تعليق للمهتمين!!!!!

[ابن الانتفاضة]

اول شي هاد الكلام موجه بشكل خاص ورئيس للمهتمين بهادي القسم من المنتدى .. وقبل كل شي طبعا كل الاحترام للشباب اللي بيكتبو هون ، اللي بلاحظه في هاد القسم انو قسم كبير من اللي بيكتبو بيكونو ناقلينه من منتدى تاني او من شي مكان ، وهالشي مش كتير منيح ، يعني ليه متلا ما بيكون في مشاركات شخصية ، كتابات من وحي ابداعنا ، واذا يا ادمن ويا مشرف ما في مجال لهيك شي ، ليه ما بتعملو قسم خاص للمشاركات المنقولة وقسم خاص بالابداعات الشخصية .. بعرف انه انا مش محمود درويش بس عالاقل عندي شي ... بتمنا تاخدو هالموضوع على محمل الجد وشكرا للجميع

[اسلام]

الله يجزيك الخير jeavara
بس الاعضاء ماشاء الله عنهم بيكتبوا من ابداعهم
وبردوا في اشياء حلوة منلاقيها بمنتديات بتكون بتستاهل تنقرأ وحلو لما نقرا غيرنا شو بيكتب
واي شي عندك في ابداع تفضل قدموا يعني فش اشي ماسكك المنتدى مفتوح للجميع واستغل مواهبك .يعني يمكن انت الك قدرة على الكتابة غيرك لا عندو موهبة وقدرة على عمل شي تاني

وشكرا لاهتمامك

[ابن الانتفاضة]

المشاركة الأصلية كتبت بواسطة اسلام

الله يجزيك الخير jeavara
بس الاعضاء ماشاء الله عنهم بيكتبوا من ابداعهم
وبردوا في اشياء حلوة منلاقيها بمنتديات بتكون بتستاهل تنقرأ وحلو لما نقرا غيرنا شو بيكتب
واي شي عندك في ابداع تفضل قدموا يعني فش اشي ماسكك المنتدى مفتوح للجميع واستغل مواهبك .يعني يمكن انت الك قدرة على الكتابة غيرك لا عندو موهبة وقدرة على عمل شي تاني

وشكرا لاهتمامك

شكرا يا اسلام ... انا قلت ببداية كلامي انه كل الاحترام للشباب اللي بيكتبو هون بدون تمييز بين اي حد فيهم .. بعدين المنتدى مفتوح وما حد ماسكني يا اسلام !!!! شي تاني انا طرحت تعليق وانه اذا بيكون في امكانيه لانه يكون في قسمين للمنقول ولغير المنقول بيكون افضل ... وبظن انه كتير مهم هالموضوع

[اسير حب فلسطين]

مشكور اخي جيفارا على الاهتمام

بداية اخي الحبيب انا اشد على يدك وكلامك فنحن نريد ابداعات شخصية
وانا حاولت كثيرا وكان هناك موضوع مثبت بهذا الشان واخبرت العديد من الاعضاء بهذا الخصوص

فنحن نريد مكتبة ادبيه خاصه بمنتديات شباب فلسطين
وكما علقت الاخت اسلام ربما هناك مواضيع جميلة تستحق النقل والقرائه

وان شاء الله الاخوان والاخوات بكون معنا قلبا وقالبا


اسير حب فلسطين

[ابن الانتفاضة]

اخي اسير حب فلسطين انا ما بحكي انه ما في مواضيع بتستحق النقل ، انا نفسي بنقل مواضيع من منتدى او شي متلا بقراه بيعجبني بس قصدي انه يكون قسمين لشباب فلسطين وعلى كل حال الله ولي التوفيق

[نسرينا الفلسطينيه]

فكره حلوه جيفااااارا ...عجبتني ..وتستحق التنفيذ....وانا معك
بتمنى تتنفذ....