شعر بعنوان (لا فرحة لأطفال فلسطين) تأليف أحمد شبلاق

[أحمد صلاح شبلاق]

لا فرحة لأطفال فلسطين

الخوف كل يوم بدق بابنا

ما بنفرح ازا اليوم ما صابنا

عشان عارفين انه ما سابنا

لانه راح يجينا تاني يوم

ويحرمنا النوم

الفرحة صارت علينا ممنوعة

شو صرخاتنا بطلت مسموعة؟

ولا قلوبكم من حجر مصنوعة؟

ولا قضيتنا صارت مبيوعة؟

والله قلوبنا صارت موجوعة

مابدنا أصواتنا من الصدى تكون مرجوعة

كم واحد لازم يستشهد منا

عشان تعرفوا انه في ظلم وحرب عنا

أظن اللي راحوا بكفوا

ولا بدكم اليهود كمان منا يصفوا

بدنا منكم أفعال

أو أقوال بأسوأ الأحوال

على الأقل بدنا كلمه حق فينا

انه أرض فلسطين لينا

تأليف أحمد صلاح شبلاق

[عازفة الاحزان]

في غاية الروعه والجمال كلمات مؤثره
بس والله ما حدا سامع يا اخي كلنا منادي
وانا كتبت خاطرة بعنوان أين أنتم يا عرب؟؟ فالاقصى ينادي....
ولا حد سامع ولا شايف الصرخة إلي من القلب بطلت تطلع
وإنشاء الله منصورين بإذن الله
فلسطينيه وأفتخر

[أحمد صلاح شبلاق]

شكرا كتير عازفه الاحزان على المرور والرد

ان شاء الله منصورين

موفقه

[سوما]

أخي احمد ستبقى لنا فلسطين الأب والأم
كلمات رائعة أخي أحمد ولا تحرمنا من جديدك
تقبل مروري ........دمت برعاية الرحمن

[أحمد صلاح شبلاق]

اشكرك سوما على ردودك الرائع وكلمات واشعارك الرائعه ايضا

موفقه

[عيوني لفلسطين]

الله يعطيك العافية كلماتك روووووووووووعة حتى لو مافي احد ساعدنا الله معنا ووعدنا بلانتصار عليهم باذن الله

[أحمد صلاح شبلاق]

تسلمي عيوني لفلسطين

الله راح ينصرنا ان شاء الله

موفقه

[روزي]

للأسف مافي حدا يسمع او يحكي كلمت حق الكل مشغول بحالوا بس انشاء الله بجي يوم هالطفال يكبروا وياخدوا حقهم من كل واحد ظلمهم وشكرا لك اخي واتمنا ماكون طولت بالرد

[أحمد صلاح شبلاق]

بالعكس روزي شكرا كتير على ردك وسعيد بالرد

يسلمو على المرور

دمتي بخير