الحكومة الفلسطينية بغزة تقرر صرف 1000 دولار ل&

[مؤيد]

حكومة هنية الفلسطينية بغزة تقرر صرف 1000 دولار لكل بيت مدمر و 100دولار لكل جريح وتوزيع طرود غذائية






التاريخ : 03 / 03 / 2008 الساعة : 18:23

غزة - معا- عقدت الحكومة المقالة اليوم الاثنين اجتماعا طارئا ناقشت فيه آخر التطورات والحرب المفتوحة على الشعب الفلسطيني في قطاع غزة واستمرار التهديدات بتوجيه الضربات الموجعة.

وقررت الحكومة المقالة تكليف وزارة الاشغال العامة بحصر الاضرار الناتجة عن العدوان في مختلف مناطق قطاع غزة و صرف مساعدة عاجلة لكل بيت مدمر بقيمة 1000 دولار الى حين استكمال بيانات وزارة الاشغال وصرف مائة دولار بشكل عاجل لكل جريح اصيب في العدوان متمنية الشفاء لكل الجرحى.

وثمنت الحكومة المقالة دور الطواقم الطبية المختلفة في جهدها المميز في انقاذ حياة المصابين "جراء الاعتداءات الاسرائيلية التي اسفرت عن استشهاد نحو 116 واصابة المئات .

وأكدت الحكومة المقالة على استمرار العملية التعليمية وطالبت موظفي الوزارات بممارسة عملهم كالمعتاد.

وقررت الحكومة المقالة صرف طرود غذائية من وزارة الشؤون الاجتماعية لكل العائلات المتضررة من العدوان.

وثمنت المقالة دور وسائل الاعلام في تغطية المجازر البشعة التي ارتكبت بحق الشعب داعية وسائل الإعلام إلى المزيد من التركيز على نتائج العدوان الاسرائيلي.

كما أكدت الحكومة المقالة على دعمها لصمود المقاومة في مواجهة قوات الاحتلال "مما دفعها للانسحاب من مناطق التوغل دون تحقيق أي من أهدافها المرجوة" .

[عاشق الحور]

مقالة في عينك :@

من لا يملك الشرعية لا يملك أن يقيل حكومة الشعب الفلسطيني

يلا يا دايتون واذنابو

فرجونا شو بدكم تعملو للشعب المجاهد في غزة !!

[.:.!دموع الرحيل!.:.]

حبايبي والله :(

الله يباركلنـا فيهم

ما في منهم والله

ربي يعزك ويكرمك يا ابو العبد

الله ينصرك يا حمـاس ويلهمكم الي فيه الخير

مشكور مؤيد .. ربي يبارك فيك

[الصمـــ رفيق الصحراء ــت]

المشاركة الأصلية كتبت بواسطة عاشق الحور مقالة في عينك :@

من لا يملك الشرعية لا يملك أن يقيل حكومة الشعب الفلسطيني

يلا يا دايتون واذنابو

فرجونا شو بدكم تعملو للشعب المجاهد في غزة !!

مش من حقك تعلق على مشاركة مش الك ......... تعديل المشرف

[جرحٌ بملامح انسان]

ربنــا يجيب اللي فيه الخير
وربنا يعوضهم عوض الصابرين
خيرا لهـم من الدنيا وما فيها
مشكور مؤيد على الموضوع

[ضوء الشمس]

الله يخليلنا اياها الحكومة


مقالة أو معترف فيها مو مهم


المهم أعمالها وبكفي انها ماسكة القطاع



وبكفي التغيير والاصلاح الي عملتوا



الله يخليلنا اياه رئيسنا أبو العبد



ولايحرم الشعب منوا يارب


واجعلوا قمة ورأس لنا


يسلمو على الموضوع

[ضوء الشمس]

اول شي مقاله ومش معترف فيها
وتاني شي مشكور عالفلوس
وتالت شي شو بدهن يعملن ال1000 دولار
للاواعي ولا للمواصلات من بيت لبيت

وعفوا يعني الشب ما غلط بشي لتروح تقلوا بعينك
يعني اتفقنا ما فيه غلط وتجريح
وهاد الموضوع حيعمل مشاكل
اطلب من المسؤال يغلقو


والله الحمد لله عملوا كتير وقدموا بيت لكل شخص اضرر
وتحياتيليكوا جميعا

أول شي مو مقالة والدليل كبير والكل عارفه


مابدنا نعيد ونزيد كلام


وحكومة هنية المعترف فيها من قبل الشعب الفلسطيني



والذي ختم بأصابعه لها



وبالنسبة للألف دولار نعمة


أحسن من لطشهم زي بعض الجماعة

[قسامي غزة]

ربنا يزيد الخير
وربنا يوفقهم ويساعدوا هالناس
ومشكور يا خليلي علي نقل الخبر
وتحية خاصة مني الك يا حج مؤيد
وربنا يوفقك

[limar]

الله يحميهم ويكون معهم


ويرزقهم وينصرهم

مشكوور اخي

يعطيك العافية

[مؤيد]

المشاركة الأصلية كتبت بواسطة عاشق الحور مقالة في عينك :@

من لا يملك الشرعية لا يملك أن يقيل حكومة الشعب الفلسطيني

يلا يا دايتون واذنابو

فرجونا شو بدكم تعملو للشعب المجاهد في غزة !!

خخخخخ ...

مالك يا أهبل....

عشان كلمة مقالة يعني ، جل من لا يسهو .....

هيني عدلت العنوان ، بس مش كرمال عيونك ...

روح طير ما ضل الا انت تزاود علي ... خخخخخ

روح نام ..