حذاء أشرف من تذلل لعباد الله !!

[William Fichtner]

صباح الخير

موضوع حبيت أطرحـه بعد ما مريت على شخص ببويي الكنادر ،، وبخيطها ،، أعزكم الله

وأجا على بالي ظاهرة إجتماعيـة متفشيـة ،، ممكن قليلة بمجتمعات ،، وممكن تكون عالية بمجتمعات تانيه ،، عربيه ولا غير عربية

ظاهرة التسـول ،،

برأيكم ما أسبابهـا ،، هل هي ظاهرة طفت على السطح نظراً لتدهور الحياة وفقرها وقل مصادر الأموال ،، أم أصبحـت نمطاً حياتياً يعيشه البعض ،، ويكسب رزقه ،، لا بل قد يعتبره مصدر رزق له وعمل !!

طيب هالي بشحد ،، ممكن يكون فيه طاقه أكثر مني ومنكم ،، لشو ما يدور على شغل ،، هسه الدنيا انقطعت من الأرزاق !! ولا هوي تكاسل !!

متمنياً الإستفاده من ارائكم

لكم الود

[sadness eyes]

صباح النور
في بعضهم بشحتو معهمش مصاري وبعضهم بشحتو هيك زي ماقلت نمط حياة
وصح في كتير بشحتو وهم قادرين يدورو على شغل وموناقصهم اشي بس الكسل هو اللي بخليهم يعملو هيك
المفروض يدورو على شغل لو ايش ماكان احسن من الشحته اللي بشحتوها الشغل مو عيب بس الشحته تاعتهم عيب
وفي صغار اهليهم ببعتوهم غصبن عنهم ليشحتو و هادول كتار
شكراعالموضوع :)
................................... ................................... ..................

[William Fichtner]

المشاركة الأصلية كتبت بواسطة sadness eyes صباح النور
في بعضهم بشحتو معهمش مصاري وبعضهم بشحتو هيك زي ماقلت نمط حياة
وصح في كتير بشحتو وهم قادرين يدورو على شغل وموناقصهم اشي بس الكسل هو اللي بخليهم يعملو هيك
المفروض يدورو على شغل لو ايش ماكان احسن من الشحته اللي بشحتوها الشغل مو عيب بس الشحته تاعتهم عيب
وفي صغار اهليهم ببعتوهم غصبن عنهم ليشحتو و هادول كتار
شكراعالموضوع :)
................................... ................................... ..................

مسا الخير عليكي

حلو ردك ،، طيب هسه فيه سؤال ،، ليش انه هاد الشخص الي مو ناقصه مصاري بشحد ،، أو بكون قادر على العمل واقل ما فيها بلاقي شغل بسيط ،، ليش بشحد !!

أنا شايفها أنه حسب نفسيـة الشخص ،، فيه منهم نفوسهم ذليله بترضى بأي اشي بسبيل انها تشبع غرورها ،، وتبعي جيبتها ،،

وكمان نقطه حلوه الي طرحتيها ،، نقطه الأهل ببعثو اولادهم عند اشارات المرور ينضفو كزاز السيارات ،، او حتى يشتغلو اي اشي يبيعو شغلات بسيطه بالشارع ، هاي كمان شغله

أنا ما بلوم على الأهل اذا كانو فقيرين ،، ومش قادرين يشتغلو ،،

بس هين لازم الدوله تنتبه لهيك أمور ،، لازم الجيران والأصحاب يحاولو يساعدو ،، ،، فيه عندك اضافات ؟؟

لك الورد

[PaLeSt!Ne SouL]

السلام عليكم و رحة الله بركاته

اول شي اي عمل بيقوم فيه الشخص ممها احتقره الناس بيضل اشرف و افضل عند الله قبل الناس من التسول

و مهما كان الشخص محتاج لا يحق له ان يتسول لانه ما شا الله الجمعيات بتقدم مساعدات

لكن في ناس اخدوها مهنة

و هدول م عندهم كرمة و لا كبرياء

يعرضو حالهم لكلام الناس

الله يغنينا عنل الناس
مشكور اخي

[William Fichtner]

المشاركة الأصلية كتبت بواسطة دمعة أسى السلام عليكم و رحة الله بركاته

اول شي اي عمل بيقوم فيه الشخص ممها احتقره الناس بيضل اشرف و افضل عند الله قبل الناس من التسول

و مهما كان الشخص محتاج لا يحق له ان يتسول لانه ما شا الله الجمعيات بتقدم مساعدات

لكن في ناس اخدوها مهنة

و هدول م عندهم كرمة و لا كبرياء

يعرضو حالهم لكلام الناس

الله يغنينا عنل الناس
مشكور اخي

وعليكم السلام

مسا الخير عليكي

تعرفي هاد الموضوع أنا فتحته مش عشان هالظاهرة بس ،، عشان لما شفت واحد ببوي الكنادر "أعزك الله" والله من قلبي افرحت وانبسطت ،، لانه قلت لسه الدنيا بخير ،، فيه حدا بدور على هيك امور عشان رزقه ،، والرزق ما اله حدود من وين نجيبه ،،

أكثر اشي بنبسط لما اشوف واحد هيك وبعتز انه هيك ،، وبعتبره اشرف من الشغل الي بشتغلوه كل الدنيا ،،

فيه نقطه مختصره بدي اقولك اياها ،، "" هاد الي ببوي كنادر " يعز القاريين "،، اشترى كرامه الناس ،، أما الي بشحد باع كرامته للناس "" هيك باختصار شايفها

لك الورد

[sadness eyes]

مسا النور
اها حكيك كلو صح ومافي اشي اضيفو ماشاالله عليك
بس رد على سؤال انو الشخص اللي بشحت وهو قادر ليشتغل هادا كسل منو اكيد ويمكن اتولد وهو بشحت وضل على هادا الاشي لكبر
واكيد ماعندو عزة نفس ولا كرامه هالشخص.....تقبل اضافتي شكرااا الك
:)

[PaLeSt!Ne SouL]

"" هاد الي ببوي كنادر " يعز القاريين "،، اشترى كرامه الناس ،، أما الي بشحد باع كرامته للناس ""