8 . رمضـــان .. !! من العزايم لشغل البيت .. نورينا !!

[ღ لآلئ الجـنان ღ]

همومنا كبنات بتزيد برمضان ..


جلي , عزايم , ولاد صغار والبيت انعجئ ... الخ


هذا يؤدي .. بتقل قعداتك ع النت .. وبتقل قعداتك ع التلفزيون


اكيد كل وحدة بتعاني من شي معيين ياترى شو هو ؟


يلا خبرونا شو اكتر شي بتكرهيي بشغل البيت

وبنكد عليكي خصووووصاااااا بـ رمضااان (:

[ღ لآلئ الجـنان ღ]

{.. شـــعـــار اليــــوم

سأحجــز فــــي الجــنـــة قـــصـــري

...

[ღ لآلئ الجـنان ღ]

قــال الحبيب -عليه السلام- :

سبق المفردون .. قالوا : وما المفرودن يا رسول الله

قال : الذاكرين الله كثيرا والذاكرات ..

صدق رسول الله

,

[بنت الشام ..]

ممممممممم ... والله انا معاناتي لا من الشغل و لا غيرو ...

الشغل عنا شغل عادي متل اي يوم برا رمضان ...

مشان هيك نحن مشكلتنا برمضان انو مافي حدا يجي عنا ولا نجي عند حدا

يلا مو مشكلة ...

مرسي حبيبتي على الموضوع .... زكرتيني علي كم صحن لازم روح اجليون

[*ريحانة القلب*]

انا تقريبا متلك بنت الشام

انو ما عليي كتير .. لأنو عندي خوات وزوجات اخواني

كلهم بشتغلو .. فـ شو يلي بطلع عليي قليل


بس مشكلتي مع الصغار ..

دايما بالبيت انا مسؤولية عن عجئة الاطفال لمن يجو

وولاد اخواني وولاد اختي ما بخلو شي بمكانه

وبتمشكلو كتييييير

وهاتي حلي مشاكلهم .. هاد اخد لعبتي وهداك اخد ملبستي

وييي فلان اكل واحنا رمضان ..


بس عزايمنا غالبا بتخلص باول رمضان

هلأ المشكلة لما يجي بابا من السفر

ولا كانو عزمنا حدا بصير بدو يعزم من جديد

امبارح بس خبرنا انو هيك ناوي .. لو بنعرف كان صبرنا وما عزمنا



بس كلو بهون مع رمضان .. لأنو بضل رحمة






’’’’

[.!. وردة الأقصى .!.]

وييي فلان اكل واحنا رمضان ..

ههههههههههههههههههههههههههههههههههه ههههههههههههههههههههه

والله اناا ياريحانتي مقسمين الجلي علي انا وأختي

بس بردو مافي راحه لأنو اللي بكون عليها الجلي بكون عالتانيه ترتيب البيت كلو من وإلى

الطبخ كلو على ماما انا بساعدها بشغلات طفيفه جدا ً

يعني اجلي على ايدها

اعمل السلطه

اقلي السمبوسكـ او الكبه

اسوي الحلويات

اليوم كنت بدي اعمل كنافه ماخلتني قالت روحي جيبي اي شي من برا

مابدي تعملي شي اليوم زهئت مني هع

بالنسبة للعزايم لمن نكون عازمين حدا البيت بقوم ومابقعد

زغار على قلبت المطبخ على عجئة ماما على عجئة ترتيب البيت

على الجلي بعد الفطور مشان هيكـ بفضل اكون معزومه احسن ما اعزم هع هع هههههههههههههههههههههههههه

عنجد يعني حالتنا مابتنوصف لما نعزم حدا

لأنو ماشاء الله خوالي 5 وماشاء الله كلهم عندهم شباب وصبايا كبار يعني

وفي بنات خالي متزوجات وعندهم صغار وولاد عمي

اسمعي بكمل بعدين بدي اطلع هلأ

سلاموز

[ღ لآلئ الجـنان ღ]

في هذا الشهر المبارك ..

لنقم بتخصيص نسبة بسيطة من مصروفنا

لأجل امتنا .. !


وراسلي الجمعيات الخيرية ذات الاختصاص

والتي لها امتداد في اراضي الامة الجريحة

وقدمي لها هذه الاموال



او اتصلي بقناة الاقصى ..واخبريهم عن رغبتك بالمساعدة

وهم سيرشدونك للخطوات .. (( مجربة ^ ^))

[*ريحانة القلب*]

ههههههههههههههههههههههههههههههههههه ههههههههههههههههههههه

ولي بحكي عن الصغار

بفسدو ع بعض .. بيجي عمار بقلي خالتو احكيلك سر

شفت عبود وهو بشرب مي ورا الباب ههههههههههههههههههههههه

وعبود بنط عليه وببلشو خبط ببعض ... وحليها ازا فيكي

اسوي الحلويات

سامعين صبايا


اسمعي انا ما بصدق انك بتعملي حلويات وشطورة

الا لمن اشوف بعيينييييي


ما دخلني .. ورجيني شي من صنع ايديكي بصدق



يلا انتي ورطتي حالك ...



صبايا معزومين ع حفلة حلويات عند ندوووش هاهاهاهاههههههههههههههه

اسمعي بكمل بعدين بدي اطلع هلأ

سلاموز

ok



مع السلامة

[ღ لآلئ الجـنان ღ]

(( هيّا لنحب الله أكثر ))

قال صلى الله عليه وسلم :

يا عبد بن قيس . ألا ادلك على كنز من كنوز الجنة

قال : بلى يا رسول الله

فقال : قل لا حول ولا قوة الا بالله

::

لنرددها اليوم مئة مرة

ولنجعلها وردا يوميا جديدا لدينا

[روان فلسطين]

والله بصراحه ما في شي مميز الا انو كل يوم من اول رمضان لاخرو علي انا واختي الجلي
وطبعا بعد الفطره الكل مو جاي على بالو يقوم وبيحطو القطايف وبيقعدو ع التلفزيون وانا بكون بالمطبخ بجلي واااااااااااااااااااء
ميرسي الك يا قمر ع الموضوع