سوريا تحاول إفشال جهود مصر للتهدئة وخلاف حقيقي داخل حماس نفسها

[وحدة الشهيد ياسر عرفات]

قالت صحيفة يديعوت أحرونوت العبرية الصادرة اليوم " أن سوريا تحاول إفشال المساعي التي تبذلها مصر للتوصل إلى تفاهم مع حركة حماس الخارجة عن القانون وإسرائيل كل على حده لتحقيق تهدئة في قطاع غزة ووقف إطلاق الصواريخ ".
وأوضحت الصحيفة " أنه حسب التقديرات، فان السوريين يحاولون صرف انتباه العالم العربي من مؤتمر دمشق القريب الذي منذ الآن يتخذ صورة الفشل السوري الذريع، ويسعون إلى تركيز الاهتمام في الأزمة المتواصلة في القطاع".

مؤتمر قادة الدول العربية، الذي يفترض أن يفتتح في دمشق غدا، يعاني منذ الآن من الإلغاءات. فإضافة إلى مصر، السعودية والأردن أعلنا أيضا عن نيتهما إرسال مندوبين بمستوى منخفض – الأمر الذي يمس جدا بالسوريين.

ويحاول السوريون بكل قوتهم إزاحة التشديد عن الموضوع اللبناني إلى الموضوع الفلسطيني. ومنذ الآن يشكل عدم مشاركة لبنان في المؤتمر مشكلة للسوريين، ذلك أن القرار اللبناني يجتذب الاهتمام إليه.

وأمس وصل إلى رفح المصرية وفد من قيادة حماس للبحث مع مندوبي الأمن المصريين في شروط المرحلة الثانية من خطة التهدئة التي تحاول مصر إنتاجها في قطاع غزة. الفصل الأول في الخطة سيستمر مدة شهر وفي سياقه سيوقف رجال حماس النار على إسرائيل ويحملون المنظمات الأخرى، مثل الجهاد على وقف النار أيضا.

ويحاول المصريون منذ الآن التنسيق مع حماس لخطوات الفصل الثاني، الذي سيستمر لنصف سنة. وسيتضمن الفصل الثاني تسهيلات لحماس في مجال المعابر، تحرير الإحساس بالحصار، محاولة الوصول إلى مصالحة وطنية مع فتح ومحاولة للوصول مع إسرائيل لاتفاق ما لإنزال مستوى نشاطاتها العسكرية حيال القطاع.

وتجري المباحثات في رفح في ظل خلاف حقيقي داخل حماس نفسها. إذ يتبين أن حماس – دمشق، برئاسة خالد مشعل تحاول منع حماس – غزة من الوصول إلى تفاهم. وتتخذ حماس - دمشق اليوم موقفا متطرفا ضد كل محاولة للوصول إلى تسوية مع إسرائيل. حاليا، حماس في غزة تأخذ نهجا مستقلا. وهذا خلاف داخلي جوهري من شأنه أن يتطور إلى أزمة تاريخية في الحركة.

ونظمت حركة حماس والجهاد الإسلامي التابعتين قياديا لدمشق اليوم الجمعة مسيرات شارك فيها المئات بقطاع غزة للمطالبة من القادة العرب الذين سيجتمعون غدا في العاصمة السورية بفك الحصار عن قطاع غزة ووضعه في أول القضايا التي تبحث في القمة ".

[مؤيد]

حماس دمشق ... ^.^
حماس غزة ... ^.^ وتنقسم إلى :
حماس غزة فرع جباليا
حماس غزة فرح جباليا دكانة أبو خالد ... ^.*
حماس معبر رفح
حماس الضفة .... ^.^
حماس الصومال ... ^.^
حماس المريخ ... ^.^

ولو بدي أعد وأعمل مؤلفات وتخاريف عجايز من هون لسنوات ما بخلص ....

بلاها هالشغلات هاي بكون احسن ....

الي بيسمع بقول في داخل حماس حرب عالمية ثالثة ونازلين ببعض بالدبابات والرشاشات والنووي .... ^.^

خلي الخلافات والصراعات لأهلها مش لحماس .......حماس واحدة مش مية حركة ولو انو في خلافات كان طخو بعض من زمان ...

[وحدة الشهيد ياسر عرفات]

اخي انت ليش معصب هيك

انا طرحت الموضوع كخبر انحكي

وانا مش شرط اكون مصدق هل خبر

بس هو خير وانتشر !!

وطبعا هذا شيء ممكن ايصير لأنة حماس مش معصومين او انهم ما بيغلطو

الكل بيغلط والكل ممكن يعمل اشياء مش متوقعينها

وشكرا لمرورك

[القلب الطيب]

المشاركة الأصلية كتبت بواسطة وحدة الشهيد ياسر عرفات اخي انت ليش معصب هيك

انا طرحت الموضوع كخبر انحكي

وانا مش شرط اكون مصدق هل خبر

الأصل ان يكون لك شخصية
وان تنقل خبر الا وانت واثق منه او تصدقه
والا تكون مثل ما حكيت
انه مش شرط انه تكون مصدق الخبر
الاصل في كل عمل ان يكون لك هدف

والا سيعيش الانسان عالة على المجتمع
وزي ما بقولها ( يبصم على بياض )

[.:.!دموع الرحيل!.:.]

هههههههه

كالعادة .. يقتبسون مشاكل ومصايب وأخطاء " حركة اخرى "

وبيلزقوهـا بحماس .. مثل تلفزيون السلطة المسماة فلسطين بالزبط .. عملة واحدة !

//

اطمن اخي .. داخل حماس مستحيل يصير خلافات من هالنوع .. مش لأنهم ملائكة . بل لأنهم جميـعا يجتمعون ويعملون لله

فالهدف واحد .. ومن اجتمعوا على هدف خالص لله .. مستحيل ان ينقسموا حتى وان اختلفت وجهـات النظر ..

مش كل واحد بغنني على ليلاه وفضايح ع التلفزيونات ^^

بعدين يا أخـي .. الي مش مصدق الخبر ما بينقلوا .. وبساعد على نشره ! *_^

الله يعطيك العافيه ^^

[الحان الحرية]

^.*
يا ريت نتأكد من الاخبار قبل ما ننقلها ^^

[أســ{ــمــرآنــ}ــي]

مممممممممممممممممممم

الله يهدي الجميع ,,, لانو ما دام احنا متقاتلين ببعض ما حيجي يوم نحرر فيه هالارض

[عاشق الحور]

وكالعادة يمر علينا واحد لا يجيد اللغة العربية

وينسخ ويلصق

بس زوقو تالف في الألوان

الان سوريا ومصر وحماس بيتقاتلو

وانت عرفت ؟؟!!

على العموم يا سيدي

احنا ربنا أكرمنا بأن الحق سيظهر

والايام ستثبت

بس لو ما طلع كلامك صح شو موقفك ؟!

وبعدين حماس دمشق وغزة ما شدوا في بعض على تلفزيون الجزيرة

هههههههههه

[أســ{ــمــرآنــ}ــي]

المشاركة الأصلية كتبت بواسطة عاشق الحور وكالعادة يمر علينا واحد لا يجيد اللغة العربية

وينسخ ويلصق

بس زوقو تالف في الألوان

الان سوريا ومصر وحماس بيتقاتلو

وانت عرفت ؟؟!!

على العموم يا سيدي

احنا ربنا أكرمنا بأن الحق سيظهر

والايام ستثبت

بس لو ما طلع كلامك صح شو موقفك ؟!

وبعدين حماس دمشق وغزة ما شدوا في بعض على تلفزيون الجزيرة

هههههههههه

بتعرف يا خيي شو مشكلتنا ,,,
مشكلتنا هي حماس وفتح بس
نسينا قضيتنا الاساسيه وصرنا بدور لبعض على اخطاء
ومين الشاطر اللي بعلم ع التاني وبيحط عليه نقطه ،،
دخلك والحكي مش الك لوحدك ,, الحكي للطرفين,,,
انتو حررتوا فلسطين عشان تتقاتلو بين بعض ؟
أول شي حرروا الارض اللي بتتقاتلو عشانها ,,, بعدين صدقني ما حد حيلومكم لما تتقاتلو

والله ملينا وقرفنا من هيك تصرفات ,,, جد عيب صرنا مهزله قدام العالم
مبلشين دبح وقتل ببعض ،، وبتفتشو على عيوب بعض لتتسابقو فيها ع الفضائيات والجرايد

بكفي يا جماعه ,,, روحوا اتقاتلو بعيد عنا

[عاشق الحور]

المشاركة الأصلية كتبت بواسطة asmarani

بتعرف يا خيي شو مشكلتنا ,,,
مشكلتنا هي حماس وفتح بس
نسينا قضيتنا الاساسيه وصرنا بدور لبعض على اخطاء
ومين الشاطر اللي بعلم ع التاني وبيحط عليه نقطه ،،
دخلك والحكي مش الك لوحدك ,, الحكي للطرفين,,,
انتو حررتوا فلسطين عشان تتقاتلو بين بعض ؟
أول شي حرروا الارض اللي بتتقاتلو عشانها ,,, بعدين صدقني ما حد حيلومكم لما تتقاتلو

والله ملينا وقرفنا من هيك تصرفات ,,, جد عيب صرنا مهزله قدام العالم
مبلشين دبح وقتل ببعض ،، وبتفتشو على عيوب بعض لتتسابقو فيها ع الفضائيات والجرايد

بكفي يا جماعه ,,, روحوا اتقاتلو بعيد عنا

في نظرك ممكن

بس في نظري احقاق الحق وابطال الباطل واجب شرعي

بعدين شكرا على النصائح

ولكن وصف المذنب كما المحسن خطأ

ولكن للأسف الجهلة كتار

وما اظن انه يمكن ان تجمع بين من يقاوم المحتل ويعاديه وبين من يعانقه ويقابله بالقبلات

مشكلتنا انو تقبيل الصهاينة مش قضية ولكن الدفاع عن الحق ونكران الكذب الواضح اصبح مشكلة !!