للي جربوو هالموبايل قولولي شو رأيكم فيه

[اميرة باخلاقها]

بصراحة انا جربتو يومين

ومن هبلي رحت بدلتو بواحد موتورولا

بس بدك الصراحة انا حبيتو

وشكلوو حلو

وبنت عمي قبل فترة اشترت واحد متلو ب 650 على ما اظن

بتمنى تكوني استفدي مني شوي

[نابلسية كححح]

يسلمو خيتو شيموو ع المعلوماات

ومنكم نستفيد ...

مشكورة لمرورك

[.:.!دموع الرحيل!.:.]

هلا حبيبتي ..

شوفي يا عسل انا موبايلي 5300 ..

وصرلو عندي .. شي 10 اشهـر

وهيو هلأ صرلو شي شهرين عند المصلح مش راضي يزبط ..

هو الموبايل نعوم وحلو وبناتي ..

بس بدك تديري بالك عليه ..

يعني انا بس لأنـي غيرت الكوفر تاعه .. هيو خرب ..

والمصلح بعد ما كعي فيه . . بقولي يمكن يزبط .. ويمكن لاء

لأنه العطل الي فيو كتير زنخ .. واحتمال يصير للكب ..

هلأ ما بعرف اذا بس موبايلي صار فيه هيك ,, بس انا ما دعكته ..

يعني كتير بدير بالي عليه .. وخرب !

قاللولي ناس قبل ما اشتريه .. انه فيو لقدام أعطال

ما صدقت .. لأني كنت مصرة عليه عشان شكلو ..

بس هلأ بصراحه ندمانه ..

بالنسبة للموسيقى .. منيح وصوتو عالي .. ماشي حالي .. بس مش أعلى صوت بالموبايلات ..

بس بصراحه بعلق كتير ..

اذا استعملتو شي نص ساعه متواصله ..

خصوصي بعد ما كبرت الميموري ..

رغم اني ماليتها كلهـا ..

يمكن يكون حظك فيه أحلـى .. ما بعرف

بس بالنسبة لتجربتي ,, أنـا هلأ مش عارفه كيف اخلص منو ..

واذا ما اتصلح مع الزلمة .. يعني خلص للكب .. حتى بيع مش رح يشتروه مني ..

الـ 5200 .. هو نفسو الـ 5300 .. نفس الأوبشنز ..

بس شاشة الـ 5300 أكبر .. وااذا بتلاحظي الكبسات تاعت الموسيقى ..

عالـ 5300 من برا .. الـ 5200 عن الجنـاب ما في شي غير رسمة ..

بس هيدا الفرق

نصيحة اشتري واحد عملي .. انا هلأ ندمانة اني ما رديت عاللي نصحوني .. وجبت شي

متل الـ N70 ,,, ولو انه شكلو مش زيادة للبنـات ..

بس هيو الشكل ما نفعني .. غلبني :S

بالمقابل .. هيو في نـاس معهم ياه .. ولسه منيح . حسب والله

اعملي استخارة

الله يلهمك الخير يا قمر