هاجس تعلم اللغة الانجليزية ،، هل يشغلك ؟

[نور الهدى]

موضوع جميل

هو انا بصراحة مستواي في الانجليزي ضعيف

و في البداية ما اهتميت بالموضوع كتير لأنه في بلدي الجزائر الفرنسي اهم من الانجليزي .. فحتى قبل مجيئي مع اسرتي لفرنسا كنت اهتم كثير باللغة الفرنسية و حتى اهلي .. و المجتمع كله كان هيك لدرجة انه بعض الكلمات ما تنقال الا بالفرنسية و بعض الكلمات العربية مفرنسة

و هلأ تقريبا معظم كلامي مع اخواتي كمان فرنسي .. مش قصة اني بحب هاي اللغة اكثر من العربية او انه نوع من الفشخرة .. لكن من لما كنا صغار هيك تعودنا .. لدرجة انه كانت بعض الحوارات و حتى الطوشات بين امي و والدي بالفرنسي

بدي ارجع لموضوع الانجليزي

انا فعلا مهتمة اكثر بالموضوع و ناوية ادخل معهد لتعلم اللغة لما اخلص توجيهي .. لأنه تعلم اللغة في المدرسة بس ما بكفي و عدد الساعات المخصصة للانجليزي قليلة ..

سبب اهتمامي مش الوظيفة المستقبلية او الدراسة بالجامعة .. بس هيك بكون في قدرة على التواصل مع الآخرين بشكل أكبر و بهيك ننشر الدعوة لعدد اكبر من الناس ^^

أعتبر تعلمي للغات في سبيل نشر الدعوة بإذن الله .. و يا رب يقدرنا و نتعلم لغات اخرى مش بس الانجليزي :)

يسلموا احلى رورو