خاطره بعنوان ( شو عم بصير بالدنيا) عن صله الرحم من تأليف أحمد شبلاق

[أحمد صلاح شبلاق]

شو عم بصير بالدنيا

الأخ بغار من أخوه

الابن صار يِسب أبوه

الأخ بيقتل مظلومة بقضية شرف أخته

وأبوه من اللي عمله بطخه

الواحد بطل يستحي على دمه

ويسال على عمه

والعمة والخالة

نفس الحالة

الواحد بطل يسال على خاله

مشغول بالهدنيا ومش فاضي يسال عن حاله

نسي انه الخال والد

وانه راح يموت ومش خالد

الحمايه بتكرها مرت الولد

وبتقول ياريته من غير أمه أنولد

الرجال صاروا بنسوانهم يشكوا

والارتباط اللي بينهم يفكوا

بطل موجود بحق وحقيقة الصديق

اللي بكون عند صاحبه وقت الضيق

صار لما يحتاج الصاحب صاحبه جنبه

بيعمل حاله ما بحبه وطلعه من قلبه

تأليف أحمد صلاح شبلاق * أبو فدائي

[عازفة الاحزان]

معك كامل الحق
الدنيا هيك صارت!!!
كلماتك جميله جدا
تحياتي وتقديري لك ولقلمك المبدع

[سوما]

أخي أبو الفدائي
كلمات رائعة تعالج ظاهرة مهمه ..... لكن الأروع أسلوبك في صياغتها
تقبل مروري .........ز دمت لنا

[أحمد صلاح شبلاق]

عازفه و سوما اشكركم جزيل الشكر على ردودكم الدائمه

لازم نشوف حال بالموضوع

دمتم بخير وللمنتدى

[سوما]

والله يا أخي أبو الفدائي من كتر ما هالشعر عاجبني عم اكتب مرة تانيه ردي عليه
فلهيك الله لا يحرمنا من هالشعر الحلو ..... هأ بل الرائع
دمت لنا

[روزي]

هي صحيح الضاهرة موجودة وسلمت ادك اخي بس لسا في خير بالدنيا كتير مالازم نفقد الامل ابدا وتقبل مروري

[أحمد صلاح شبلاق]

الله يحلي ايامك سوما كلك زوء

والله مش عارف شو احكي

الله يقدرني و اكون عندك حسن ظنك

موفقه

[أحمد صلاح شبلاق]

الله يسلمك روزي

ان شاء الله يزيد الخير اكتر و اكتر وانا شو بدي غير الخير لكل الناس

شكرا على ردك ومروك

موفقه