][®][^][®][مــــــآيــــك المــنــتــدى مع مديرنا مــحــمــود][®][^][®][

[.:.!دموع الرحيل!.:.]

ههههههههههههه

شو بلاقي الموضوع فيو شبه علقة

تسلمولي والله .. الله يخليلي يــــاكم ..

وانا هيني جاي احكي ع المايك .. استنوني ..

مع اني مش عارفه حالي شو احكي .. لأنه بحس الكل بيعرف عنـي كل شي ...



يا خوفي أحكي وما اسكت .. ههههههههههههههههه



يالا برب ان شاء الله .. عشــان أبلش .. مسلسلـي الدرامي على فكاهي .. الله أعلم شو رح يكون

[.:.!دموع الرحيل!.:.]

بسم الله الرحمـن الرحيـــم ..

السلام عليكم ورحمة الله يا عرب

كيفكم .. وشو أخباركم

بداية بحب اعرفكم على حــــــالي ..

اسمـي نانا وعيلتي ننوش

هههههههههههههههههههههه

بمزح طبعا .. اسمي .. اسم من هالاسماء .. ودلعي نانا .. متل ما الكل بيعرفني ..

هون وعلى أرض الواقع .,

فلسطينية لاجئة ولدت في لبنـان وما زلت أعيش فيـــــهـا

عمري 23 سنة ..

سنة تالتة جامعه .. شريعه إسلامية

بحــــب كل شيـــــ بالحيــــــاة .. بعيداً عن غضب رب العالمين ..

اي شي اي شي بالدنيا بحبو ..

بحــــــب النــــاس كتير كتير

ما بعرف ليش ،، مش قصدي انه انا متفاجئة من حبي الطبيعي للناس ..

لا انا بحب النـاس كتير يعني كيف بدي اقولكم .. بحس كل الناس قراب مني .. وقطعه مني

وكنــت أحس الناس مسكينة .. ويوجعني قلبي عليهم ههههههههههههههه

وانو لازم احس مع الكل .. وكأني انا مسؤولة عن الجميع .. ههههههههههههه

حطوني بس لاشفق على النـاس .. مع انه يمكن يكونو مرتاحين أكتر مني ..

بس مدري هيك ممكن أقل حركة تخليني أحزن عالأشخاص ..

وافكر انه كيف هالانسان .. حس احساس مش حلو .. وبقعد احزن عليه

هالشي زمـــان كـان عنـدي أكتر من هلأ ..

بس هلأ أحسن بكتير .. قسي قلبي شوي ع مرور الزمن ..

يمكن صرت شغل عقلي .. أدد عاطفتــي ..

مش عاطفتي غالبة عقلي ..

وهيك انا مرتاحه اكتر ..

لأني كنت حامله هم الناس كلها ع راسي .. مع انه ما يكون في صلة بيني وبينهم

ولا الي دخل فيهم .. واذا حزنت مش رح انفعهم بشي ،، واصلا ما بيعرفو انه انا

حزنانه عليهم .. بس بسلي عافية حالي

ههههههههههههههه جد مش عارفه ليش هلئد كنت .. بخاف ع الناس ..

كأني مخلفيتهم وناسيتهم .. بس خلص .. الله جبر بعدني بحب الناس كلها كتيــــــر

بس بدون حزن .. ومأساة

طبعـا هون بقصد الناس بشكل عام ..

ناس بعاد عنـي .,

بس هلأ الناس حبايبي وقرايبي .. طبعا بفكر فيهم وبفرح لفرحهم وبزعل لزعلهم ..

وبفكر بعقلي وكل شي ..

لكن عقدة الحزن على الناس البعاد .. بسبب وبدون سبب انشفيت منها

//

كنــت عمبحكي عن حالي واطلعت من الموضوع ..

شو بعد خبركم عن حالي ..

أظن هيك أعطيت فكرة عامه معلومـات عنـي ..

برجع وببلش أحكي عن حالي من لما كنت صغيرة

ان شاء الله

[.:.!دموع الرحيل!.:.]

بداية انـا اول بيبي لأهلي .. يعني انا البكر ..

واهلي بيقلولي انه الحمدلله من لما كنت صغيرة وجي حلو عليهم ..

من وقت ما ماما خلفتني ..

بابا فتح المحل .. والله فتحهـا عليه على وجهي .. هاي دايما بيتزكروهـا

الحمدلله الي ذكرى حلوة من وقت ولادتي ..

هلأ ماما بتقولي انه من انا وصغيرة كنت نقاقة كتير كتير

أضل ابكي وابكي ..

من الأخر نكدة كتير ههههههههههههه

بتقولي ماما اني عذبتها بنكدي بشكل مش طبيعي من لما كان عمري اشهر ..

وقال كنت احب السهـــــــر كتير

يعني تصير 3 الصبح وانا قاعده سهرانه .. وما اخليهم ينامو

بس بشرط مش أسهر ع الفاضي لااء

لازم يولعو التلفزيون .. والا ما بسكت ههههههههههههههه

قال عمري 3 أشهر .. اضل ابكيلهم ابكيلهم

لحد ما يضوو التلفزيون خلص بسكت .. وبشرط إيمتى؟!

بنص الليل .. بس قالولي هالحكي ..

قلتلهم احمدو الله الي ما كنت اقعد ع الإنترنت

//

وبس .. وكبرت وصار عمري شي 3 سنين .. وصار لازم ادخل ع المدرسة ..

بتقولي ماما اني كنت غريبة عجيبة ..

كان أول يوم ببعد فيه عنهم .. وبروح على هالمدرسة ..

دخلت ومعي بابا .. وإذ بهالولاد كلهم عميبكو ..

ما بدهم يتركو أهاليهم ..إلا انا داخله على هالمدرسة ومفتوحة نفسي

ههههههههههههه

ولا مستغربة ولا خايفه .. ولا مدايقه ع بعد أهلي ..

وتركت بابا وقال رحت عند الولاد اقولهم

ليش بتبكي يا حبيبي ؟ بدك بابا هههههههههههههههه

وضليت هيك .. أوائل سنيني بالمدرسة أحبها كتير ..

لما يجي يوم العطلة .. أفيق واقعد على باب غرفة ماما .

وابكــــــي واقولها لبسينيييييي بدي روح عالمدرسة

هههههههههههههه وماما تنجن مني .. قال ما بعذبهـا بالروحة عالمدرسة ..

بعذبها من عدم الروحة ع المدرسة

بس لما كبرت بطلت هيك .. صارت تفيقني غصب عنـي .. وانتزع حب المدرسة من قلبي ..

صار حبها من الماضي هههههههههههههههه

بالنسبة لنهفاتي بالمدرسة ..

بتذكر مرة .. كنت صغير يمكن روضة ..

صار أخر الدوام .. والباص بعبي الولاد ..

واانا قال معي شوكولاته ضلت معي من الفرصة ما خلصتهـا

قام قعدت على بنك بالملعب .. وراسي ومية سيف ما اقوم الا لما اخلصها ..

ههههههههههههه

والباص عبى الولاد ومشي .. وتركني

ومر الوقـــــــــت .. وصار لازم ارجع ع البيت

ولسه ما رجعت ,,,

وانا خلصت هالشوكولاته وانتبهت اني لحالي بهالملعب ما في حدا !

بس هلأ بصراحه ما بتذكر شو كان شعوري ..

بس بتذكر انه صارت شي الساعه 4 بعد الضهر ..

وانا لسه ما رجعت ع البيت .. كلو عشان شقفة شوكولاه

ههههههههههههههههه واهلي قالبيين الدنيـا ..

ومتصلين ع المسؤولات بالمدرسة ..

ورجعو اجو ع المدرسة لقوني ,, ورجعوني ..

بس وصلت سألوني .. ليش ما جيتي بالباص ؟

قلتلهم كنت عمباكل الشوكولاه

//

هلأ هاي أول مدرسة .. الي كنت فيها لما كنت روضة ..

بعدين صارت الحرب ..

ووقفونا .. دراسة من نص السنة ..

وكنت لسه روضة تانيه ..

وراحت عليي السنة كلها ..

السنة الي بعدهـا نقلني بابا على مدرسة تانية ..

هي الي قضيت فيها أغلب سنين دراستي ..

عدت فيها الروضة التانية .. وبقيت فيها لسادس ابتدائي .. !

وإلهــــــا كتير كتير زكريات حلوة ..

[.:.!دموع الرحيل!.:.]

هلأ المدرسة التانيه بابا كان يضل يقولي

المدرسة فيها بطة وسلحفــــــاة وكان يحببي فيها كتير ..

لحد ما اتشوقت كتير لروح عليها ..

ودخلتهـا ..

ولسه لهلأ بتذكر اول يوم الي فيها ..

كنت فايتة حايصة مش عارفه حالي وين اروح ..

والا بلاقي بنوتة .. واقفه على باب صف الأرانب ههههههههههههههه حسب ما أذكر

المهم شي من الحيوانات الأليفة كان اسمو هالصف ..

وطلعت بصفهـا وهي لسه لهلأ رفيقتي .. ولهلأ بشوفها

//

هلأ انا كنت ما ألزني .. ماخدة الصف لعبه .. ومش عارفه شو يعني مدرسة

قال أطلع من الصف وقت الي بدي وارجع وقت الي بدي ..

واتمشي واكل ,, ولا كأني قاعده بصف

لحد ما مرة قال راجعه وواثقة من نفسي كتير ..

الا المعلمة بتقولي وين كنتي ؟ قلتلا طلعت برا

هههههههههههههه كأني بأوتيل انا

بتقولي تاني مرة بتاخدي إذن ..

قلتلا طيب .. ومن يومها عرفت انه في قوانين وبهالشي الي اسمو مدرسة

والتزامات ..

وكبرت فيها لهالمدرسة ..

وكـــــنت تلميذة شاطرة ومهذبة وعاقله

وأخد وساام عشاني مهذبة ..

وما بيطلع صوتي ،، يعني ما عنـدي مغامرات .. ولا أي شي فوق العادي او أي شي يذكر ..

هيك حيـاة هادية .. لأني كنت رايئة كتير ،،

شخصيتي شوي لازمها تقواي ..

إذا حدا زعلني .. ما أعرف رد ولا دافع عن حالي . .

بس رفقاتي يحبوني كتير .. ويتخانقو عليي ..

رغم اني كنت لا اكش ولا أنش ههههههههههههههه بس يتخانقو مين يمشي معي

ليش ما بعرف

الشي الي بتذكرو خلال هاي السنين الدراسة الابتدائية

اني كنت وقتها لسه نكدة كتير كتير

هههههههههههههه

بجد ما بتذكر مرة طلعونا فيها اهلي

الا ارجع عمببكي .. شو ما عملولي لسه بدي بعد .. عنددي طلبـات

ما بتخلص .. لو عملولي كل شي .. الا هالشي الي براسي ,, خلص بقلب

الطلعه هم وغم ..

وبصرااااحة كنــــت أتعب كتير كتير من البكى ووالنق ... بس ما استسلم ابدا

ههههههههههههههه

لازم نحن وراجعين ابكيلهم .. ويكون عندي طلب زيادة ...

يا اما بننفذولي ياه ،، هربا من نقي .. وخلص برتاح

يا اما بابا بصر انه لااء .. ونرجع للبيت .. بستسلم للأمر الوقع ..

هههههههههههههه

بعد ما كون هلكت .. وطوشت أهلي نكدت عليهم

وكانو مسميني حجة نكد ههههههههههههههههههههههههه

[.:.!دموع الرحيل!.:.]

إيـــه اتزكرت كـان الي حركة وخصلة وانا وصغيرة لما كان عمري

شي سنتين ..

خلت يصير معي حساسية

هههههههههههههه

كان في ببـــاب الصالون .. حفرة بالأرض فيها شوية رمل

قفل الباب بينزل فيـــهـــــا ..

انا كل يوم .. متل البرنامج اليومي

آجي وامسك نقطة رمل .. واحط بتمي ..

لازم لازم كل يوم .. شكلي أدمنت ههههههههههههههههه

وماما تشوفني وتصرخ عليي .. وتضربني ع إيديي ! بس عبث

بعدين بالحرام تاع الصوف كل الليل أشيل صوف واحط بمنخـــاري

ههههههههههههههههههههه تفيق ماما تلاقي منخاري كلو صوف

هههههههههههههههههههههههههه

وتمي بالنهار احط فيو رمل .. وكنت لسه بحبي حبي عالأرض

عشان هيك الحفرة الصغيرة تكون هينة لتطلع بوجي

مش عارفه ليش هيك كـنــت << بقولو اني كنت بيبي

لحد ما اتحسست .. ومرضت حالي .. ههههههههههههههه

//

بكمل بعدين ان شاء الله ..

[.:.!دموع الرحيل!.:.]

رجعـنـــــا بعد غيــــاب

هلأ يا جمـــــاعة الخير .. انا كبرت شوي وصار عمري قريب الـ 12 سنة ..

وبهالعمر اتحجبــــت .. الحمدلله

وكنت بهالمدرسة متل ما قولتلكم .. عاقلة كتير .. لا بكش ولا بنش

ولما حاول اشاغب شوي .. انكمش بسرعه لأنه مش طبعي .. وتمسكني الناظرة بشاغب

أقوم اهمد من بعض هالصرخه أشهر بحالها هههههههههههههه

هو انا خلقة ما الي بالمشاغبات .. شو حال لو مرة جربت بس أفكر اشاغب ..

اقوم الاقي الناظرة ع حظي .. واقفه ع الباب .. بتسمعني وانا بصرخ ع البنـات

وهو اول مرة بحيـاتي .. بقرر اعطي رأيي بقوة ههههههههههههههه

أجت أحطبتني .. والي عمبشاغبو مزبوط ..

طلعو من المشكل متل الشعر من العجينة ..

وانا المسكينة العاقلة .. أكلت بهدلة أمام الملأ

ولا قدرت الناظرة أدبي ,, وهدوئي طول السنة ..

إخس بس

بعدين صرت برييفيه ..

وكرهــــت المدرسة كتير كتير ،، وكانت سنة بريفيه يعني تقديم رسمي

وغبت عن المدرسة يمكن شي 34 السنــــــــــة

والكل كان ناطر خبر رسوبي ..

هو انا بس .. قررت أدرس أخر شهر ...

والكل فاقد الأمل ..

واجت الامتحانات وقدمــــت ..

وبس طلعو النتايج ..

نجحـــــــــت الله وكيل

وكتير من رفقاتي اللي كانو يلوموني انه ليش ما بحضر بلمدرسة ومدري شو

رسبو

وانا كيف نحجت .. الله أعلـــــــم .. عناية إلاهية الحمدلله

ما بروح من بالي منظر بابا ..

وهو بس اجا بالليل مصدوووم

ههههههههههههه يطلع فيني وبماما ويقولها

بس نفسي افهم هالبنت كيف نجحت .. ما حضـــــــرت شي طول السنة

هههههههههههههههههه

الحمدلله ..

وبس خلصت ..

دخلت معهد شريعه إسلامية ..

كــــــانت أحلى ايام بحيـــاتي ..

كتير حبيت هاي الدراسة ..

والحمدلله كنت أطلع دايما من الـتلاتة الأوائل ..

كمـــــــان بأيام المعهد كنــــت هادية ورايئة ..

ولسه شخصيتي عادية . . مش هالقوية زيادة

واذا ما عرفت شي استحي اسأل .. والخ ..

شي دمـار يعني مش عارفه كيف كنت متحملة حالي

وخــــلصـــت المعهد .. وصار وقـــت الجـــامعه..

النقلة النوعية

[.:.!دموع الرحيل!.:.]

هلأ دخلت الجــــامعه ..

كـان شي جديد عليي ..

شي كتير غير عن المعهد ..

بلشت افكاري .. تتغير .. وتتوسع ..

اتوسعت مجالات تعارفي على ناس .. من جميع الأشكال والأفكار . ..

أغلب البنـات جوا فلسطينيات .. وكان لسه ما عنـدي اهتمام بالقضية الفلسطينية ابداً

البنـات جوا يفكروني لبنانية .. من طريقة كلامي .. ولما اقول اني فلسطينية بنصدمو .. قال

بس صحبتـي إلهم فادتني كتير ،، كنت ضل الاقيهم قاعدين يحكو عن فلسطين .. والجهاد والخ ..

وانا مش فاهمه شي .. بس صرت أحب أعرف شو هالشي الي هيك مالي تفكيرهم

وبحكو عنه بشوق ولهفة وإصرار وحب ..

ومع الوقــــت .. صرت أخد منهم شرايط اناشيد فلسطينية ..

وشوي شوي ,, لحد ما عشقت القضية .. وهاي كـــانت أهم نقلة بحيـــاتي ..

لهلأ بشكر ربي عليها .. انو عرفني على هالبنـات .. ووفقهم انه يكونو سبب من اسباب سعادتي

بالدنيـــــا

لأنه حبي وتعلقي بقضيتي .. بعتبرو هو وقت ولادتي الحقيقية



وهيني لســـــاتني بالجــــامعه ..

اضطريت اوقف سنـة عن الجامعه عشان الأحداث الي صارت والمنطقة هونيك

بتخوف .. بابا ما رضي يبعتني راحت عليي سنة ..

وهيني هلأ ماشية بهالجامعه وبعد عليي قريب الـ سنة ونص