سؤال

[meaz]

بسم الله الرحمن الرحيم
ما الذي يحدث بعد الإنفجار النووي ؟؟؟

[meaz]

يلا هذا السؤال بدو ذكاء

[Princess of Sense]

والله للأسف ما بعرف...
بس اعتقد دمار شامل

[meaz]

صحيح وبعد الدمار بسير إشعاعات زي ما صار في الصينين لما إنضربوا من قبل الأمريكان وحتى الآن في ناس منهم مشوهين

[.:.!دموع الرحيل!.:.]

يا لطيف ... :S

الله يجيرنــــا !

[خيـرَ أُمـة]

المشاركة الأصلية كتبت بواسطة meaz بسم الله الرحمن الرحيم
ما الذي يحدث بعد الإنفجار النووي ؟؟؟

مش فاهم بدك جواب علمي عن مراحل القنبلة الذرية ولا جواب افتراضي انه هل ستحصل ام لا ...


الجواب العلمي ..
أول شيء مرحلة انفجار ناري تمتد لمئات الكيلومترات ... بعديها مرحلة الرذاذ تمتد الاف الكيلومترات .. وعديها الجراثيم والي ممكن تغطي قارة ..


لكن انا أشك بانه في دولة توصل للجنون بمكان انها تفكر تهاجم جارتها بالنووي لانه الدمار حيعم على الكل ... واحنا رسولنا أخبرنا بامور أقل من هيك ممكن تحصل فما بالنا بمسئلة دمار العالم ..

نام ح وتغطى منيح وحط ببطنك بطيخة صيفي على راي اخوانا المصريين ...

[limar]

اول شي راح احكي شو الفرء بين الانفجار النووي والانفجار العادي

طبعا اي ذرة بتحتوي على نواة

الانفجار العادي بينتج عن تغيير بالذرة بس بدون ما تتغير النواة او تتاثر

طبعا الانفجار هو انشطار الذرت فلما يصير الانفجار العادي ما باثر على النواه

اما الانفجار النووي فهوة انفجار بعمل على انشطار النواة والشحنات الي فيها متل النيوترونات المتعادلة والبروتونات الموجبة

وهادا طبعا تاثيرو مدمر جدا لانو اصغر جزء بالمادة بدو طاقة كبيرة لحتى نئدر نئسمو لاجزاء صغيرة اكتر

بس كمان ممكن ينتج عن اتحاد نواة الذرات هيك بعتئد اني قرإت مرة

بغض النظر عن الدمار الي راح يسبب الانفجار النووي ومساحته الكبيرة

تاثيرو بضل مئات السنين كمان

طبعا اي تفاعل نووي بكون بيحتوي على نظائر مشعة بعد الانفجار راح تتحلل هاي النظائر

متل اليورانيوم والبلوتونيوم وهاي راح تتحول الى ذرات مشعة

بتبقى بالجو وبتمد مع الغلاف الجوي لمئات السنين

طبعا تاثيرها مضر جدا على الانسان لانو عند ملامستها للانسان او الكائنات بشكل عام راح تتحول لجسيمات الفا وبيتا

واشعة جاما


ممكن يادي الى الوفاه ازا تم التعرض الها بشكل قوي

اما التعرض الها على فترات متباعدة راح تادي الى امراض متل السرطانات او تغييرات جينية عند الولادة

تسبب اعاقات بصير في طفرات يعني



ما بعرف ازا ئدرت اجاوب سؤالك بالتحديد

ومشكوور

[.:(خالد):.]

اخي مشكور على السؤال ومشكور على الاجابة

ليش ماتعمل هالاسئلة بموضوع واحد فقط

بدل ما تغلب حالك هيك

وبعدين الاخ ليمار هو بنت ولا شاب

[أمير رفح]

ما بيصير اشي ... بس بيصير قنبلة صغيرة تعمل انفجار كبير ويحصد ارواح الالاف وغير الاشعاعات النووية يلي هتزهق ارواح الاف الالاف ..

بسيطة بسيطة .. هههههههههههههههه ..........

الله يجيرنا

[limar]

المشاركة الأصلية كتبت بواسطة .:(خالد):. اخي مشكور على السؤال ومشكور على الاجابة

ليش ماتعمل هالاسئلة بموضوع واحد فقط

بدل ما تغلب حالك هيك

وبعدين الاخ ليمار هو بنت ولا شاب

اخي انا بنت مو شب