اخيرا عندي الدليل ان البنت افضل من الولد

[جورية القسام]

في حديث رسول صلى الله عليه وسلم ان المسلم الذي يرزقه الله بابنتين او ثلاث فيحسن اليهن وينفق عليهن يكن حجابا له من النار في الخرة ،وسببا في دخوله الجنة .

كان معاوية بن ابي سفيان يحب ابنته ويفخر بها فيقول مادحا البنات :
ما قام بتمريض المرضى ولا حزن على الموتى ولا اعان على الزمان ولا اذهب ظلمة الاحزان مثلهن ، وقال عبد الله بن المقفع انهن الامهات والاخوات والعمات والخالات ومنهن الباقيات الصالحات .

قال الشاعر :
فلو كان النساء كمن وجدنا
لفضلت النساء على الرجال
وما التأنيث لاسم الشمس عيب
ولا التذكير فخر للهلال


الطريف ان العلماء بعد البحوث والتجارب اكتشفوا ان النحل الذي ينتج اعسل يحب رحيق الازهار واذا اراد لسح الانسان فاه يفضل البنت على الولد ، واذا مر سرب من النحل على ولد وبنت فانه يتجاهل الولد ويتجه نحو البنت كانها في نظره زهرة من الزهور .

7
7
7
7
7
7
7
7
7
7
7
7
7
7
7
7
7
7




احم احم

شفتو يا اولاد !!!!!!36_1_1[1]


ملاحظة : انا وضعت الموضوع في القسم العام حتى يسمح للأولاد بالمشاركة

[أســ{ــمــرآنــ}ــي]

ملاحظة : انا وضعت الموضوع في القسم العام حتى يسمح للأولاد بالمشاركة

ههههههههه

عجبني الوصف ,,, اولاد هههههه

مممممم

صح انتو البنات افضل منا ,,, بأيد هالحكي انا ,,

[السيف عدي]

المشاركة الأصلية كتبت بواسطة asmarani

ملاحظة : انا وضعت الموضوع في القسم العام حتى يسمح للأولاد بالمشاركة

ههههههههه

عجبني الوصف ,,, اولاد هههههه

مممممم

صح انتو البنات افضل منا ,,, بأيد هالحكي انا ,,

هاي هي اخرتها !!!

لا وبتحكي بفخر كمان ..

واحنا اللي شادين فيك الضهر .. !!!

افا بس .. احكيلك كلمة يا زلمة ..

تسلملي .. بس شد شوي عليهم ..

[أســ{ــمــرآنــ}ــي]

المشاركة الأصلية كتبت بواسطة السيف عدي هاي هي اخرتها !!!

لا وبتحكي بفخر كمان ..

واحنا اللي شادين فيك الضهر .. !!!

افا بس .. احكيلك كلمة يا زلمة ..

تسلملي .. بس شد شوي عليهم ..

هههههههههههه
خيوو سيف في مقوله بتحكي ,, " إتمسكن حتى تتمكن " ,,

إحنا اقلية في المنتدى ,, ومو من مصلحتنا نفتح اي جبهة مع البنات بالفتره الحاليه ,,

داريهم هلأ ,, ولما نشوف الوقت المناسب بنشد عليهم ههههههه

[السيف عدي]

المشاركة الأصلية كتبت بواسطة asmarani

هههههههههههه
خيوو سيف في مقوله بتحكي ,, " إتمسكن حتى تتمكن " ,,

إحنا اقلية في المنتدى ,, ومو من مصلحتنا نفتح اي جبهة مع البنات بالفتره الحاليه ,,

داريهم هلأ ,, ولما نشوف الوقت المناسب بنشد عليهم ههههههه

عهعهعهعههعهعهع .. اوكيه

[السيف عدي]

لااااااااااااااااا .. ما حزرتي ..

الشباب احسن بكتير اصلا فش مقارنة ..

في القران : ( وللرجال عليهن درجة )

وكمان قال : ( الرجال قوامون على النساء )

وكماان ام السيده مريم قالت وهي حامل في السيدة مريم ام المسيح

لما قلها ربنا انو في بطنك بنت .. قالت ( أأذكر كالانثى ؟ ) هي كان بدها رجل .. مش بنت ..

وزعلت لما اجالها بنت .. ،، يلا عاد شوفولكم مكان تضلضلو فيه من الشمس لانو حر عليكم الوقفة هون..

وما ألك هلأ غير انو نشكرك على الموضوع الحلو ..

والله معك .. .. خخخخ بمزح .. ما تزعلي ..

[روان فلسطين]

اسمراني يا عمي يا هيك يا بلا خلص اعترف من اولها وريح بالو

ناااااصر >>> انتو درجتكم علينا درجه السياده لانكم انتو للهم والشقا والتعب ونحنا للدلع والراحه والتأمر

بعدين انا بابا دايما بيحكي قدام الكل عندي روان بدزينه ولاد بس تبطل هبل

[السيف عدي]

المشاركة الأصلية كتبت بواسطة روان فلسطين
ناااااصر >>> انتو درجتكم علينا درجه السياده لانكم انتو للهم والشقا والتعب ونحنا للدلع والراحه والتأمر

بعدين انا بابا دايما بيحكي قدام الكل عندي روان بدزينه ولاد بس تبطل هبل

نعم نعم خخخخخخخخ .... هاي الناقص ...

لا لا ولا في الاحلام يا ماما .. اصلا الشباب بعملوا كل اللي بدهم ايااااه ..

والبنات متخبين في البيت لا بطلعو ولا بنزلو ..

والشباب عمليين اكتر .. بس البنات حكي في حكي في حكي ما بخلص ..

فيا توافقي على كلامي يا تشوفيلك كوكب تاني..

[روان فلسطين]

الجوري طبعا بدون نقاش نحنا احسن بيكفي الحنيه يلي فينا والدلع واللطف والمساعده يلي بنقدمها نص الولاد ما بيقدرو عليها لو اجتمعو يعني من الاخر كل بنت بدزينه اولاد بس تبطل هبل ( مقتبس من بابا )

[روان فلسطين]

يا بابا شوفلك انت كوكب تاني
البنات يلي بتحكي عنهم هدول ايام سيدي وستي هلأ البنت بتعمل كل شي بحريتها واكتر من الشب ومثال صغير
كانت مدربتي بالجيم مشتغله بالجيش الليبي لامتر من 14 سنه وكل عسكريين البلد بيضربولها سلام
والبنت بتسافر وبتتفسح وبتطلع ع راحتها هالايام مو متل الشباب من البيت للشغل وبيروحو هلكانين وبطبو ع المخده كنها بدها تطير