أحلام و إنجازات للنقاش

[PaLeSt!Ne SouL]

بسم الله الرحمن الرحيم

كل واحد منا بيقضي حياته تفكير و تخطيط
بينجح أو بيفشل

الموضوع كله 5 اسئلة فما تبخلوا بالجواب




في حياتك وانت صغير كانت لك احلام وطموحات فهل تعتبر نفسك قد انجزت منه شئ؟


ما هي عوامل النجاح(قبل كل شي توفيق الله عز و جل طبعا) شو غير هيك؟؟


ما هي الصعوبات التي حطمت أحلامك أو أخرت تحقيقها؟؟


إذا كنت قد أنجزت ما خطط له و حلمت به فما هي طموحاتك الجديدة؟؟


ماذا تفعل في يوم كامل نصبت فيه مشرفا عاما للمنتدي وما هي قراراتك في ذلك اليوم؟

[أم الوليد]

في حياتك وانت صغير كانت لك احلام وطموحات فهل تعتبر نفسك قد انجزت منه شئ؟
مممممممممممممم كتيييييييييير / منهم انو كانت امنيتي درس أطفال وصار صحيح فترة وانتهت بس كانت فترة لذيذة

ما هي عوامل النجاح(قبل كل شي توفيق الله عز و جل طبعا) شو غير هيك؟؟
الإصرار ، انو تتعبي عحالك لحد تحققي الحلم ، تبذلي جهد

ما هي الصعوبات التي حطمت أحلامك أو أخرت تحقيقها؟؟
في ناس مابحبو تننجحي او تتقدمي، غير انو بتصير ظروف قاهرة مش بايدنا متل المرض

إذا كنت قد أنجزت ما خطط له و حلمت به فما هي طموحاتك الجديدة؟؟
مممممممم بدي بلش ماستر علم نفس وأخد الإجازة بالقرآن الكريم ، باقي لي مستويين

ماذا تفعل في يوم كامل نصبت فيه مشرفا عاما للمنتدي وما هي قراراتك في ذلك اليوم؟
ممممممممم، اول شي بغير لون المنتدى، بحدد لكل عضو 3مواضيع جدد بس، بختار افضل موضوع وافضل مشرف وافضل عضو كل شهر، والشغلة بدها تفكير بس هاد يلي عبالي هلا/

[PaLeSt!Ne SouL]

أم الوليد مشكورة على إجاباتك

بس معقول لهالدرحة لون المنتدى مأثر عليكي

تسلمي يا سكرة

[أم الوليد]

ههههههههههههه، مابعرف يمكن بحسو لو كان ازرق مثلا تخيلي الروعة

[اجمل احساس]

في حياتك وانت صغير كانت لك احلام وطموحات فهل تعتبر نفسك قد انجزت منه شئ؟

لسه الحياة قدامي انجزت شوي طبعا لكن مو كلها ،،، ربنا يسهل
ما هي عوامل النجاح(قبل كل شي توفيق الله عز و جل طبعا) شو غير هيك؟؟

الإصرار على تحقيق النجاح حتى لو فشلت مرة او مرتين لكن بضل احاول واحاول لأحقق ايلي بدي اياه يعني بالصبر والدعاء والعمل والسعي على التحقيق
ما هي الصعوبات التي حطمت أحلامك أو أخرت تحقيقها؟؟

احلامي ما تحطمت ولله الحمد لكن يمكن كان في عائق بسيط " وضع نفسي " !
إذا كنت قد أنجزت ما خطط له و حلمت به فما هي طموحاتك الجديدة؟؟

هلأ داخلة على مرحلة جديدة كلياً بحياتي يعني رح اكون اسرة ان شاء الله اقدر أأسسها زي ما بدي
ماذا تفعل في يوم كامل نصبت فيه مشرفا عاما للمنتدي وما هي قراراتك في ذلك اليوم؟

المنتدى ما شاء الله كامل مكمل ما ناقصو شي ولله الحمد لكن يمكن بحط قسم لسماع القرآن الكريم بمختلف الشيوخ


اسئلتك كتير حلوة حبيبتي واستمتعت وانا بجاوب ما تحرمينا ،،، الله يحميكي

[قاهر الصعاب]

يسلموا دمعة اسى

وانا صغير كنت مستغرب كيف اكبر لكني كبرت وتخرجت من الجامعة والله اعطاني ، وابتلاني !! والحمد لله رب العالمين .

انا جاوبت على اول سؤال فقط وبكتفي .

[PaLeSt!Ne SouL]

اجمل احساس

تسلمي حبيبتي ع مرورك الطيب

الله يسعدك و يرزقك الذرية الصالحة

[PaLeSt!Ne SouL]

قاهر الصعاب
مشكور على مرورك