!ً<>َ! مـــــــاذا .. افتقـــــدنـــــآ !َ<>َ!

[limar]

اوكي

راح ابلش انا

من شي سنة تقريبا

فقدت شي غير حياتي

كنت اسمع عن ناس كتير فقدت اشخاص عزيزين عليها

احزن بس عادي يكون الوضع

انو الله يرحمهم ويصبر اهلهم

انا بابا تقريبا عطول مسافر

بيشتغل وبيجي بيئعد اكمن يوم وبرجع بسافر

الله يخليلنا ياه

الله بعتلي انسان ما بفرئو عن بابا

اعطاني حنان ما عمري اخدتو من حدا ولا بتخيل انو في حدا بهالدنيا يعطيني الي اعطاني ياه

اد ما حكيت عنو والله ما بوفيه

هالشخص كان عمي الله يرحمو

لو بدي احكي الي قدملي ياه ما بخلص

ما كان يمر يوم علي الا لازم شوفو

ازا كان بدي شي او بنفسي شي انسى كل اهلي واطلب منو

وهوة كمان والله قبل ما اطلب الطلب يكون عندي

ازا سمع انو بس بنفسي شي قبل تاني يوم يكون عندي

معروفين صرنا بالعيلة

كنا صحاب مع انو اد ابوي

كنت ناديلو باسمو ما ئلو عمو

عندو بنات وهدول من اقرب الناس الي

كنت جاكرهن وغلس عليهن مرات وكانو يحكو لابوهن مين اقربلك احنا ولا هية

ازا جاب لبناتو شي يكون عندي متلو قبل ما يوصل لبناتو

ازا زعلت مع حدا ئلو ازا تخانئت مع اهلي روح لعندو

ما بعمري خبيت عنو شي

كان شي اساسي بحياتي

بس هادا الي الله كاتبو والله يرحمو

اسوأ فترة كانت بحياتي كانت الفترة الي توفى فيها

تغيرت كتير من وقتها ولهلأ مو ئادرة ارجع متل ما كنت

خلص متل شي انكسر وما عاد يرجع

وئتها كنت اول مرة بحس شو معنى الواحد يفقد شخص عزيز عليه

الله لا يدوئها لحدا والله يخليلنا اهالينا

اد ما حكت عنو ما بفيه حئو

كان من اكتر الاشخاص الي الها اهمية بحياتي

ادعولو بالرحمة

وشكرا كتير