مسابقة أجمل تصميم !! > موضوع تحضيري <

[S M S]

بسم الله الرحمن الرحيم



كيفكم يا اعضاء يا حلوين



اليوم في براسي فكرة جديدة


بدي اخليها عبارة عن مسابقة


المسابقة يا جماعة هي >>





اجمل تصميم !! >>>>>> كيف ؟


هي انو كل عضو بدو يشارك بهلمسابقة بشارك بصورتين على الاكتر ،

مش شرط يكونو الصورتين من تصميموو

بس لما نيجي ناخد النتائج العضو اللي بصمم تصميم من شغلو راح ياخد عدد نقاط اكتر

طبعا لجنة الحكم : >>


هلون ، محمود ، ابو النور، وانا


طبعا بالنسبة للجنة الحكم ازا بدهم يشاركو بالمسابقة بشاركو عادي فش مشكلة بس ما بشارك بالقرار بالنسبة لمشاركاتو ،،

يعني مثلا انا نزلت تصميمين ، وقتها لجنة الحكم بتصير محمود وهلون وأبو النور وانا ببطل من لجنة الحكم >> يعني ما في قرار الي بالنسبة لتصاميمي ،،



طبعا المسابقة يا جماعة راح تبلش من الاسبوع الجاي هادا موضوع تحضيري الها مش اكتر

[S M S]

طبعا المسابقة يا جماعة راح تبلش من الاسبوع الجاي هادا موضوع تحضيري الها مش اكتر

بداية الاسبوع القدام ان شاء الله راح ننزل موضوع المسابقة كامل مع الشروط ومع المدة المسموح فيها




اللي عندو أي استفسار يتفضل >>

[**بيسا مشاكل **]

يلا موفئين


وفكره لزيزه

[إبن كتائب الاقصى]

هلا هلا ,,,

حلو وانا موافق عالمسابقة كماان ,,, وانا بصمم وبجهزهم من هسا

سل ـوم

[ناي]

فكرة كتير حلوة بس انا بدوري بشوف ما بصمم
لاني ما بعرف اصمم
تحيتي الك

[الأمل بالله]

فكره حلووه كتيررر
بس بدي كل واحد بحط تصميم يشرح النا كيف عملو هيك بنستفيد أكتـــر خاصه انا <<<<< :$
يعطيك الف عافيه خي على الموضوع الرائع

شكرا

[نور اليقين]

nice ^^

[limar]

اها فكرة حلوة
بس كيف راح تعرفوا انه هادا تصميم الشخص نفسه ولا مسروق

موفئين فكرة كتير حلوة

[S M S]

المشاركة الأصلية كتبت بواسطة limar اها فكرة حلوة
بس كيف راح تعرفوا انه هادا تصميم الشخص نفسه ولا مسروق

موفئين فكرة كتير حلوة

هههههه

ولو ما تخافي عليناااا


التصميم اللي بفوز ان شالله > ازا شكينا انو المصمم مش هو اللي مصممو راح نطلب منو التصميم بصيغة psd وقتها بنعرف كل شي


بس المسابقة راح تكون قسمين >> قسم انو التصميم من شغلي

وقسم تاني تصميمات مش من شغلي

[حمادة الساهر]

.

فكرة حلوة

وأنا موافق مع إنه الأفضل تكون بين المصممين

يعني يكون العمل من تصميم اللي بده يشارك

وإلا شو رأيكم

سلامي / حمادة