:: مــن مــخــيــم الــفــوار طــالــوا هــ الــقــســـامــيــه ::

[أنين]

طبعا الموضوع مبين من عنوانه

هاد مبارح وانا بسمع // هلا يا صقر القسام //


في مقطع


من مخيم الفوار طلوا هل القساميه


صابني فضوول اعرف شو هالمخيم



المو طبيبعي يطلع هيك ابطال




دخلت على // google //


واعملت بحث وطلعلي مخيم الفواار


والمفاجه الحلوه انو مخيم في ////// الخليل ///////




يعني كملت الفرحه

// انا من الخليل //




:: مخيم الفوّار ::


يقع هذا المخيم إلى الجنوب من الخليل على بعد 8كم، يقع في منطقة منخفضة تحيط بها الجبال، ويرتفع عن سطح البحر 730م، يحده من الشرق يطا والريحية ومن الغرب دورا ومن الجنوب بلدة الظاهرية والسموع ومن الشمال مدينة الخليل، تبلغ المساحة العمرانية للمخيم حوالي 280 دونماً، بلغ عد سكانه عام 1967م حسب الإحصاء الصهيوني حوالي 2200 نسمة عام 1987م مقيمين داخل المخيم حسب تقديرات وكالة الغوث، ويعود سكان المخيم بأصولهم إلى القرى العربية من الخليل مثل الفالوجة، صميل، عراق المنشية، التابعة لقضاء غزة وقرى بيت جبرين وكوبر، دير الدبان، والدوايمة، حيث أقاموا في منطقة مخيم الفوّار وكان لوجود ينابيع المياه سبب مباشر للإقامة في هذه المنطقة، أقيم المخيم عام 1958م بواسطة وكالة الغوث وسمي بهذا الاسم لكثرة وجود المياه وعددها 7 عيون يستفاد الآن من أربعة عيون فقط .


يوجد في المخيم 4 مدارس منها مدرستان ابتدائيتان للبنين والبنات ومدرستان إعداديتان للبنين والبنات بالإضافة إلى روضة أطفال وهذه المدارس تابعة لوكالة الغوث ويتابع طلابها الدراسة في مدينة الخليل ودورا للمرحلة الثانوية، يتنوع النشاط الاقتصادي للسكان في المخيم حيث يعمل قسم من القوى العاملة في الخط الأخضر وخاصة في بئر السبع والقسم الآخر يعمل في قطاع التجارة .


يوجد في المخيم جمعية الإنارة وهي جمعية تأسست عام 1975م بالجهود الذاتية لإنارة المخيم بالكهرباء ويوجد فيه معصرة زيتون ومزرعة لتربية الدواجن بالإضافة إلى مركز اجتماعي رياضي ومعظم المراكز الاجتماعية الصحية التابعة لوكالة الغوث، حيث يوجد مركز لتوزيع المؤن ومكتب للشؤون الاجتماعية ومركز لتغذية الأطفال بالإضافة إلى وجود عيادة صحية.

[عاشق الحور]

صدقي أخت أنين

انا كمان كان الفضول دابحني //

ولسه الفضول بجد دابحني

لانو أكيد هذا المخيم يعود لشخصية قسامية بارزة نسب إليها هذا المطقع من الانشودة

وما شاء الله عليكي ما قصرتي ،، فانا ان شاء الله راح ابحث عن هذه الشخصية

بارك الله فيكي

^^

[حنووو اليبناوية]

الله يخليلك مخيم الفوار ويخليلك الخليل كلها

تسلمي حبيبتي انين على المعلومات الحلوة

بجد تسلمي^^

[عبق الياسمين]

بارك الله فيك وادام لك فضولك الفذ
معلومات جميلة عن هذا المخيم
خاصة سبب تسميته

[بنت الرملة]

مشــكوره حبيبتي أنين عالمــوضوع ..
ويسعدلي القسام والفوار ..
وكل مناطق فلسطين إلي طلعوا منها ..

[بو هبه]

ممكن تكون كلمه عشان تناسب القافيه والاوزان هذا والله اعلم


وشكرا لأنك زدتينا معرفه عن فلسطين يا حجه


مية ورده


سلامي

[القلب الطيب]

مشكورة اختي على المعلومة
ربنا يوفقك

[إسراء الفلسطينية]

اول مرة بسمع بمخيم الفوار ،،

بس هــلا بكون سمعت ^^

شكرا كتيير حبيبتي انين على المعلومات القيمه

يعطيكِ الف عافيه

[bnt_palestine]

مشكورة حبيبتي انين على هالمعلومات الجميلة
انا كمان اول مرة بسمع بهادا المخيم
مشكورة يا عسل