فلسطيني ممنوع تعيش !!!!

[محمد_فلسطين]

فلسطيني ممنُوع تعيش
قالولك أسكت

إخرسْ

ما تحكيـــشْ
انت خلقت للتلطّيش
للمعابر
للحواجز
للتفتيـــــش
بدهن جبينك ينداس من الحاكم
للشاويش
فلسطيني ممنوع تثور
ومش مسموح تكون مقهور
إيّاك تطالب بحقوقك
إوعى بيوم تشوف النور
ممنوع تجددّ بطاقة
ممنــوع تجددّ باسبور
فلسطيني وبدّك تتعلم
!!!
هي شغلة ضد الدستور

فلسطيني لازم تتألم
من دون ما يشوفك دكتور
فلسطيني ممنوع تتظلّم
ولا يطلع بجناحك ريـش
فلسطيني ممنوع تعيش
فلسطيني بكل المطارات اسمك بالأحمر مكتوب
وعشُبّاك مصلحة الجوازات كتبوا عجبينك مطلوب
لازم تتوقف ســـــاعات مُذنب

او من دون ذنوب

ويتوجهلك اتهامات
بأنك سبب كل الحروب
كأنه بسببك الحق مات

والعدل بأرضك مصلُوب

وكأنك سبب كل النكسات

وكل ويلات الشُعوب

وكأنه بسببك مجرم

فات على جنين

بلحظة الغروب
وذبح صبيان وبنات

وعجّز على امره مغلوب

مع ان الحقيقة
انا أليّ بالدنيا ضحية
عملتوني مادة للغُنا
وقضية الىّ ما عنده قضية
انا اليّ راسي ما انحنى

بوجه الريح القوية

انا اليّ شعبي صمد
من الضفة للرشيدية
انا اليّ شعبي انتفض وبحجر قاوم دوريةّ
واليوم
وبكرة
وللأبد
عندي كلمة وحيدة هيّ
فلســــطين عربية
ورح ترجع عربية
ورح تبقى عربية

[الاماني الفلسطنية]

ان شاء الله بعد العسر يسر ... وباذن الله كلو بثوابه ...

لانا شعب مرابط .. والله اختارنا وشرفنا انا نكون اهل الرباط وبارضنا ارض المحشر ...

شكرا على موضوعك اخي ...

[أســ{ــمــرآنــ}ــي]

مهما عملوا فينا
بنضل فلسطينيه مرفوعين الراس

كل الشكر الك

[HaDoOoL]

عندي كلمة وحيدة هيّ..
فلســــطين عربية..
ورح ترجع عربية..
ورح تبقى عربية..

ان شاء الله رح يتحقق هالشي..ورح ترجعلنا فلسطين..
يسلموووا ع الموضوع الحلو...

[بنت الفردوس]

يسلم ثمك ي ا اخ ع هذه المشاعر الصادقه والنبيله
فوالله نحن فلسطينيون كنا وسنبقى وما زلنا رافعي الراس
وان شا الله ستتحرر فلسطين

[ضوء الشمس]

الله يسر أمورنا وانصرنا


موضوع كلماتوا حلوة



يعطيك العافية أخي

[:: غربة الروح ::]

فلســــطين عربية
ورح ترجع عربية
ورح تبقى عربية


ولا مكان للأنذال بيننا..

مشكور اخي

[محمد_فلسطين]

شكرا على مروركم

[ضوء الشمس]

بعين الله


كلوا بجزاؤه


يعطيك العافية على الموضوع

[شقيقة القمر]

مشكور ميدو للاسف هيك حياتنا بس شو بدنا نعمل قدرنا والحمد لله