نلتقي ..لنرتقي.. مع ..(بنت فلسطين المجروحة)

[أم الوليد]

يسعد صباحكو جميعا..هاد الجزء التاني من..لنرتقي بمنتدانا مع ...بس الي بميز هالجزء انو رح يكون لقاء مفتوح ..حوار بينا وبين الادارة العامة ..متمثلة في..

محمود- دموع الرحيل- بنت فلسطين المجروحة - إسراء الفلسطينية - القلب الطيب

رح نطرح هون اسئلة..هدفنا منها..نفهم ..نوضح..نبرر..موضوع مش واضح..قرار..مش عارفين أسبابه..

أو

اقتراح ..فكرة..شكوى...وجهة نظر



احنا وهم..ايد بايد...رح نلتقي هون..لنرتقي..لنصير الأفضل..أعضاء ومشرفين..

ورح نكون متفقين ..انو ارضاء الناس غاية لاتدرك..

وانو الي بعتقد بصوابو..غيري مجزم بخطأو..



المنتدى جهد جماعي..بيت ..بشبه بيت العيلة..بضم ناس من مختلف ثقافات..كل حد الو..عادات..تقاليد..تربى بشكل مختلف..الو قناعاتو..واختلافنا بوجهة النظر..مش معناه..نزعل مع بعض..

دووووم رأيي خطأ يحتمل الصواب..ورأي غيري صواب يحتمل الخظأ..

لهيك برجو من الجميع..بس يطرح سؤال..او يقترح شي..

يكون منطقي..ومابدي ردود خارج الموضوع..او اضافات مارح تحقق الهدف..

وعلى بركة الله نبدأ..

[أم الوليد]

أهلا وسهلا فيكي أماني..نورتي الحلقة الأولى..وبشرفني تكوني أول ضيفة ..

بشكل خاص..بشكرك جدا..لتفاعلك الطيب..وجهدك الواااضح..ونبدأ هلا..

هاي النقاط ..أثيرت من أكتر من عضو..وحابين نفهمها..

- غياب المدير(محمود) ليش..ومتى رح يرجع النا..!!بنعرف انو مشغول بإنشاء الشركة..والله يبارك الو فيها..بس من حقنا يكون معنا..يشاركنا..فهاد بيتو كمان ..


- أثير الجدل حول الرسائل الخاصة..وتبادل الايملات..بين مؤيد ومعارض..وحقيقة الأمر..انو الكم تجارب سيئة وحفاظا على صبايا المنتدى..ارجو منك توضيح الآمر للجميع..

- اختيار المشرفين..يرى البعض انو نشيط ومتفاعل جدا..ولكن ماتم اختيارو كمشرف!!على اي أساس يتم الاختيار..هل هي أقدمية!! أم نشاط أكتر..حددي المعايير..

....حبيبتي ...وكل شوي رح ارجعلك بمجموعة تانية..من النقاط الي انطرحت بأبيض وأسود...أو لنرتقي بمنتدانا مع...

وأهلا وسهلا فيكي..

[بنت فلسطين المجروحة]

المشاركة الأصلية كتبت بواسطة أم الوليد أهلا وسهلا فيكي أماني..نورتي الحلقة الأولى..وبشرفني تكوني أول ضيفة ..

بشكل خاص..بشكرك جدا..لتفاعلك الطيب..وجهدك الواااضح..ونبدأ هلا...

اهلا فيكي ،، طلعت كبش الفداء

استعنا عالشقا بالله

هاي النقاط ..أثيرت من أكتر من عضو..وحابين نفهمها..

ماشي الحال يلا ..

- غياب المدير(محمود) ليش..ومتى رح يرجع النا..!!بنعرف انو مشغول بإنشاء الشركة..والله يبارك الو فيها..بس من حقنا يكون معنا..يشاركنا..فهاد بيتو كمان ..

محمود بدرس بالجامعة تخصص هندسة برمجيات أظن ،، وبنفس االوقت بشتغل
يعني تخصص مش سهل ،، ووظيفة تانية وفوق هاد بهالوقت زي ماانتو عرفتوا
اسس شركته وعم بستعد للزواج ،، عقبال عند الجميع ،،

صحيح حقنا انه يكون معنا ،، لكن ظروفه كانت صعبة ،، وانا بعرف انه المنتدى عزيز عليه
وانه بعز عليه قلة مشاركته بالمنتدى ،، لكن ظروفه اجت هيك وما باليد حيلة ..

راح يرجع باخر فبراير باذن الله ،، بكون تجوز و فضيلنا

- أثير الجدل حول الرسائل الخاصة..وتبادل الايملات..بين مؤيد ومعارض..وحقيقة الأمر..انو الكم تجارب سيئة وحفاظا على صبايا المنتدى..ارجو منك توضيح الآمر للجميع..

نمسك وحدة وحدة

الرسائل الخاصة :

استغلوها ابعض الشباب والبنات ليتابدلوا الايميلات
وبعض هالشباب استغلوا ليتلاعبوا بمشاعر البنات ،، عهوا قصص حب ومن هالحكي
وهالشي مخالف لاسلالامنا ولعالداتنا ولتقاليدنا
فلانو بتخاف عبنات المنتدى زي ما بنخاف عحالنا
منعنا هالاشي
لحتى مايكون في احتمال 1% انو ممكن صبية تستغل عواطفها وتتحول تباعا لمشاكل تانية

الايميلات :

لانو في اعضاء بنات وشباب اجو من منتديات تانية مسموح فيها الرسئل الخاصة وعندهم ايميلاات بعض

فبتلاقي مثلا عضوة ،، حبت تتعرف عبنت هان

بتروح بتطلب ايميلها ولما يتعرفوا عبعض

بتروح بتعرفها عشباب المنتدى اللي عندها وطبعا لما نعطي ايميل شب لشب

ممكن يروح يعرفه عالبنات اللي عنده

وتصير المشاكل و احتمال انو عواطف البنت تستغل زي فكرة الرسئل الخاصة

ولهيك منعت ،، خوفا عالبنات مش اكتر

،،

في سبب تاني ولو انه مش الرئيسي

انه لما الاعضاء يتعرفوا عبعض خصوصا البنات بصير كل حكيهم عالمسنجر وبنسوا المنتدى

وهاي خسارة تانية للمنتدى

- اختيار المشرفين..يرى البعض انو نشيط ومتفاعل جدا..ولكن ماتم اختيارو كمشرف!!على اي أساس يتم الاختيار..هل هي أقدمية!! أم نشاط أكتر..حددي المعايير..

بيتم على حسب عدة اشياء

تواجده الدائم بالمنتدى وتفاعله مع الاعضاء ،، هل هو ملتزم بقوانين المنتدى ام مخالف

شخصيته ،، هل هو عصبي هل هو متفاهم ، يعني صعب نحط مشرف لو عضو عصب عليه عشان حذفله موضوع او لاي سبب يصير يزعل وكرامتي ومش عارف شو وكانها قضية مصيرية ،، او انه يعمل من كل حبة قصة وحكاية ،، هيك ما بنخلص

يعني هيي عدة اشياء بتخلي الادارة تحكم عليه

....حبيبتي ...وكل شوي رح ارجعلك بمجموعة تانية..من النقاط الي انطرحت بأبيض وأسود...أو لنرتقي بمنتدانا مع...

وأهلا وسهلا فيكي.

ولا يهمك وانا هان وعلي استعداد اجاوب عكل اسئلتكم

[أم الوليد]

- بتواجهك اكيد مشاكل بين الاعضاء والمشرفين..سوء تفاهم..اي مشكلة..كيف بتتصرفي!!

- شو اغرب اقتراح مر عليكي!!

- اماني..كيف بتشوفي المنتدى..كعضو عادي..مش من مكانك كإدارة للمنتدى..

[بنت فلسطين المجروحة]

المشاركة الأصلية كتبت بواسطة أم الوليد - بتواجهك اكيد مشاكل بين الاعضاء والمشرفين..سوء تفاهم..اي مشكلة..كيف بتتصرفي!!.

قصدك بين عضو و مشرف ،، مش بيني وبين الاعضاء صح ؟!

اذا قصدك هيك ،، فهيك مشاكل بتصير غالبا لسوء التفاهم

فبحاول انا اوصل فكرة كل طرف للتاني وبهدي النفوس وبصلح بينهم

اما لو واحد منهم غلطان فبقله انه غلطان وانه هيك هيك الصح

وبحرص تتصافى النفوس وماحد يشيل عالتاني اشي على قد ماقدر

- شو اغرب اقتراح مر عليكي!!

اغرب اقتراح ،، ممم ،، في واله بس مش متزكرة

اعطيني وقت لاتزكر

- اماني..كيف بتشوفي المنتدى..كعضو عادي..مش من مكانك كإدارة للمنتدى.

كعضو عادي ،، المشكلة اني يعرف كتير عن شباب فلسطين ،، يعني مش اي عضو جديد

لكن هحاول اجاوب كعضو عادي قد ما اقدر


جوابي هو ,, هالمنتدى ،، في ناس جدا مميزين وانا بجد بحب المنتدى لانهم فيه

وبتربطني فيهم علاقة محبة واخوة ومعزة وذكريات ومشاكل وكل اشي

ومش زي كتير منتديات كل حكيهم مجاملات بمجاملات

بالنسبة للنشاط فهوي حاليا اقل نشاط من زمان

لكن هادا صار بسبب ناس كانوا هان ،، وماعجبتهم اسلامية المنتدى او صارت مشاكل وتركوه

ولو بدكم الصراحة وانا شفت اشياء ماشفتوها

لو خيروني بين حال المنتدى الحين وحال المنتدى زمان

راح اختار هالوقت ،، لاني بفضل المنتدى نايم مع ناس مخلصة ولا يكون قايم مع ناس بدون ضمير

طبعا مش كل من تركنا كان هيك

لكن نسبة منهم كانت هيك

وحاليا انا متفائلة انو اللي ضلوا والاعضاء الجدد معهم يتحسن حالنا

[sofy]

والله ملك في أسئلة خطرت في بالي نفس أسئلتك يلا بشوف شو الجواب عليها ...

[أم الوليد]

بانتظارك اماني..رح نشوف سوا اجوبتها حبيبتي صوفي..

[*أحلى رتآآج*]

كتير حلو..والأسئلة رآئعة ملك..~

بانتظآر أمآنى..~


^^

[حسام المصرى]

قسم النواعم الخاص بالصبايا فقط .. لماذا لا يتم عمل باسورد له يكون مع الصبايا فقط ... اقتراح ناس كتير وافقت عليه وللأسف متنفذش .... ياريت الادارة تهتم باقتراحات الأعضاء طالما هناك نسبة كبيرة موافقة

[بنت فلسطين المجروحة]

المشاركة الأصلية كتبت بواسطة حسام المصرى قسم النواعم الخاص بالصبايا فقط .. لماذا لا يتم عمل باسورد له يكون مع الصبايا فقط ... اقتراح ناس كتير وافقت عليه وللأسف متنفذش .... ياريت الادارة تهتم باقتراحات الأعضاء طالما هناك نسبة كبيرة موافقة

اول اشي لانه مالوش داعي ،، خلص انتوا عارفين انو ممنوع عليكو

ولو حاولتوا انكو تروحوا هنك ممش هتلاقي ما يخالف الشريعة

لكن فكرة هالقسم انو خاص باهتمامات البنات بدون مخالفة لشريعتنا الاسلامية

فمالها داعي حكاية الباسورد هاي

،،

بعدين احنا بنهتم اقتراحات الاعضاء


وبننفذ اللي بنقدر عليه وبناسب المنتدى

وحتى لو اغلب الاعضاء وافقوا عليه

ماهمي اغلب الاعضاء مابعرفوا كل اشي بصير بالمنتدى

مابعرفوا شو بتصير مشاكل خلف الكواليس

ليحطوا كل الاعتبارات عند تايدهم او اعتراضهم عاقتراح او غيره

شغلة تانية ،، مش كل اقتراح بستاهل يتنفذ

يعني مع احترامي الك لما نسكر قسم النواعم

شو هالفايدة العظيمة اللي هتيجي من وراه ؟!

//

ومش اذا ما نفذنا اقتراحك معناها احنا مش مهتمين

خليك عادل شوي يا باشا