صرنـا بسـنـة الـ 2008 ،، وصار لازم اسأل الأخ ahmadix سؤال !

[.:.!دموع الرحيل!.:.]

كيف حالكم ؟ وكيف حالك أخـي أحمد ؟

رح ادخل بالموضوع على طول ..

بصراحـة من قبل ما ندخل بالـ 2008 ..

ومن وقت الي بلشت كمـان .. وانا كل فترة ،، وبظل كل هالأخبار

الي بتدل على قرب انفجار الوضع في المنطقة .. لا بل في العالم كله

بتزكر كلام انت كنت تحكيه

على إنك من النـاس الي بتآمن انه بسنة الـ 2008 رح يصير تحولات فظيعه في البلاد

لا بل في الكون ..

ومنها انه رح تنعدم كل الأشيا التطورة ..

ونرجع للبدائيات !

هلأ عندي كم سؤال .. لأنه هالموضوع كتير قرأت عنه بالمواقع ..

وطبعا ما زبظت اني أتحاور مع حدا مقتنع بهاي الأمور ..

وبمـا اني بعرف مدى اتطلاعك على الأمور وعدم حكمك عليها الا بعد التدقيق والتفحيص


قررت أسألك هالأسئلة ....

- اولا بعرف انه هالكلام رغم انه موجود بالأساطير اليهودية ،، إلا انه مذكور بالسنة .. وانه رح نرجع نحارب

بالسيف والخ .. فلا خلاف في هذه النقطة وهي واضحة !

بس بدي أعرف ،، هلأ انا حسب ما سمعت انه الأميركان همي الي بانيين أملهم انه هاي

الأمور تصير فعلا بالـ 2008 ..

انت شو المؤشرات الي خلتك تعتقد هيك اعتقاد ؟

- وبعد ما بلشت السنـة .. وبظل الأوضاع الي نحن فيه ..

هل بعدك عند نظرتك انه هاي السنة هي السنة الي ممكن يصير فيها هاي الأمور

بعد قرائاتك لمجريـات الأمور ؟

وكمـان اذا انت باحث بهالموضوع ،، يا ريت تحكي الي بتعرفه عن حال الدنيا كيف رح يكون بعد

هالتحول العظيم ..

وبس

لا بعد في سؤال لشخصك .. انت شو بتتوقع حالك تعمل بهيك ظروف ؟!

يعني لأني مش متخيلة الوضع ،، حاسة اني ساعتها رح احس حالي انتقلت لكوكب تاني

وتصيبني صدمة هههههههههههههههههه

خصوصي انه مش رح يكون في انترنت .. ( وهيدا أكتر شي هكلانة همه ) << شكلي مش عارفه المصايب الي رح تكون ناطرانا وان النت رح يكون أهون المصايب يا وردي :(

ههههههههههه

يمكن تستغرب من طرحي للموضوع ..

بس بجد هو بدور براسي كتير



وآسفة عالإطاله ..

بانتظار الجواب

وع فكرة حسيت حالي صحفية .. أو إعلامية

[بسكوتة]

حبيت الموضـوع

بانتـظار رأي الأخ أحمد :)

يسلمـو نانا على طرح هالموضوع الشيق

[.:.!دموع الرحيل!.:.]

المشاركة الأصلية كتبت بواسطة بسكوتة حبيت الموضـوع

بانتـظار رأي الأخ أحمد :)

يسلمـو نانا على طرح هالموضوع الشيق

ههههههههههههه رح يبطل في انترنت وموبايل نتواصل من خلالو يا حجة

متخيلة الوضع انتي

يعني من الآخر رح نموت خنق هههههههههههههههههههههههههه

نورتي حبيبة قلبي



//

حبيت انوه لشغله احسن ما انفهم غلط

اولا بعرف انه هالكلام رغم انه موجود بالأساطير اليهودية ،، إلا انه مذكور بالسنة .. وانه رح نرجع نحارب

بالسيف والخ .. فلا خلاف في هذه النقطة وهي واضحة !

طبعـا .. رواياتهم لتفاصل الحدث .. مختلفه عن الأاحاديث النبوية ..

بس هيك

[تحـ البشر ـدوهـ]

يا ليت نشوف ردهـ باسرع وقت

مشكورة كتير دموووع

الله لا يرحمنى جديدك

:)

[.:.!دموع الرحيل!.:.]

المشاركة الأصلية كتبت بواسطة تــحــ البشر ــدوهــ

يا ليت نشوف ردهـ باسرع وقت

مشكورة كتير دموووع

الله لا يرحمنى جديدك

:)

يا هلا يا أخي والله

نورت ..

هلا فيك

[فراشة]

يا لهوي بدي اخبي موبايلي ...

لا جد مش متخيلة انو نرجع للخلف بالعكس الانسان في تطور ..وبالمستقبل رح يطلع شغلات افضل من الواقع

بانتظار احمدايكس

[.:.!دموع الرحيل!.:.]

المشاركة الأصلية كتبت بواسطة فراشة يا لهوي بدي اخبي موبايلي ...

لا جد مش متخيلة انو نرجع للخلف بالعكس الانسان في تطور ..وبالمستقبل رح يطلع شغلات افضل من الواقع

بانتظار احمدايكس

ههههههههههه

أدد ما اتطورت الدنيـا ..

انا عندي يقين انه كل هاي التطورات رح تنهـار مدري ليش

حـتى في حديث للني عليه الصلاة والسلام انه رح نرجع نحارب

بالسيف وعلى الخيول ..

لأنه كل هاي الأسلحة المتطورة رح تكون انقرضت

يالا فراشتي .. همتك واتعلمي الركب عالخيل ،، والمحاربة بالسيف

يمكن الزمن يجبرنـــا نقاتل

والله الله أعلم يا فراشة ،، شو الي رح يصير

ما بندعي .. إلا الله يثبتنا على الحق في كل زمان وكل مكان

نورتي حبيبتي

[خيـرَ أُمـة]

على إنك من النـاس الي بتآمن انه بسنة الـ 2008 رح يصير تحولات فظيعه في البلاد

لا بل في الكون ..

هي كانت مزحة او على الأغلب تعبير مجازي عن الي رح يحصل .. وقتها قلت اني بامن بعدنان ولينا ... لنه في عدنان ولينا بحكو انه سنة ال 2008 تدمر العالم و و و فكانت مجرد مزحة ههههه

لكن هو صحيح في احداث بتصير ولسا في احداث رح تصير والله يستر من الي جاي ...

بس بدي أعرف ،، هلأ انا حسب ما سمعت انه الأميركان همي الي بانيين أملهم انه هاي

الأمور تصير فعلا بالـ 2008 ..

ما اظن الأمريكان بفكرو هيك لانها أمريكا راس مالية وبهمها الربح المادي قبل اي شيء اخر ... والتقنية للأسف بنوخدها من عندهم ...

انت شو المؤشرات الي خلتك تعتقد هيك اعتقاد ؟

- وبعد ما بلشت السنـة .. وبظل الأوضاع الي نحن فيه ..

هل بعدك عند نظرتك انه هاي السنة هي السنة الي ممكن يصير فيها هاي الأمور

بعد قرائاتك لمجريـات الأمور ؟

طبعا بعدي عن مبالغات عدنان ولينا .. وصديقهم عبسي خخخخ

انا بتصور انه في مصايب بتصير ومش شرط نسمع عن قتلى وجرحى و و
للسنة الي فاتت وكان ما زال هناك بعض الروابط العربية لكن هاي السنة انتهى الموضوع ... الي حصل بغزة كان لأول مرة بيحصل في ظل صمت عربي .. والي حصل بالقمة العربية الأخيرة كان دلييل على تشتت فوق التشتت السابق وهاي مثيبة ..
لبنان تقسمت وصارت لبنانين ويمكن ثلاثة ... والعراق تأكد تقسيمها سنة 2008 وصارت 3 عراقات .. وفلسطين استقر الوضع على فلسطينيتين ... هيك صار عنا اكثر من 30 دولة عربية ... ولسا الحبل على الجرار ..

لكن مع كل هذا الصورة العامة والمؤشر العام يقول ان الاسلام الى خير ... واننا في طريقنا الى خير ..
الي بيقراء التاريخ بيجد انه دائما نقاط التحول في امتنا عبارة عن نقاط صعبة وفي ظني والله أعلم انا في نقطة صعبة دا .. الشعوب فيها تتفق وبصير بينها تاخي والحكومات تختلف .. الشعوب فيها تقترب الى الله والحكومات معظمها تبتعد ..
يعني قبل 20 سنة اسئلي والدك عن مخيمات الفلسطينين في لبنان رح تتفاجئي انها كانت طاسة وضايعة .. الان في توجه للدين والناس بترجع لربها في كل مكان ... في المشرق العربي والمغرب العربي ..

انا بتصور انه الشعب الفلسطيني ضحى كثير وقدم الكثير لكن -والله أعلم- كل التضحيات الي كانت خارج نطاق الدين ذهبت هبائا منثورا .. في الثمانينات لما زار والدي المنظمة لقي الشباب هنا بيد البندقية وبالاخرى الخمرة !! الان الوضع غير
رجعة الشباب والي بيسميها العلماء الصحوة هاي موجودة الان .. في كل زمان لما يكون في نقطة تحول بيكون في من وراها علماء والان عنا كم من العلماء والدعاة الي بيجددو الدين ..

يعني لأني مش متخيلة الوضع ،، حاسة اني ساعتها رح احس حالي انتقلت لكوكب تاني

وتصيبني صدمة هههههههههههههههههه

خصوصي انه مش رح يكون في انترنت .. ( وهيدا أكتر شي هكلانة همه ) << شكلي مش عارفه المصايب الي رح تكون ناطرانا وان النت رح يكون أهون المصايب يا وردي :(

فعلا موقفك رح يكون صعب هههه

لكن ما تخافي ما اظن رجعتنا للسيوف حتكون بزمانا .. لانه ما اظن انها حتصير بين يوم وليلة وانما حتصير بالتدريج .. واذا كان البترول رح يخلص بعد 100 سنة ما بنعرف وين بنكون وقتها :)

يمكن احفادي يشوفو كلامي هذا ويترحمو علي ... اييه كان جدنا متوقع الدنيا تولع .. خخخ


ضل شغلة بالنسبة للبنان ... لبنان فيها اشي غريب بصير .. كل ما ولع الطرفين بهدو وكل ما هدو بولعو .. يعني لا بدهم يحاربو ولا بدهم يتفقو .. حيرو أهلي بصراحة .. لكن واضح انها ايران بتستعمل نفوذها بلبنان كورقه وبمجرد ما يتفقو مع الأمريكان حنقرأ على لبنان السلام .. فجهزي حالك يمكن تروحو الاردن او سوريا او يمكن حظك الحلو يوديكي البرازيل هههههههههههه بس اكيد مش يافا في الوقت الحالي .. ودايما الفلسطيني في لبنان بيدفع الثمن :s

توقعاتي لفلسطين ... فتح وحماس صعب يتفقو ... والله يستر من الي جاي .. خصوصا انه في ناس ما بدها الاتفاق يصير لانه ما الها مصلحة ... لذلك بتوقع الوضع يضل على ما هو عليه هناك ...

يا لهوي بدي اخبي موبايلي ...

له يا فراشة .. شو بدك تعملي بالموبايل بدون شبكة !! ههه بتحطي ديكور في البيت ...

ما تخافي التكنلوجيا رح اتضل وتزيد وعن قريب بدك تصيري تحكي مع اهلك فيديو على الموبايل ..

[.:.!دموع الرحيل!.:.]

هي كانت مزحة او على الأغلب تعبير مجازي عن الي رح يحصل .. وقتها قلت اني بامن بعدنان ولينا ... لنه في عدنان ولينا بحكو انه سنة ال 2008 تدمر العالم و و و فكانت مجرد مزحة ههههه

لكن هو صحيح في احداث بتصير ولسا في احداث رح تصير والله يستر من الي جاي ...



ما اظن الأمريكان بفكرو هيك لانها أمريكا راس مالية وبهمها الربح المادي قبل اي شيء اخر ... والتقنية للأسف بنوخدها من عندهم ...

والله يا مدري يا أحمد ... يمكن انا قصدت الصليبيين ،، لأني أوقات بقرأ عن هرمجدون

بمعتقداتهم .. بحسهـا فيها نوع من هالتفكير ،، بس الله أعلم مش كتير مغمقة فيها

طبعا بعدي عن مبالغات عدنان ولينا .. وصديقهم عبسي خخخخ

انا بتصور انه في مصايب بتصير ومش شرط نسمع عن قتلى وجرحى و و
للسنة الي فاتت وكان ما زال هناك بعض الروابط العربية لكن هاي السنة انتهى الموضوع ... الي حصل بغزة كان لأول مرة بيحصل في ظل صمت عربي .. والي حصل بالقمة العربية الأخيرة كان دلييل على تشتت فوق التشتت السابق وهاي مثيبة ..
لبنان تقسمت وصارت لبنانين ويمكن ثلاثة ... والعراق تأكد تقسيمها سنة 2008 وصارت 3 عراقات .. وفلسطين استقر الوضع على فلسطينيتين ... هيك صار عنا اكثر من 30 دولة عربية ... ولسا الحبل على الجرار ..

لكن مع كل هذا الصورة العامة والمؤشر العام يقول ان الاسلام الى خير ... واننا في طريقنا الى خير ..
الي بيقراء التاريخ بيجد انه دائما نقاط التحول في امتنا عبارة عن نقاط صعبة وفي ظني والله أعلم انا في نقطة صعبة دا .. الشعوب فيها تتفق وبصير بينها تاخي والحكومات تختلف .. الشعوب فيها تقترب الى الله والحكومات معظمها تبتعد ..

صح الكلام .. ويا رب المزيد .. رغم انه بنفس الوقت كمان الفساد زايد كتير ..

بس كأنه الكفة صارت متعادله !

يعني قبل 20 سنة اسئلي والدك عن مخيمات الفلسطينين في لبنان رح تتفاجئي انها كانت طاسة وضايعة .. الان في توجه للدين والناس بترجع لربها في كل مكان ... في المشرق العربي والمغرب العربي ..

انا بتصور انه الشعب الفلسطيني ضحى كثير وقدم الكثير لكن -والله أعلم- كل التضحيات الي كانت خارج نطاق الدين ذهبت هبائا منثورا .. في الثمانينات لما زار والدي المنظمة لقي الشباب هنا بيد البندقية وبالاخرى الخمرة !! الان الوضع غير
رجعة الشباب والي بيسميها العلماء الصحوة هاي موجودة الان .. في كل زمان لما يكون في نقطة تحول بيكون في من وراها علماء والان عنا كم من العلماء والدعاة الي بيجددو الدين ..

بالنسبة لصفة المقاومين قبل فعلا بسمع كتير .. والحمدلله على الوضع الي وصلناله

للمجاهدين ..

فعلا موقفك رح يكون صعب هههه

لكن ما تخافي ما اظن رجعتنا للسيوف حتكون بزمانا .. لانه ما اظن انها حتصير بين يوم وليلة وانما حتصير بالتدريج .. واذا كان البترول رح يخلص بعد 100 سنة ما بنعرف وين بنكون وقتها :)

يمكن احفادي يشوفو كلامي هذا ويترحمو علي ... اييه كان جدنا متوقع الدنيا تولع .. خخخ

هههههههه مش عارفه ليش عندي احساس انه رح تكون بالزمن الي انا فيه

هيك مجرد احساس مش أكتر

وكمان بحس انه هالشي رح يصير بسرعه رهيبة ..

ضل شغلة بالنسبة للبنان ... لبنان فيها اشي غريب بصير .. كل ما ولع الطرفين بهدو وكل ما هدو بولعو .. يعني لا بدهم يحاربو ولا بدهم يتفقو .. حيرو أهلي بصراحة .. لكن واضح انها ايران بتستعمل نفوذها بلبنان كورقه وبمجرد ما يتفقو مع الأمريكان حنقرأ على لبنان السلام .. فجهزي حالك يمكن تروحو الاردن او سوريا او يمكن حظك الحلو يوديكي البرازيل هههههههههههه بس اكيد مش يافا في الوقت الحالي .. ودايما الفلسطيني في لبنان بيدفع الثمن :s

له له .. شو هالبشارة :S

مصيرنا نرجع يافا .. بس يعني شو الفرق بين انه نكون بلبنان أو سوريا أو الأردن !

بكل مكان رح نكون لاجئين !

الا اذا صارت قصة التوطين .. مصيبة

وان كان ولا بد .. ما بتمنى الا روح على سوريا من بين الخيارات الي انت كتبتا ...

حتى والله مرة سمعت بابا بيتوقع حكي متل الي بتحكيه

توقعاتي لفلسطين ... فتح وحماس صعب يتفقو ... والله يستر من الي جاي .. خصوصا انه في ناس ما بدها الاتفاق يصير لانه ما الها مصلحة ... لذلك بتوقع الوضع يضل على ما هو عليه هناك ...

الله يجيب الي فيه الخير يا رب ،، وينصر الإسلام في كل مكان


مشكور أخي أحمد .. عذبناك معنـا

وأحلى شي انه الأعضاء اتفاعلو مع الموضوع

وانتظروا الرد بفارغ الصبر

سبحان الله دايما هاي الأمور .. بتستهوي الشخص ..

الله يثبتنا ياارب على الحق وين ما كنـا

يعطيك ألف عافيه أخي

[جيفارا*نابلس]

هههههههههههه

لا الشباب بيتابعو اكشن كثير

هههههه

شو نهايه العالم وما نهايتو

ومين حكى انو رح نرجع للسيف والرمح هي الدنيا بتمشي لقدام ولا لورا

يمكن نرجع الهم بس بشكل تاني

يعني متلا نرجع للزمن السيف ونهدي للبوش بزياره متلا

او يفوز اوباما بالانتخابات ويجي يزورنا ونهدي رمع على طريقه اهل افريقيا


انا ما بامن بشي اسمو نهايه العالم


حتى ثقب الاوزون مش مامن فيو