إِعتِذَآآرْ لِكُل البَـــنَــــآآت

[ღ حورية فلسطين ღ]

كيفكم ..

شو اخباركم ..


نفوت بالموضوع على طول بلاش الف وادور عشان ما تفكروه مقلب

بطلت المقالب من زمان انا بطلت حدا يصدقني

هالمرة الموضوع فعلا جدي

لأني عن جد ما بحب حدا يزعل مني

هالموضوع سببلي ازمة نفسية بجد

بس والله غصبن عني

كتير من البنات اذا ماكانو كلهم زعلانين مني

والسبب !!

بطنشهم لما يحكو معي عالمسنجر

بس والله مو حكاية بطنشكم

بس عن جد حاولو تلتمسولي العذر

اكتر من بنت صارت مسمعيتني كلام بسبب الطناش

واكتر من بنت زعلت مني بسبب الطناش

حتى من كتر ما فقدو الأمل مني صارو يشكو لوردتي علي

اجتني نونتي بهدلتني بتحكيلي صار واصلني الف شكوى عليكي بسبب طناشك للبنات

وبحكو انك اتغيرتي عليهم وبطلتي تحكي معهم وبحكو معك بتنطشيهم وما بتردي عليهم

انا هون رح احكيلكم ظروفي ورح احكيلكم شو اللي بصير معي

عشان تعرفو عن جد إني ما بطنشكم بس ما بقدر ارد عليكم

اول شي .. طول يومي بالدوام والكل عارف اكتر وقت بفوت فيه بالليل بعد ما ارجع من دوامي

والله ما بكون فاضية يعني يادوب ارجع افتح إيميلي بنطولي عشرطعشر شخص يحكو معي لأنه بكون طول اليوم مو فايتة والكل قاعد بستنا بحضرة جنابي وبعرفو انه مافي غير هالوقت يحكو معي فيه فبنطولي

انا بهالطريقة ما بعرف احكي مع حدا وبنفس الوقت بكون مشغولة بميت شغلة

والله حتى اكتر الشغل بدوامي صرت اخليه للبيت لأني ما بلحق اعمله هناك وحضرة جنابه المدير بتكل علي بكتير شغلات لأني انا إيده اليمين الله يحفظني فعنجد بكون مشغولة

وانا من النوع اللي اذا عملت شغلة بحب اركز فيها وما بتطلع بشي تاني بالمرة

هاد شي

الشي التاني اللي ما بتعرفوه

انو انا طحشة .. لا بس هاي بتعرفوها من زمان ههههههههه

لا عن جد بعمل عملة بتقهر وما حدا بعرفها غير نونتي ودايما بتبهدلني عليها

وخايفة احكيلكم عليها تصيرو تبهدلوني انتو كمان

بس رح احكيها حتى لو على قطع رقبتي عشان تعرفو انه انا ما بكون قاصدة اطنشكم

بترك المسنجر مفتوح هيك وبروح

حتى ما بتعب حالي وبحط الحالة بالخارج

بتركه متصل وبروح

يا بطلع من البيت

يا بروح عالشغل

يا بنام

يا بروح باكل

وانتو بتحكو معي وبتفكروني موجودة وبطنشكم بس عن جد انا ما بكون موجودة

مش عارفة كيف احكي وكيف ابرر

بس عن جد بعتذر منكم والله مو قاصدة اطنشكم

وما بحب حدا منكم يزعل مني

والله ما بهون علي زعلكم

حاسة البنات كلهم مو طايقيني حتى في بعضهم حزفوني بسبب الحركات البايخة اللي عم بعملها وبدهم يعملو فيني هيك

بس والله بدون قصد ما ابيخكم كيف بهون عليكم تزعلو من حرحورتكم

عن جد انتو بايخات

والحق علي اللي عبرتكم واعتذرتلكم ههههههههههههههههه

معلش انا بكحل وبعمي بنفس الوقت

اعتذار خاص لـــ

امل & هيا

لأنهم واجهوني بالحقيقة ^_^

لمور & عين فلسطين

لأني امبارح عن جد حسيتهم زعلو لأنهم وهما بحكو انشغلت وبطلت ارد عليهم وضلو ينادو علي وما انتبهت الا من بعد ما زعلو وطلعو

وطبعا اعتذاري لكل البنات اللي زعلانين مني بسبب طحاشتي

وبدكم تبهدلوني بهدلوني انا راضية بس لا تزعلو مني


وهي حبة مسك حلوان الصلحة

[أســـآمـة]

ههههههههـــ

بعينـــ الله~ْ

[ღ حورية فلسطين ღ]

المشاركة الأصلية كتبت بواسطة !.:.OsAmA.:.! ههههههههـــ

بعينـــ الله~ْ

دوم الضحكة

نورت خيو

[أمل]

لا لا شو إعتذار ما إعتذار انا مش راضية و بدي آخد حقي يعني

طحوشتي الهبولةولي عليكي يعني انتي ليش بتحكي هيك يعني عاملة حالك كإنك مش عارفة غلاوتك يا دبة

هو مين يقدر يزعل من الزعيم موبوتو سيسيكو

حرحروتي سنوشتي نحنا الي بدنا نعتذر منك و الله مقصرين نحنا كمان في حقك

الله يخليلنا إياكي و ما يحرمنا منك يا اعز طحشة بالكرة الأرضية

خلاص ما بحب المواضيع الي فيها تراجيديا الي فيني مكفيني

إنتي أغلى مما تتصوري سنسن

[ღ حورية فلسطين ღ]

المشاركة الأصلية كتبت بواسطة *أمل* لا لا شو إعتذار ما إعتذار انا مش راضية و بدي آخد حقي يعني

طحوشتي الهبولةولي عليكي يعني انتي ليش بتحكي هيك يعني عاملة حالك كإنك مش عارفة غلاوتك يا دبة

هو مين يقدر يزعل من الزعيم موبوتو سيسيكو

حرحروتي سنوشتي نحنا الي بدنا نعتذر منك و الله مقصرين نحنا كمان في حقك

الله يخليلنا إياكي و ما يحرمنا منك يا اعز طحشة بالكرة الأرضية

خلاص ما بحب المواضيع الي فيها تراجيديا الي فيني مكفيني

إنتي أغلى مما تتصوري سنسن

يااااااااااااااااعمري على طحوشتي امولتي ياناس

ياربي يسعدلي ياها وما يحرمني منها ياااااااااااااااارب

حبيبتي والله كلنا مشغولين ولازم نعذر بعض اذا احنا ما حسينا ببعض مين بده يحس فينا

فديتك وانا ما بحب الأفلام الهندية كمان ههههههههههههههههههههههههه

يسعدلي ياكي

والله بعلم بغلاوتك بقلبي يا امول

ولو ما كنتو غاليين علي والله ما بسأل بزعلكم

بس بجد ما بهون علي زعلكم

فديت قلبك يا اطيب قلب

[haboosh]

ههههههه

ابعتيلبيايميلك و شوفي كيف ماااااااااااااا بزعجك...

[ღ حورية فلسطين ღ]

المشاركة الأصلية كتبت بواسطة haboosh ههههههه

ابعتيلبيايميلك و شوفي كيف ماااااااااااااا بزعجك...

ههههههههههههههههههههههههههههههه

خلص ماشي ولا يهمك يا عسل

نورتي

[عزيز النفس]

شئ ظريف :)


بيعن الله اعذروها يابنات ,,, :)

[ღ حورية فلسطين ღ]

المشاركة الأصلية كتبت بواسطة عزيز النفس شئ ظريف :)


بيعن الله اعذروها يابنات ,,, :)

مرورك أظرف خيو

اه اسمعو كلامه واعذروني يا بنات

نورت خيو عزيز

[[ Islam ]]

ههههههههههههههههههههههههههههههههههه ههههه

ولي السمايلات بجننوا

بدي اياهم :@