مسابقة ثقافية بين الشباب والبنات

[Iemy]

مابعرف ازا الموضوع موجود في المنتدى ولا لأ
أو مكرر
أو حدا سابقني بهالفكرة بس أنا مش شايفاها
مابعرف
بس هي فكرة قديمة مش جديده
و كانت موجوده بتطرحها العضو " حنان "
لكن راح اضيف عليها شوية تحدي وحماس واخليها بين الشباب والبنات يعني فريقين
كل مره يكون السؤال لفريق وكل اجابه بنقطة طبعا وراح نشوف مين مثقف اكتر ومين اذكى ...........
بشرط المسابقة تحوي أسأله ثقافية وألغاز ممكن لكن يعيدا عن الأسئلة البايخه أو الاستهبال الزايد
خلينا نزيد ثقافتنا وبالمره تكون على شكل لعبة وتحدي
أنا حطيتها بالمنتدى التعليمي لحتى نستفيد منها بعرفش موقعها مناسب ولا لا
وكمان مابعرف ازا الفكره موجوده ولا كيف لأني أحيانا مابطول كل المواضيع اللي بالمنتدى
شوفوا هالموضوع يامشرفين
وازا مش موجود راح أبدا بأول سؤال موجه للشباب فقط وازا جاوبوا صح بحطولنا سؤال
اوكيييييي
السؤال هو :
لماذا يطلق على القهوة التركية هذا الإسم مع العلم أن العرب هم أول من اكتشفها ؟

[ABU-NOUR]

يعطيكِ الف عافية خيتوو ,,

ان شاء الله بالتوفيق للجميع ,,

وخصوصا الشباب ,, ^^

ما بفهم بالقهوة انا خلي الشباب يجاوبو على سؤالك ,,

بس انتى عارفة الجواب ؟؟

طيب ليش بتسألي مادامك عارفة الجواب !! :)

[محب الاقصى]

شكرا ايمي على هده الفكرة

مع ان نتيجتها معروفة اكيد للشباب

سؤال ما هي الموجة المغناطيسية المستوية

طبعا في الاول سؤال بسيط

[Iemy]

ههههههه
حبه حبه علينا شو داخلين فينا عرض وتهزيء وكمان حاطين سؤال وانتو مش مجاوبين
طبعا خيو أبو النور عارفه الإجابة ولا بدي اتفلسف عليكوا يعني وأنا مش عارفاه
خربطتوا الموضوع هيييك
جاوبو عسؤالنا ياحلوين وبعديها نحنا بنجاوب عسؤالكم

مع ان نتيجتها معروفة اكيد للشباب

لا تستهين فينا خيو يضع سره بأضعف خلقه
خلينالكم العضلات وأخدنا المخخخخ
لا تتهربوا من السؤال
لماذا يطلق على القهوة التركية هذا الإسم مع العلم أن العرب هم أول من اكتشفها ؟

[جيفارا*نابلس]

انا بعرف القهو التركيه مختلفه عن القهوه العربيه

يمكن نفس المصدر

ولكن طريقه تحضيرها تتم بخير تركيه

وليس كالطريقه المعتاده عند العرب

[~ | Mazaj]

ما هي الموجة المغناطيسية المستوية

هي أبسط الموجات الكهرومغنطيسية و تنتقل عبر الفضاء في خطوط مستقيمة. وتتغير شدة الموجة في الفضاء وعبر الزمن بقمم وقيعان متناوبة. وتُسمى المسافة من قمة إلى قمة بالطول الموجي.

احــــم هيدا الجواب ..

ادا صح عشان الصبايا يسألو ^^

[لمسة وردة]

امممممممممم

فكرة كتير حلوة

جواب فجر صححح

يلا بجواب على السؤال الي بعدو

يسلمو كتير

[ABU-NOUR]

يلااااااااا وين سؤال البنات ؟؟

[مغرمة فلسطين]

ما عندي اي فكرة

ما بشرب القهوة

بشرب النسكافيه

يسلموو ع المسابقة

و ان شاء الله السؤال الجاي بجواب

[بنت الرملة]

ما بعرف ههههه ^^

المره الجاي بجاوب ..