لو انت مكان الولد هادة شو راح تعمل ؟؟؟

[princess soso]

حوار عادي بين أفراد عائله


الأب مخاطب الابن : تعال وله

الابن و بكل براءة : نعم

الأب :نعامة ترفصك ... تعال وله

الابن : ليش شو سويت؟

الأب : سواك ضريب يخلع رقبتك

الابن : شو فيه؟

الام : شاوي يشوي عضمك ....رد على ابوك بأدب وله

الابن : هوه انا حكيت شي؟

الأب:حكحكوا جنابك بالعصايه اوقف عدل يا حيوان

الابن : حاضر

الأم :يحضروا على قبرك انشالله ... لما ابوك يحكي انت بتخرس

الابن :أخرس؟

الأب : ايوه ان شالله خرسه

الابن: ماشي

الأم: اجاك مشش بركبك ما تقوم منه انشالله
الابن :مشش ؟؟؟ شو هاذا المشش؟؟

الأب: اما انك قليل حيا ...وبترد على امك كمان ؟ هات العصاي وتعال وله

الابن: انا رديت على امي؟ يمّـه احكي كلمه

الأم: موا يمزع نيـعـك وله ....حكيتلك اخرس



الابن الان اصبح مغلوب على امره ومش فاهم ايش الموضوع وصمت



الأب: أما جيل قليل حيا...احكي وله ... مالك انخرست

الابن : شو احكي؟ اذا حكيت بتقولوا عني قليل حيا وبتشوفوني غلط

الام :حيه الي تقرصك انشالله ... قلتلك تأدب وانت بتحكي مع ابوك

الأب : ايش "بتشوفوني غلط" هاي ... شايفنا عميان ولا حول ؟

الابن : لا اله الا الله

الأم : الله يوخذك انشالله .... يا ريتني خلفت ابن الجيران ولا انت

الأب: انا مش عارف هاذا الولد متى بده يصير زلمه...دايما فاظحني بين الرجال

الابن: طيب شو اعمل عشان تشوفني زلمه ؟

الأب: قلتلك اخرس وله

الابن: يا الله ... يا الله ... يا جماعه شو مالكوا ... شو فيه ؟

الأم: اه صحيح انت ليش ناديت عالولد يا زلمه ؟

الأب :بتصدقي يا مره اني نسيت.... نساني شو كنت بدي منه هالــكلب

الاب : خلص روح ارجع على غرفتك يابا .

[اسلام]

ههههههههههههههههههههههههههههههههههه هخخخخخ
الصراحة ماقدرت غير اضحك شو هالام والاب هدول
مسكين هالولد مابيحكي غير بيكون غلط ولبيخرسوه
لاحول ولا قوة الا بالله

مشكورة حبيبتي سوسو ع الموضوع الكتير حلو

والله هالاهل الي زي هيك بعقدو الولد من هو صغير
لو محلو انجلطت

[حوارى الخلود]

ههههههههههههههههه
شو هادا
جلطوا الولد
ونكبوه وخلوه ينهبل
وقلوا قيمته
واخر شى نسى شو بده منهم
لا حول ولا قوة الا بالله
الله يكون فى عونه
شو بده يعمل حتى يرضيهم

[بسكوتة]

ههههههههههههههههههههههههه
ههههههههههههههههههههههههه
برجع عالغرفه وبروح أنـــــــــام ^^
مع هيك ناس ما في تعامل خخخخخخخخ
الله يعينو يا رب ،،،،،

شكرا كتير عالموضوع الحلو :))

[princess soso]

يسلموا على مروركم الرائع وجد انا لو كنت مكان هالولد كنت رح روح عالغرفة والله يعينو هالولد ...

[بسمة فرح]

هههههههههه

شو هالفقعان هادا

يسلموا حلوة

[حوارى الخلود]

كل هادا وعادى
يمكن صار معه
ضغط وسكرى ونوبة قلبية وجلطة وكل الامراض اللى فى الدنيا
قال عادى
هادا كيف اللى مش عادى
ربنا يصبره والفرج قر يب يهههههههههههه

[فليسطينية 100%]

والله لو محلو مو بنجلط بس بروح فيها

يسلو برنسس سوسو

[الاماني الفلسطنية]

الأم: موا يمزع نيـعـك وله ....حكيتلك اخرس

@ نيعك ؟!!! ههه شو هالمصطلحات هاي ... المفروض يكون تعود الصبي يا حرام ... يسلموو علا الموضوع الحلوو... ههههه ال مشش ال

[princess soso]

ههههههههههههههههههههه .. يلا شو بدنا نسوي .. بعد الشر عليكي فلسطينية ..ههههههههه شايفة يالاماني انا شو بيعرفني .. المصطلحات من ايام ابو حجر هههههههههه .. ولا ستي الله يرجمها ... ويسلموا على مروركم .. ربي ويسلملي هالضحكة ..