عم جرب صوتي*

[دانية الشام]

على فكرة الاسئله بتموت ضحك بس يمكن بعض الكلمات ما تفهموها لانها باللهجه الشاميه بس حبيت اوضح انو احنا عنا بالشام بيسئلوا اسئله غير منطقيه والجواب بيكون واضح ومبين بس هيك روح الفضول
بتمنى تتقبلو مواضيعي وازرع البسمه على وجوهكم
وامانه شرفونا على الشام
تقبروا قلبي وتشكلوا اسي اه صحيح هي دعوات احنا البنات بالشام مندعيها على حالنا

[.!. الراحل الى المجهول.!.]

تسلمي خيتو

والله يعلي من مئامكو يارب

[صدى الحب]

ههههههههههه
والله هاي بتصير كتير
يسلمو حبيبتي حلو كتيييييييييييييير
ما تحرمينا

[أســ{ــمــرآنــ}ــي]

::

هههههههههههه ,

بجد أسئلة بتموت ,,

كمان عنا بفلسطين في أشياء متل هيك ,,

//

يسلموو كتير ع الموضوع .

//

::

[Arabian girl]

هههههههههههههههه كتير بتسير ههههههه
يسلمو ^^

[.:(خالد):.]

هههههههههههههههه

الله يخليهم السوريين

ظرفاء
ههههه
شووو بتعمل :p


يعطيكي العافية يا اخت دانية الشام والله مواضيعك مرتبة

ننتظر الجديد منك

[هادي]

سؤال: شو دانيه حاطه هالموضوع حتى تدحكينا؟؟
دانيه بتجواب: لا والله حاطتو سمة بدن!!!!
تسلمي دانيه أُغمن عليا من الدحك .. بدو يبوس خطيبتو والعماره كلها سامعتو!!!

[THE GHOST]

اسئلة حلوة كتير شكرا الله يعطيك العافية