أخمد فؤاد نجم \ دي عزبة سيادتك

[يبوس الكنعاني]

نؤيد سيادتك لفترة جديدة

نكمل خلالها المسيرة السعيدة
و بالمرة فيها نبيع الحديدة
مفيش حاجة تانية نبيعها خلاص
نؤيد سيادتك لأجل المزيد
من اللي تحقق بفضلك أكيد
بقينا خلاص ع الحميد المجيد
و ربك لوحده فى ايده الخلاص
نبايع سيادته ولا حد غيره
كفايا علينا نبرطع في خيره
ونوم شعب مصر العظيمة و شخيره
يقول للحرامي ما تسرق كمان

نبايع سيادته وابنه وحفيده
مفيش زي فكره قديمه و جديده
خرابك يا مالطة حيحصل بايده
ومين فيكي يعني بيسمع آذان

نبوس ايد سيادتك و رجلك كمان
تخليك معانا يا ريس عشان
وجودك ضرورة فرضها الزمان
و من غير وجودك حقيقي ! نضيع
دي مصر بتاعتك واحنا ضيوفك
كفايا علينا يا ريس نشوفك
و عاذرين سيادتك و فاهمين ظروفك
عليك بس تؤمر واحنا نطيع
في جزمة سيادتك كلابك يبوسوا
و فوق الغلابة بجزمهم يدوسوا
و شعبك ليلاتي يا ريس غموسه
مذلة و مهانة و حوجة و مر

لكن يعني ما دمنا شعب انتساب
و دايما وأبدا فى حالة غياب
متعملش لينا ياريس حساب
دي عزبة سيادتك وفيها أنت حر
و دستور ما دستورشى مش فارقة خالص
كلام فاضي كله يا فندم بناقص
كفايا علينا الفساد اللي ماصص
عرقنا و معشش وضارب جذوره
و ايه يعني تهري جتتنا البلاوي
يوماتي كوارث، فضايح، رشاوي
كفايا علينا القعاد في القهاوي
بنستنى لما الوريث ييجي دوره

[حسام المصرى]

رائعة جدا الصراحة .. الراجل ده فنان

[يبوس الكنعاني]

يعطيك العافيه يا ابن مصر الحبيبه

هذا و غيره من ابناء مصر العروبه .. مصر ام العرب ، هم من يمثلوا صوت مصر الحقيقي .
صوت مصر الاسلامي العربي الذي لا يتخلى عن دوره الريادي و الطبيعي في المعركه
ضد الصهيونيه و المتصهينين . مصر و فلسطين ما كانوا يوما إلا اشقاء ، في خندق واحد .
عدوهم واحد .. لكن أراد المتصهينون أن يسجلوا موقفا في الحصار ، لن يقبله الشعب
المصري الابي ، نحن في فلسطين نرى ذلك في الجامعات و في كلام المشايخ -العلماء
و ليس مشايخ السلطات .. نرى في كتابات المثقفين المصريين الحقيقيين و ليس في كتابات
مدفوعة الاجر .. تحيه لك و لمصر ، و إنشاألله نتخلص معا من سلطة اوسلو و سلطة كامب ديفيد .

[حسام المصرى]

المشاركة الأصلية كتبت بواسطة يبوس الكنعاني يعطيك العافيه يا ابن مصر الحبيبه

هذا و غيره من ابناء مصر العروبه .. مصر ام العرب ، هم من يمثلوا صوت مصر الحقيقي .
صوت مصر الاسلامي العربي الذي لا يتخلى عن دوره الريادي و الطبيعي في المعركه
ضد الصهيونيه و المتصهينين . مصر و فلسطين ما كانوا يوما إلا اشقاء ، في خندق واحد .
عدوهم واحد .. لكن أراد المتصهينون أن يسجلوا موقفا في الحصار ، لن يقبله الشعب
المصري الابي ، نحن في فلسطين نرى ذلك في الجامعات و في كلام المشايخ -العلماء
و ليس مشايخ السلطات .. نرى في كتابات المثقفين المصريين الحقيقيين و ليس في كتابات
مدفوعة الاجر .. تحيه لك و لمصر ، و إنشاألله نتخلص معا من سلطة اوسلو و سلطة كامب ديفيد .

أوسلو وكامب ديفيد .. أنتا شكلك هتودينى فى داهيه .. ههههههههههه أنا مليش دعوة يا عم