تعالوا ناقش موضوع العضوة فيني جيرل ......الكل يتفضل هووون

[sofy]

مرحبا يا حلوين

هاد الحكي بخص (

فيني جريل

) عم تستفسر ليش هيك عملت صاحبتها فيها ..


تفضلوا يا أعضاء أتحفوها بتفسيركم لهاد الموقف الي مرت فيه ...

تحياتي








امممممم طيب لكان بس بدي اسالكم شغلة بسيطة هلأ انا عندي رفيقة صاحبتها من سنتين وهاي السنة التالتة وفي الاخير قال شو بتحكي عني اني غامضة و تصورو انها ما بتسلم علي ولا بتسال عن حالي بتشوفني بنظرات احتقار مع اني كتير حبوبة وبريئة ومسالمة للكل و الكل هيك بيعرفني وبعدين هاي اخر سنة و ما رح اشوفها بعدين ولما باجي مع اي حدا بناقشو عن مشكلتي بيحكولي هاي مو رفيقة وانها سيئة كتير واني لازم انساها وما اسال فيها طيب احكولي شو اعمل كتير غالية علي شو اسوي حتى انساها؟؟؟؟؟؟؟

*********************************** *********************************** ****

اهلين فيكي بدي أرد على اخت sofya هاد شي صار تقريباً في اواخر شهر 11 اجت هي حكتيلي انها ما بدها تحكي معي لأسبابها الخاصة، انا كتييييييييير تفاجئت واستغربت منها هالموقف وبعدين نحنا عطلنا من شي اسبوع عشان العيد الكبير، فقلت على حالي انو استغل الاجازة حتى اقعد اتناقش معها واستفسر ليش هي هيك عملت معي، و تصوري لما انا اتصل فيها بتعمل حالها مشغولة وما بدها ترد و بيوم العيد حكت معي عصبت علي قالتلي لا بقى تتصلي معي وإلا رح اشكيلك للإخصائية، وبعدين لما اصريت انها تحكي حكت اني غامضة وانها مااا عم تفهم علي وان نحنا مو مناسبين للبعض كصحبة، و هي مو مستعدة انها توضحلي اكتر عن هيك، و قلتلها ترجع تعيد في كلامها انو في وقت للمناقشة استنتيها اسبوع ومااا اتصلت، وهلأ شوفي كم مر شهر ما حكينا مع بعض وحتى انها ما بتسلم علي ولا بتسالني عن احوالي يعني انتي تصوري يا sofya بعد كل شي سويتلها وخدمتها انا اكتر وحدة من بين كل البنات وكانت كتيييييييير بتحب اني اساعدها وفي الاخير تطلع هيك، انا بحس انو في شي غامض موووو واضح في القصة، وانا حاسة انها بتحب ضلها ساكتة، وبحس انها ما بتحب انو منوكن زملاء بدراسة؟؟؟؟؟؟

*********************************** *********************************** ***

[sofy]

والله يا حبيبتي

أنا مريت بهيك شاكلة من البنات هدول الي بصاحبوو الوحدة سنة ( سنة ونص ) وهكذا

هدووول تبعون مصلحة ولا يغرك فيها إنها علئتك فيها

بس إنت حابة تحكي لحالك ( أنا بحبها ومو معئول إنها عملت فيا هيك )

(لازم تعرفي إنو إنت الي بتحبيها بس )

وبنفس الوئت يمكن هيا إلها أسبابها

بس إزا بدك تعرفي بالزبط شو السبب

بدك تمسكيها شي يوم وتجبريها على الحكي

وإزا ما حبت تحكي خلص إنسيها

عودي حالك على نسيانها

وبعدين يعني مو هالمدة الكبيرة غلي تخليكي ترتبطي فيها كصديقة

يعني المدة الي ئضتيها معها كتير ئصيرة

يعني متى الواحد بيحكي عن هاد الشخص صديق لما تمر سنوات من صداقتكم

ولازم تبرمجي عئلك على إنك تنسيها وإنت مو ئصة بتحبيها بس بتهيألك إنك بتحبيها هاد مو حب يا حلوة

بس أثر الصدمة الي إجتك من وراها لما تلاكتك بشكل مفاجئ

لو تفكري شوي حتلائي كلامي صح

فهمتي عليا يا عسل



بالمناسبة حطيت موضوعك الي طرحتيه شان تشوفي أرآء الأعضاء

لأنو الحكي تبعك كتبتيه بموضوعك الأول

وبنفس الوئت شان تستفيدي من أرآء الأعضاء

تحياتي يا عسل

[ميس مسلمه]

معلش اختى فينى بس عندنا مثل فى مصر بيقول اللى يبيعك بيعه يعنى انا عمرى ما اشترى شخص بيعنى حتى ولو بموت فيه مش بحبه بس والموقف ده حصل معايا مرتين . وقدرت اعدى الازمه بانى اتعلمت كويس الدرس وبقيت اختار صح ولانك لسه صغنونه هتتعرض كتير لمواقف كده المهم انتى تحمدى ربنا انه بين لك حقيقتها وتفكرى بعقلك وتختارى صديقه صح . وزى ما بتقول الحمكه ليس من الانجاز ان تصاحب الف صديق فى العام انما من الانجاز ان تصاحب صديق لالف عام وقلبى معاكى فينى وتدومى بكل الخير يا صوفيا وربنا يخليكى لينا

[sofy]

صح لسانك يا ئمر

بس هيا وين هالئمر شان تشووف الردوود

[أبتسامه حزن]

أنا رأي أنو
يمكن صديقتها تكون عندها سبب مقنع لحتى تتركها و هي ما بدها تحكي السبب
يمكن عشان ما تجرح مشاعرها أو شي متل هيك
أو يمكن متل ما قلتو يمكن تكون هي صاحبتك بس مصلحه
بالأول والأخير أنتي لازم تتعلم من الموقف يلي صار معك و تتعلم كيف تختاري صديقه لألك
وأن الله بتلاقي الصديق يلي تستاهلك و بتوفيق أن شالله

[sofy]

منورة يا أختي ما ننحرم إنشاءالله تستفيد

[nader ~]

متابع دون تدخل بيبقى موضوع شخصي بينك وبينها وياحبذا لوذهبتي لها وحاولتي أن تستفسري عن هذه الأمور وستجدين الأجابة منهاهيك هيك يابنتي لوبيوم منا لأيام حد باعك ليش تشتريه وكأنو بيطعميك خبز

[sofy]

ما بعرف وينها هالبنت مو مبينة عفكرة شان تستفيد الأخت

[§عاشقة غزة§]

صعب تحكم في موضوع او تبدي فيه رأي
من غير ما تكون على معرفة بالطرفين
وتسمع من الاثنين ..
وموكل واحد على حدا لا....
بنفس المجلس
لانه كل واحد اله اسبابه او دوافعه
وحتى ما نظلم حدا ولو كتابة
واتمنالك التوفيق عزيزتي

[sofy]

المشاركة الأصلية كتبت بواسطة §عاشقة غزة§

صعب تحكم في موضوع او تبدي فيه رأي
من غير ما تكون على معرفة بالطرفين
وتسمع من الاثنين ..
وموكل واحد على حدا لا....
بنفس المجلس
لانه كل واحد اله اسبابه او دوافعه
وحتى ما نظلم حدا ولو كتابة
واتمنالك التوفيق عزيزتي

اها أكيد حكيك صح بس بناء على حكيها للأخت ممكن تتبين كزا شغلة

يلا المهم تستفيد

يعطيكي العافية