كنت نفسك تدخل ايه ؟؟

[حسام المصرى]

طبعا ما شاء الله المنتدى تقريبا معظمه طلبة ..

منهم اللى فى الجامعة بيدرس .... وتقريبا حدد مصيره ..


ومنهم يا عينى .. الغلابة بتوع توجيهى .. سنوات الرعب والقلق .. ولكنها حقا جنى الثمار وتحديد المصير ..


المهم ...


كتير منا دخل كليه مكنش متوقع انه يخشها ممكن يكون بسبب أن مجموعه كان قليل .. وممكن لأنه دخل كلية ثانية لأن مجالها مطلوب فى السوق .. زى كلية الهندسة مثلا ...


لكن فى الأول والآخر الانسان لازم يرضى بنصيبه ويعمل ما يحب حتى يحب ما يعمل ...


السؤال الآن ..

كان طموحك تدخل كلية ايه من وانتا فى الصف الأول الثانوى .. وهل دخلتها ؟؟
مستمتع بدراستك الحالية فى الكلية ؟؟ هل شعرت أن حلمك تحقق ؟؟
متوقع حياتك إزاى بعد التخرج ؟؟ وايه الخطوات اللى ناوى تاخدها ؟؟


ولو أنتا لسة فى توجيهى ..

نفسك تدخل كليه ايه ؟؟ واشمعنى ؟؟
لا قدر الله لو مدخلتهاش هيكون إزاى شعورك ؟؟
حاسس أن المجهود اللى أنتا بذلته طوال السنادى هيأهلك للكلية اللى بتحلم بيها ؟؟
بتذاكر كام ساعة فى اليوم ؟؟ وهل ده كاف من وجهة نظرك ؟؟


بتمنى من جميع الناس تجاوب إن شاء الله .. سواء توجيهى أو لا ..
وتحكى براحتها ..