ساعدونى يا طلبة الغرب ~

[حسام المصرى]

بسم الله الرحمن الرحيم ..


حاليا .. أنا بدور على منحة للدراسة فى الخارج .. فى مجال تخصصى هندسة البترول ..

بحثت كتير ودورت كتير جدا ..

والحمد لله عرفت معلومات كويسة ..

ولقيت منحتين عملاهم شركات بترول عالمية زى اكسون موبيل وال bp عاملة منحة لكامبيردج جامعتى المفضلة << أى نعم الشروط شوية صعبة وفيه اختبارات ولازم يكون معاك توفل .. بس الحجات دى إن شاء الله الواحد يحلها ..


بس برده أنا عايز أعرف إيه نظام التدريس فى أوروبا .. سمعت أن فيه نظام اسمه ال units >>
يعنى انك مثلا يديك مادة فيزيا .. يقولك الامتحان هييجى عن مواضيع معينة ابحث أنتا بقى براحتك يا معلم ووقت الامتحان هتجاوب من دماغك من غير لا كتب ولا مراجع ..


المهم .. الناس اللى فى المنتدى تقريبا .. فى دول زى الدنمارك والسويد وفرنسا .. ياريت لو حد منهم بس يسأل أو يعرفنى نظام المنح هناك والتخصصات الهندسية وأسماء الجامعات ومستواها .. بالنسبة لدول الغرب .. والدراسة بانه لغة ..

مصاريف السمستر كام .. والسكن كام .. والحياة .. وهل ينفع أشتغل هناك عشان أوفر فلوس المعيشة أو لا ... بما أنكم عايشين .. وهل الانجلش يكفى بس .. للتعامل مع البشر


فياريت أى حد عنده معلومة ما يبخل بها ..
لأنى صراحة الموضوع ده شغلنى جدا خصوصا بعد حلقة طارق سويدان اللى قال فيها أن جامعات مصر تدنت جدا فى الترتيب العالمى وأصبحت دول مثل قطر الأولى عربيا .. والامارات والسعودية ..

فالواحد عشان يشتغل بره .. أكيد لازم بقى ياخد شهادة من جامعة عريقة ..