.•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•

[.:.!دموع الرحيل!.:.]

بسم الله الرحمن الرحيم

هـون الموضوع الأصلى لشرح مشروع لآلئ لكل الي ما تابعونـا من الأول ..

كيفكن يا لآلئ ..

بداية بحب أوجه أغلى تحية حب وتقدير لكل البنات الي تابعوا معنـا المشروع

فعلا طلعتوا لآلئ .. وجواهر .. مكنونة ..

اليـوم رح نبدا جولة جديدة من مشروعنــا .. والحمدلله كلنـا أنهيـنـا تلاوة جزء من القرآن

بالعشرة ايام الي مروا .. الله يتقبل مننـا جميـعـاً ..

كـان المفروض انه نزيد ورد .. على تلاوة القرآن .. لكن قلنـا بما انه فترة امتحانـات ..

خليـنـا هلأ ع تلاوة القرآن وبس نخلص كلنا امتحانـات .. بنزيد ع تلاوة القرآن ..

لكن هالمرة عنـا تحضير جمـاعي .. لذكرى النكبة .. نحضر موضوع بإسم لآلئ

كلنـا سوا !

بداية قبل ما نحكي ع تحضير موضوع " ذكرى النكبة "

رح نزّل برنامج تلاوة القرآن للجولة التانيه ..



البرنامج ::

2 5 :: 23 - 24

3 5 :: 25 - 26

4 5 :: 27 - 28

5 5 :: 29 - 30

6 5 :: 31 - 32

7 5 :: 33 - 34

8 5 :: 35 - 36

9 5 :: 37 - 38

105 :: 39 - 40

115 :: 41 - 42

والله يتقبل سلف يا رب

//

.. نبدا بالنسبة للتحضير لذكرى النكبة ..

الافكار كلها الي رح نحضرها سوا رح تنزل بإسم المجموعة تاعتنـا بموضوع واحد بإذن الله ..

على فقرات ..

في عدة أفكـار .. رح نشتغل عليها .. هون من هون لعشر ايام لازم تكون كل الأفكار

مكتملة ومش ناقص الا التنفيذ .. عشان ينزل الموضوع بيوم ذكرى النكبة ..

في أفكـار موجودة ما عليـنـا الا انه نزبطها سوا .. والي بعد عندهـا افكـار تانيه

تنضاف تقولنـا ياها .. عشان نشتغل عليها سوا .. !

الأفكـار المحتاجة لعمل للعمل والتحضير ..

1 - موضوع اساسي يتلكم عن المناسبة .. على مبدأ خير الكلام ما قل ودل .. ( وعدتنا ابنة الشتات

تتكفل فيه ) = يعني مشي حاله بإذن الله

2 - بدنا شعر صغير جدا ً .. من وحي المناسبة

3 - تحضير كم واجب عملي عليـنـا كأفراد تجاه قضيتنا .. كل اللي عندها فكرة .. بتشوف انها ممكن نخدم

فيها قضيتنا تكتب هون وبنجمعهم أخر شي ..
4 - انا حضرت رنـات موبايل فلسطينية .. شي 15 مقطع ،، مش ناقص الا أرفعهم ..

الي بتحس عندها رنـات فلسطينية .. مقاطع كمـان تبقى تحطلي ياهم هون لاضيفهم للمجموعه ..

5 - بدنا البنـات الي بتعرف تصمم .. كل وحدة تعمل تصميم من وحي المناسبة ..

يعني بدنـا شي 3 تصاميم ..

6 - على باقي البنـات الي ما بيعرفو يصممو .. يكتبوا النـا هون شعارات عن ذكرى النكبة .. وعن العودة

عشان المصممـات يختــاروا أجملها ويستعملوهـا على التصاميم ..

أو ممكن نستمعلها بشي تـاني بالموضوع !

7 - فقرة " إحيـاء ذكرى النكبة حول العالم " كل بنت صار عندهم بالبلد

الي هي فيهـا .. نشاط لإحياء ذكرى

النكبة تجيب النا صور او معلومـات .. أو ممكن تفتشو على النت .. عن نشاط البلدان والجاليات الفلسطينية

بذكرى النكبة

//

هــاي الفقـرات الي هلأ جاهزة .. الي عندهـا أكفـار تانيه ممكن تجمل موضوع الذكرى .. تكتبها هون ..

عشـان نشتغل عليها سوا ..

وما تنسوا الطلبـات اللي فوق عشـان .. بعد 10 أيام الأفكـار حاضرة مش ناقصة الا التنفيذ !

بانتـظـار أفكاركن .. وأرائكن .. وشغلكن وجهودكن يا صبايا

ومن بكرا بيكون متابعتنـــــا لبرنامج التلاوة بإذن الله

[إسراء الفلسطينية]

انا متل ما بتعرفي حأساعد بالفقرة السابعة ..

و اذا شفت اني بقدر اساعد بالاشياء التانية ما رح أقصر

بس بدنا همتكن يا بنـــااات ..

عشــان يصير موضوع حلو و مميز من أحلى لآلــئ

..

و ان شاء الله كمان مكفيين ببرنامج التلاوة :)

الله يقدرنا ع فعل الخير يا رب ..

نـانـا حبيبتي ..

يعطيكي الف الف عافية

الله يجزيكي كل خير

[Pink Rose]

حبيبــة قلبـي ننــوش يعطيكـي الـف عافيـة يـا رب

ان شـاء اللــه كـل وحـدة فينـا بكـون الهـا نشاطهـا ودورهـا بالموضـوع

ونقــدر نعمــل موضــوع حلــو وكـامل متكــامل ..!

تسلميلنــا يــا رب .. واللــه يجـازيكي الـف خيـر يــا رب

[.:.!دموع الرحيل!.:.]

تسلميلي سوستي ..

مـاشي حبيبتي .. الله يفتح عليك ِ وعليـنـا ..

[.:.!دموع الرحيل!.:.]

بينك روز .. آمين الله يسمع منك ..

حبيبة قلبي نورتي يا غاليه والله

[.:.!دموع الرحيل!.:.]

طيب يا صبايا ... الشغل فوق بفكر انه نقسمه على مجموعـات ..

يعني كل وحده تدخل تشوف بشو بتقدر تســــاعد وتقول انا بساعد بهالعمل .

وعلى هيك بنصير مجموعـات والشغل أرتب ! ..

هلأ بدنا مجموعه .. لـ

1 - مجموعه لتجميـع أفكـار واجبة عليـنـا كأفراد بتخدم قضيتنـا

2 - مجموعه لتأليف شعارات .. عشان التصاميم الي بدنا نعملهـا ..

3 - مجموعه تجيب إلنـا من النت .. فعاليات الجاليـات الفلسطينية .. في احياء ذكرى النكبة للي .. ما صار عندهم

إحياء في البلد الي همي فيها وقدرو يجيبوا النا صور بنفسهم ..

وباقي النقـاط بنشتغل عليها كلنـا ..

بس حاليـا بدنا كل وحده تشوف بأي شي ممكن تساعد لنقدر نكون المجموعـات

[*ريحانة القلب*]

تسلميلي يا ناانا ما اروع افكارك


رح احاول اساعد قد ما بقدر

بالاول رح اجبلك كم مقطع للموبايل


وتاني اشي الشعر

عم بدور عن شعر مرتب

ان شا الله الاقيه





وباقي النقاط رح احاول اعمل منها



وبعتزر عن تأخيري الاسبوع الماضي

بس انتي عارفة الزمن ! :(



دعواتــكم

[الرمشـ الحساسـ]

تسلمييلي نانتـــي..

بجد بحب أشكركـ على تعبكـ وجهودكـ الرائـــع..

في ميزان حسناتكـ حبيبتي...

الله يجزيكي ألف خير..

والله يحفظكـ...ما شا الله عليكيييييي...

<<<<<<<<حاسة حالي بحكي زي العجايز!!

ههههههههههههه كووووووووووووول..

تسلميليييييي انا رح اشاركـ طبعااااا بس مش عارفة شو اختار من بين النقاط....رح حاول اد مافيي..

بس فترة امتحانااااااااااااااااااااات عنااااااااا

كووووووووووووووووووووول..

تسلميليييييييييييي...

أحلــــى لآلئ.........والله بحبكـــــــــــــــــم..:ico n26:

[ضوء القمر]

انا بدي تكسييير رااااس

اولا لانو ما قدرت اقرا القران الي كان قبل

بس رح اقراو كلو بيوم واحد

وان شاء الله بمشي معكم

وان شاء الله رح حاول ساعدكم بالشغل الجماعي

بس رح اطر اجيب من النت لانو هون ما في عنا احتفالات

بس رح احاول

^^

واعذروني وعاقبوني ع تقصيري

[.:.!دموع الرحيل!.:.]

المشاركة الأصلية كتبت بواسطة ضو القمر انا بدي تكسييير رااااس

اولا لانو ما قدرت اقرا القران الي كان قبل

بس رح اقراو كلو بيوم واحد

وان شاء الله بمشي معكم

وان شاء الله رح حاول ساعدكم بالشغل الجماعي

بس رح اطر اجيب من النت لانو هون ما في عنا احتفالات

بس رح احاول

^^

واعذروني وعاقبوني ع تقصيري

أكيد لازم تلحقيـــنـــــــــا .. مش حلو الا جمـاعي البرنامج ..

عشان تحسي بالمتعه

وناطرين شغلك يا عسل

بدنا نشوفك دايما هون