امثال فلسطينيه كح

[hajoora]

مرحبااااا جبتلكم اليوم امثال من بلدي



إذا انت أمير و أنا أمير، مين بيسوق الحمير؟

أكل الهدية وكسر الزبدية

البيت ضيق والحمار رفاص

شو أحلى من العسل قال الخل ببلاش

عاشر المصلي بتصلي و عاشر المغني بتغني

بكره بنقعد عالحيطة وبنسمع الزيطة

لو كان الرجال بشاربهم لكان الصرصار اجدعهم

آخر العنقود سكر معقود

ال مالو حباب بلتموا عليه الكلاب

صار للشرشوحة مرجوحة و لأبو بريص قبقاب

رزق الهبل عالمجانين

يا شايف الطول يا خايب الرجا


كل اكل الجمال وقوم قبل الرجال

من غير كيسك يا مذرُي ذرُي

أيلول ذيله مبلول

خبي حطباتك الكبار لعمك آذار

اللي بدري بدري واللي ما بدري بيقول كف عدس

لو في خير ما رماه الطير

اذا كولنالها اطبخي بتكول مريضه ... بس اذا كولنالها تعي كلي بتقول وين ملعقتي العريضه

الطول طول النخله و العقل عقل سخله


مجنون زت حجر بالبير .. بدو 100 عاكل يطلعوه

الأقرع بتباهى بشعر ابن خالتو

كوم حجار ولا هالجار

ضللك ورا العيار لباب الدار

اللي بوكل على ضرسه بنفع نفسه

مين بشهد للعروس... إمها و خالتها و عشره من حارتها


يوم اللك ويوم عليك دير بالك فتح عينيك

سمره ونغشه، ولا بيضة ودفشة


الجوز رحمة ولو كان فحمة

ما ظل على الخم ريش غير أنت يا ممعوط الذنب

ريحة الإم بتلم

أخذتك شطر بطر يا سنسونة روحي ، جيت أكيد العدى كدت أنا روحي

إبنك على ما تربيه و جوزك على ما تعوديه


يا جاي بلا عزيمة يا قليل القيمة

الطويلة طالت التينة والقصيرة ظلت حزينة

ان ضربت إوجع وان طعميت إشبع

من طين بلادك لط خدادك وفي رواية أخرى سخم خدادك

اقلب الطنجرة على تمها بتطلع البنت لأمها

و

...هاي هي الأمثال الفلسطينية اللي قدرت الاقيها

...اللي عندو كمان

...ما يبخل علينا

ان شاء الله يعجبوكم

[بنت صفوري]

لك أحلى تحية لأحلى شعب والله ....


ويعطيك العافية والله ما قصرت أمثال بتجنننننننننن



بنت صفوري

[أميرة القدس]

كتييييييير حلوين مشكوووور

[hajoora]

نورتوا والله

[حنووو اليبناوية]

تسلميلي على هالامثلة

يسعدلي الفسطينية الكح انا

يسلمو كتييير