:: سجل غيابك عن أرضك في فلسطين مجبراً ::

[هادي]

ْ{ بسم الله الرحمن الرحيم ..

في 1948 أو في 1967 في كتير عائلات فلسطينية نزحت (هُجرت من بيوتها وأراضيها) .. في عائلات لجأت لمدن فلسطينيه أخرى، وعائلات خرجت خارج فلسطين .. يا ريت كل واحد يذكر أسم البلد إللي هُجِر منها هوه أو أبوه أو جده، ويحكيلنا عن شو بيعرف عنها .. وشو شعوروا لما يشوف عائله يهودية ساكنه في بيت جده وهوه ممنوع حتى من دخول فلسطين أحياناً .. وشو بيعرف عن نكسة تهجيير عائلته ... ( لكي لا ننسى) ..

[.:.!دموع الرحيل!.:.]

فكـرة جميلة ،،

الله يرجعنـا لبلادنـا ..

إلي رجعة ان شاء الله ،،

تم تثبيت الموضوع

[Arabian girl]

موضوع حلو يسلمو امجد

[أبومجاهد]

موضوع رائع جدا .. ^^

وانا سعيد بأن اكون اول المشاركين فيه ..

المسمية >> ::: مهنا :::

قرية فلسطينية هجر أهلها عام 1948. تقع جنوب فلسطين بين يافا والرملة والقدس.

قرية فلسطينية هجر أهلها عام 1948 بعد النكبة و من أشهر عائلاتها آل ياغي و آل مهنا و آل أبو دية و الآن في مكان القرية قام الصهاينة بعد النكبة و تهجير أهلها منها باقامة مدرسة زراعية.== وصلات خارجية == هذه العائلات موجودة قبل النكبة

وشعوري لمن اشوف الصهاينة في بلدي بكون نفسي احرقهم حرق ابيدهم عن بكرة ابيهم

[إسراء الفلسطينية]

انا من قرية (( الزيب )) قضــاء عكـا

تقع على بعد حوالي 14 كم شمال عكا على الساحل

من أهم زراعتها الزيتون و البرتقال و الصيد أكيد ،،

اتهجروا منها جدودي للبنآن بعـام 1948 ،، و عاشوا بمخيمات زي باقي اللاجئين ،، و لهلا عايشن فيهم

و انا خلقت بإحدى هل مخيمات بجنوب لبنان

بعد ما صار عمري تقريبا ً السنة ،، قرروا أهلي انهم يسافروا على الدنمارك ،، بسبب صعوبة المعيشة بمخيمات اللجوء

و لهلأ عايشين فيها ،،

يعني الغربة صارت غربتين عندي

أولا ً ابتعادي عن فلسطين ،، تانيا ً غربتي عن أهلي بلبنان ،،

،،

و بالنسة للشعور يلي بيتملكني وقت ما اشوف اليهود قاعدين بيتمتعوا بكل فلسطين

فهو عنجد شعور ما بينوصف

قلبي بحسو بيحترق و بكون نفسي أوقف بوجههم و أنتقم منهم كلهم !!!

،،

الله يحرر فلسطين كلها من اليهود و الصهاينه الخاسئين ،،

و يرجعولها أهلها عن قريب يا رب

والله ما في أصعب من انو الواحد يكون عايش بعيد عن وطنه :(

،،

اخي أمجد

موضوعك حلو كتير

الله يبارك فيك

[هادي]

أول حاجه يسلمو دموع على التعديل والتثبيت
أبو مجاهد: المسمية جنوب فلسطين .. ( لمن اشوف الصهاينه في بلدي بيكون نفسي أحرقهم حرق أبيدهم عن بكرة أبيهم)
إسراء الفلسطينية: الزيب شمال عكا (قلبي بحسو بيحترق وبيكون نفسي أوقف بوجههم ،أنتقم منهم كلهم) .. ( ما في أصعب من إنو الواحد يكون عايش بعيد عن وطنه)
❊❊❊❊❊❊❊❊❊❊❊❊❊❊
إسراء الفسطينية والله في كتير فلسطينيه تهجروا مش بس مرتين ... مرات ولهلأ في فلسطينيه على حدود اعراق بالصحرا... بس المهم إنو ما ننسى ونعلم ولادنا قصة أجدادنا ..
❊❊❊❊❊❊❊❊❊❊
أحكيلكوا شغله ما بعرف بتضحك ولا بتبكي .. أنا كمان ما نولدت بفلسطين .. بس رجعت مع أهلي لفلسطين ومعي هوية فلسطينيه بس اليهود مانعيني من السفر خارج فلسطين!!!! يعني ما حد بيسلم من شرهم
❊❊❊❊❊❊❊❊❊
اليوم رح أنزل خارطة فلسطين ( العربيه) هون .. يسلمو للجميع عالمرور

[.:.!دموع الرحيل!.:.]

يا ريت كل واحد يذكر أسم البلد إللي هُجِر منها هوه أو أبوه أو جده،

اتهجّر جدي وستي ..

بابا وعماتي كان لسه خلقوا ..

كان جدو بـ يافا ..

متزوج جديد .. وطالع من لبنان على فلسطين ..

وصارت النكبه !

ويحكيلنا عن شو بيعرف عنها ..

يافا .. ( حي المنشيّه ) بالزبط ..

يافا حبيبتي .. عروس البحر ..

وحي ّ المنشيّه .. تاني أشهر حيّ بـ يافا

وقت النكبه يافا استبسل أهلها .. بالدفاع عن هالمدينه ..

لدرجه انه قائد القوات الصهيونيه .. كانوا رح يتراجعوا

عن احتلالها .. بس للأسف .. عدد قوات العدو ..

كانت أكتر بكتير من عدد الفلسطينيه .. بيافا ..

بس العدو خسر كتـير من جنوده بمعارك احتلال يافا ..

وكان احتلالها صعب جدا عليهم ..

وكان أهل المنشيه بالزات معروفين بالقوّه والبطوله ..

وحكا فيها كتير من الي عاشوا هديك الأيـام ..

وشو شعوروا لما يشوف عائله يهودية ساكنه في بيت جده
وهوه ممنوع حتى من دخول فلسطين أحياناً

بصراحه .. :)

هالشعور .. مستحيل ينوصف ..

أو يتعبر عنه بكتابه ..

هلأ لما جيت أكتب .. خنتقتني عبراتي .. !

بجد ما بقدر أعبر عن الي بحسو ..

يمكن هو شعور مستحيل يتجرم لكلمـات !

حسبنا الله ونعم الوكيل

.. وشو بيعرف عن نكسة تهجيير عائلته

أكيد بنعرف أنه أهلنا ما طلعوا برضى منهم ..

في منهم الي انطرد طرد .. وبملاحقه .. وخوفا على أعراضهم

ونسائهم ..

وفي منهم الي انضحك عليهم بشي أسمه الجيش العربي ..

ومنهم جدو الله يرحمه .. !

مخاتير المناطق للأسف وقتها صاروا يحكوا للعالم ..

اطلعوا .. ! جايين يحرقوا المدينه باللي فيها أهربوا ..

وقالولهم أنه الجيش العربي عالطريق ..

يومين وبكون كل اليهود برا !!

وعلى هالأمل .. طلعوا أهالينا من بلادهم ..

ع أساس يطلعوا يوم .. أو يومين بالكتير ..

ويرجعوا منصورين .. وبلادهم إلهم وبس ..

وفي منهم خلى الطبخه على الغاز !!

ومنهم الي خلى مفتاح الدار .. فوق الباب ..

يعني متل ما بحطوه وقت الي يروحوا مشوار صغير ..

وراجعين منه !!

ولا حدا فيهم .. كان طالع ع اساس يترك بلده ..

كلهم طالعين على اساس انها يومين .. والجيش العربي

بيحسم المعركه . . !

بس للأسف .. ! حسبنا الله ونعم الوكيل ..

وصارت تمر الأيام ..

ولسه الأمل بقلوبهم ..

وجدي كل يوم يحكي لستي .. بكرا راجعين ..

ورح نرجع !!

ومع الوقت .. جدو اكتشف أنه القصه كانت خدعه ..

وكزبه كبيره راح هني وبلادهم ضحيتها !!

ومن بعدها راحت روح جدي ضحيتها ..

لأنه جدو من قهره مرض كتير .. ومات !

الله يرحمه .. ومتلو كتير ..

وهاي قصتنا.. صار كل واحد فينا مهجر بميل !!

جدودنا في منهم لهلأ مفتاح الدار بضل بجيبته !!

والأوراق .. وحلم العمر كلو ..

ونحن كمـان متلهم ..

بنشوف رجعتنـا رح تكون بكرا ..

قبل بعد بكرا إن شاء الله ..

ربنا كبير . .

والحق .. مصيره يرجع لصحابه !!

//

فلسطيننا .. جزء من ديننا ..

فلسطيننا هوانا وعشقنا ..

فلسطيننا أملنا وحلم عمرنا ..

الي إن شاء الله .. رح يتحقق عن قريب

[هادي]

تسلمي دموع الرحيل
كل فلسطيني إلو قصة (حزينة)، وألم من البعد والفراق .. وأمل (تتوارثه الأجيال) بالعودة لفلسطيني .. أو حتى إنو يندفن فيها .. الفلسطيني مرابط داخل فلسطين وصابر على البعد خارجها .. يا رب الفرج قريب..

[memw.arab48]

السلام عليكم
اول شي الموضوع رائع ومشكورين عليه
وانا من قريه جنب الزيب كان اسمها الغابسيه ولكن الحمدلله اجدادي تمسكو بالارض وانا اليوم اسكن قريب جدا من قريتي المهجره بجانب عكا ونهاريا والحمدلله محافظه على هويتي الفلسطينيه بالرغم من العنصريه التي نتعرض لها يوميا من اليهود
اما قريتي المهجره فحولها لمقبره يهوديه ونشالله كل ارضنا تصبح مقبره للغزاه الظالمين ......

[هادي]

المشاركة الأصلية كتبت بواسطة memw.arab48 السلام عليكم
اول شي الموضوع رائع ومشكورين عليه
وانا من قريه جنب الزيب كان اسمها الغابسيه ولكن الحمدلله اجدادي تمسكو بالارض وانا اليوم اسكن قريب جدا من قريتي المهجره بجانب عكا ونهاريا والحمدلله محافظه على هويتي الفلسطينيه بالرغم من العنصريه التي نتعرض لها يوميا من اليهود
اما قريتي المهجره فحولها لمقبره يهوديه ونشالله كل ارضنا تصبح مقبره للغزاه الظالمين ......

يسلموArab48
حولوا القرية لمقبرة إلهم .. زي ما بدهم يحولوا مقبرة مأمن الله الإسلامية في القدس لمتحف ومكتبة .. هاي هيه هويتهم الحقيقية .. لا مقدسات عندهم ولا محرمات ..