رحلة جاجي محشية في فُرن منتديات شباب فلسطين

[هدهد أوربا]

فرن منتديات شباب فلسطين حابب يقدملكم رحلة جاجي محشية

طبعا الحشي راح يكون تحت الجلد

وتعلمت حشيها من امي الله يرحمها ويرحم كل امواتكم

يله بسم الله الرحمن الرحيم نبلش سوا








العروسة جاجي المانية مذبوحة على الشريعة الاسلامية















بنقطع بهاي العمليةعشان النظافة.








ونغسلها غسل جيد






يتبع................

[عاشقة فلسطين..]

:)

يعطيك العافية

[إيقاع]

واصل يما واصل

/

شكلها رحلة عويصة

[هدهد أوربا]

بننقع كوبين رز بجاط صغير لمدة 10 الى 15 دقيقة





وبعدين بنقيم الماء عنو





بنحتاج زيت وزبد وفلفل اسود وتوم مهروس واي بهارات وملح وماجي هسه باجي







بنحط الزيت بالطنجرة عشان يحمى





وبعدين بنحط الزبد معاه وعذرا فيه اثار جرائم على الطباخ عشان لسه مش جايب مسحوق التنظيف الشهري تاعو ناسيه






بنحط الرز والملح والفلفل والتوم واي بهارات والماجي على الرز ونظيف ماء عليه بحيث ما بزيد ارتفاع الماء عنو اكتر من 1 سم بس












وبنسكر عليه ونخليه على اقل درجة حرارة بالطباخ عشان لا يتشعوط






يتبع ........

[هدهد أوربا]

المشاركة الأصلية كتبت بواسطة عاشقة فلسطين.. :)

يعطيك العافية

الله يعافيكِ يا ستي


بعد عشر دقائق تقريباً ..بنفتح الغطا عن الطنجرة وبنحرك الرز عشان لا يلصق بقاعها ونرجع نسكرها بسرعة









مدة الرز بدها تقريباً نص ساعة عشان يخلص


يتبع.............

[هدهد أوربا]

المشاركة الأصلية كتبت بواسطة إيقاع واصل يما واصل

/

شكلها رحلة عويصة

ههههههههههههه حاضر يا خالتي

الرز خلص اسا واروح احشي الجاجي وارجع اكمل الصور نورت خيا







يتبع.................

[إيقاع]

والله شكلك معدلة يختي

/

ليش مش متجوزة لهلأ

/

انا حاجز ورك الجاجة من هلأ

/

[هدهد أوربا]

المشاركة الأصلية كتبت بواسطة إيقاع والله شكلك معدلة يختي

/

ليش مش متجوزة لهلأ

/

انا حاجز ورك الجاجة من هلأ

/

هههههههههههههه

حالف يمين بالطلاك ان اظل عزابي

بتنور وبتشرف باي لحظة

بس المهم تيجي لابس كويس الجو عندي سكعة وتاع كحة






لازم نسكر كل فتحات الجاجي بالابرة والخيط عشان نعرف نحشيها وميطلعش الرز لنشوف زي هاي الفتحة بالرقبة









وبنبلش حشي الجاجي







بنفتح جلد الجاجي باصابعنا بطريقة هادئة عشان لا ينمزع الجلد شوفو كيف انفتح الجلد









وبنبلش الحشي باصابعنا المهم بهدوء





وبنخيط الجاجي






يتبع...............

[هدهد أوربا]

بنرشح ملح وفلفل اسود على ظهر الجاجي





وبنجيب سدر الشوي ونحط عليه زيت شوي





وبنحط الحاجي بسدر الزيت وبنرش على بطنها الملح والفلفل ونظيف ماء وقطعة صغيرة من حبة ليمون





وبنحطها بالفرن على نار 200 درجة وبعد نص ساعة بنقلل درجة حرارة النار على 175 درجة عشان تستوي على مهلها للعشا






يتبع ..............

[§عاشقة غزة§]

بحب الدجاج المحشي
متابعة معك اخر اللمسات
شكلك جراح ماهر
يلا شهيتني
بدي اذوق
تسلم ايديك