راجع ولا مدافع

[دالية الخليل]

يا ارضي مهما ابعدت راجع
يا فجري مهما غبت طالع
يا نجمي مهما صغرت لامع
يا قدسي مهما اندست مش راكع
يا شبلي مهما كبرت دافع
يا مقلاعي مهما تعبت قالع
يا صهيوني يالي مش سامع
انا من تراب الارض راضع
من كرم الزيتوني طالع
لو فاوضوني بالماس الراصع
واعطوني كنوز قارون اللامع
عن حجري وبارودي مش بايع
ومخيمي وطابوني اللاسع
وعلى حصيرتي وبساطي كاعع
اتنقل بين ثلوج دياري الناصع
واصرخ في وجه العدو القابع
روح استنجد بزعماء المنافع
وصوت الحق رح اضلني رافع
اطلع بالكوفيه يا خيال المرابع
وزيد شرر بركاني الوالع
ولتقبيل ايد امك سارع
وشوف عينيها بتدعي لرب الجوامع
خلي قائد امتكم يسمع والخالع
رح اضلني ورى هالحق الضايع
واطلعو من الارض ولو سابع
وامسح عرق ختيار المزراع
واقطف عنب الخليل ولو كان لاذع

[نغوم]

كلامات جميلة
تقبل تحياتي
نغوم

[دالية الخليل]

شكرا يا نغوم كتير قمر اختي مجنناكي صح حكسر راسها ولا يهمك

[نغوم]

يييييييييييي قمورة حبيبت قلبي دير بالك عليها و حطيها بعيونك

[لطفي الياسيني]

اهنؤك يا ابنتي الغالية على القصيدة يا قيسية من دورا

[جيفارا*نابلس]

داليه الخليل

انت مبدعه رغم صغر سنك

اعجبتني الكلمات التلاصقه في كلمتك تلك

شكرا لك ولك التقدير والود

[فلسطينيه]

تسلمي حبوبة على الكلمات المميزة

الى الامام

[دالية الخليل]

اشكركم جميعا واشكر استاذي الياسيني فهذا لقب فعلا فخورة به لانو منك
(وتصحيح معلومة لجيفارا ) حرام عليك بدك ترجعني بعد هالتعب والشقى انا ضايلي سنة وبتخرج من كلية الصيدلة [/COLOR]

[لطفي الياسيني]

العفو يا نيازك السماء ويا وحي الشعراء

[العيون السود]

دالية رائعة
بتمنالك التوفيق